ಈ ಬಾರಿಯ ರಾಜ್ಯೋತ್ಸವ ಅಪ್ಪು, ಶರಣ್ ಪಾಲಿಗೆ ವಿಶೇಷ

ರಾಜ್ಯೋತ್ಸವ ಕನ್ನಡಿಗರ ಪಾಲಿಗೆ ಒಂದು ವಿಶೇಷ ದಿನ. ಆದರೆ, ಈ ಬಾರಿಯ ಕನ್ನಡ ರಾಜ್ಯೋತ್ಸವ ನಟ ಪುನೀತ್ ರಾಜ್ ಕುಮಾರ್ ಹಾಗೂ ಶರಣ್ ಪಾಲಿಗೆ ಮತ್ತೊಂದು ಖುಷಿಗೆ ಕಾರಣ ಆಗಲಿದೆ.

ನಟ ಪುನೀತ್ ರಾಜ್ ಕುಮಾರ್ ಹಾಗೂ ನಿರ್ದೇಶಕ ಸಂತೋಷ್ ಆನಂದ್ ರಾಮ್ ಅವರ ಕಾಂಬಿನೇಶನ್ ನ ಎರಡನೇ ಸಿನಿಮಾದ ಟೈಟಲ್ ಆ ದಿನ ಘೋಷಣೆ ಆಗಲಿದೆ. ಈ ಸಿನಿಮಾದ ಹೆಸರಿನ ಬಗ್ಗೆ ಎಲ್ಲರಿಗೂ ಕುತುಹಲವಿದ್ದು, ಅದಕ್ಕೆ ಆ ದಿನ ಉತ್ತರ ಸಿಗಲಿದೆ.

ಇನ್ನೊಂದು ಕಡೆ ಶರಣ್ ಅವರ 'ವಿಕ್ಟರಿ 2' ಸಿನಿಮಾ ಅದೇ ದಿನ ಬಿಡುಗಡೆಯಾಗುತ್ತಿದೆ. 'ವಿಕ್ಟರಿ' ಸಿನಿಮಾದ ಯಶಸ್ಸಿನ ನಂತರ ಮತ್ತೆ ಶರಣ್ ಅದೇ ಹೆಸರಿನ ಸಿನಿಮಾ ಮಾಡಿದ್ದಾರೆ. ಹರಿ ಸಂತೋಷ್ ಈ ಚಿತ್ರದ ನಿರ್ದೇಶನ ಮಾಡಿದ್ದಾರೆ.

ಈ ಸಿನಿಮಾಗಳ ಜೊತೆಗೆ ಬೇರೆ ಬೇರೆ ಸಿನಿಮಾಗಳ ಪೋಸ್ಟರ್ ಗಳು, ಟೀಸರ್, ಟ್ರೇಲರ್ ಗಳು ರಾಜ್ಯೋತ್ಸವದ ವಿಶೇಷವಾಗಿ ಬಿಡುಗಡೆಯಾಗುವ ಸಾಧ್ಯತೆ ಇದೆ.