ವಿಡಿಯೋ: ಪ್ರಕೃತಿ ನಡುವೆ ನಿಖಿಲ್ ಕುಮಾರಸ್ವಾಮಿ-ರೇವತಿ ವರ್ಕ್‌ಔಟ್

ವಿಡಿಯೋ ಹಂಚಿಕೊಂಡಿರುವ ನಿಖಿಲ್

ನಿಖಿಲ್ ಕುಮಾರಸ್ವಾಮಿ ಹಾಗೂ ಪತ್ನಿ ರೇವತಿ ಮಹಡಿಯ ಮೇಲೆ ನಿಂತು ವ್ಯಾಯಾಮ ಮಾಡುತ್ತಿದ್ದಾರೆ. ವಿಡಿಯೋದ ಹಿನ್ನೆಲೆಯಲ್ಲಿ ಕಣ್ಣುಹಾಯಿಸಿದಷ್ಟೂ ಹಸಿರೇ ಕಾಣುತ್ತಿದೆ. ಪತಿ-ಪತ್ನಿ ಇಬ್ಬರೂ ಫಿಟ್‌ನೆಸ್‌ಗೆ ಮಹತ್ವ ನೀಡುವವರು ಎಂಬುದು ವಿಡಿಯೋದಿಂದ ಗೊತ್ತಾಗುತ್ತಿದೆ.

ಜಿಮ್ ಅಲ್ಲ ವ್ಯಾಯಾಮ ಮಾಡಲು ಪ್ರೇರಣೆ ಬೇಕಷ್ಟೆ

'ವ್ಯಾಯಾಮ ಮಾಡಲು ಯಾವಾಗಲೂ ಜಿಮ್ ಬೇಕು ಎಂದೇನೂ ಇಲ್ಲ, ವ್ಯಾಯಾಮ ಮಾಡಲು ಪ್ರೇರಣೆ ಬೇಕು, ನನ್ನ ಪಾರ್ಟನ್‌ ಜೊತೆ ಸೇರಿ ನಿಸರ್ಗದ ಮಧ್ಯೆ ವ್ಯಾಯಾಮ ಮಾಡಿದೆ' ಎಂದು ವಿಡಿಯೋ ಹಂಚಿಕೊಂಡಿರುವ ನಿಖಿಲ್ ಬರೆದುಕೊಂಡಿದ್ದಾರೆ.

ಕೃಷಿಕನಾಗುತ್ತಿರುವ ನಿಖಿಲ್ ಕುಮಾರಸ್ವಾಮಿ

ನಿಖಿಲ್ ಸಹ ಕೃಷಿಕನಾಗಲು ಹೊರಟಿದ್ದು, ತಮ್ಮ ಜನೀನಿನಲ್ಲಿ ಕೃಷಿ ಚಟುವಟಿಕೆ ಪ್ರಾರಂಭ ಮಾಡುವುದಾಗಿ ಕೆಲವು ದಿನಗಳ ಹಿಂದೆ ಸಾಮಾಜಿಕ ಜಾಲತಾಣದಲ್ಲಿ ಬರೆದುಕೊಂಡಿದ್ದರು. ಇದಕ್ಕೆ ಪೂರಕವಾಗಿ ಕೆಲವು ಚಿತ್ರಗಳನ್ನು ಸಹ ಹಂಚಿಕೊಂಡಿದ್ದರು.

ಫಾರಿನ್ ಟ್ರಿಪ್ ಕ್ಯಾನ್ಸಲ್

ಭಾರಿ ಅದ್ಧೂರಿಯಾಗಿ ನಡೆಸಲಿಚ್ಛಿಸಿದ್ದ ನಿಖಿಲ್ ಕುಮಾರಸ್ವಾಮಿ ಮದುವೆ ಲಾಕ್‌ಡೌನ್ ಕಾರಣದಿಂದ ಬಹು ಸರಳವಾಗಿ ಮಾಡಲಾಯಿತು. ನಂತರ ಈ ಯುವಜೋಡಿ ತಮ್ಮ ಫಾರಿನ್ ಟ್ರಿಪ್‌ ಯೋಜನೆಗಳನ್ನೂ ಸಹ ಕೊರೊನಾ ಕಾರಣಕ್ಕೆ ರದ್ದುಪಡಿಸಿ ಸದ್ಯ ರಾಮನಗರ ಬಳಿಯ ತೋಟದ ಮನೆ, ಬೆಂಗಳೂರು ಮನೆಗಳಿಗೆ ಓಡಾಡಿಕೊಂಡಿದ್ದಾರೆ.