ಕನ್ನಡದಲ್ಲಿ ಬೈದ ವಿದ್ಯಾ ಬಾಲನ್! ಎಲ್ಲಾ ಶ್ರೇಯ ದಾನಿಶ್ ಸೇಠ್‌ಗೆ

ಶಕುಂತಲಾದೇವಿ ಸಿನಿಮಾ ಬಿಡುಗಡೆ ಆಗಿದೆ

ನಟಿ ವಿದ್ಯಾ ಬಾಲನ್ ನಟನೆಯ 'ಶಕುಂತಲಾದೇವಿ' ಸಿನಿಮಾ ಇತ್ತೀಚೆಗಷ್ಟೆ ಅಮೆಜಾನ್ ಪ್ರೈಂನಲ್ಲಿ ಬಿಡುಗಡೆಯಾಗಿ ಉತ್ತಮ ಪ್ರಕತಿಕ್ರಿಯೆ ಪಡೆದಿದೆ. ಬೆಂಗಳೂರಿನ ಶಕುಂತಲಾದೇವಿ ಬಗ್ಗೆ ವಿದ್ಯಾ ಸಿನಿಮಾ ಮಾಡಿರುವುದು ಕನ್ನಡಿಗರ ಮೆಚ್ಚುಗೆಗೂ ಕಾರಣವಾಗಿದೆ. ಇದರ ನೆವವಾಗಿ ದಾನಿಶ್ ಸೇಠ್ ತಮ್ಮ ಫೇಮಸ್ ಪಾತ್ರಗಳ ರೂಪದಲ್ಲಿ ವಿದ್ಯಾ ಜೊತೆ ಸಂವಾದ ಮಾಡಿದ್ದಾರೆ.

ವಿದ್ಯಾ ಜೊತೆಗೆ ಆನ್‌ಲೈನ್ ಸಂವಾದ

ರಾಮಮೂರ್ತಿ, ಹೌಸ್‌ ಮೇಡ್ ಜಯಾ, ಜಯಾಳ ದೀದಿ, ಬೇವರ್ಸಿ ಕುಡುಕ, ಬೇಬ್ಸ್‌ ಹೀಗೆ ಹಲವು ಪಾತ್ರಗಳನ್ನು ಸೃಷ್ಟಿಸಿ ತಾವೇ ಆ ಎಲ್ಲಾ ಪಾತ್ರಗಳನ್ನು ಮಾಡುತ್ತಾ ಎಲ್ಲರನ್ನೂ ನಗಿಸುತ್ತಿರುವ ದಾನಿಶ್. ಅದೇ ತಮ್ಮ ಪಾತ್ರಗಳ ಮೂಲಕ ವಿದ್ಯಾ ಜೊತೆಗೆ ಆನ್‌ಲೈನ್‌ನಲ್ಲಿ ಸಂವಾದ ನಡೆಸಿದ್ದಾರೆ.

ಜಯಾಳನ್ನು ಮುಂಬೈಗೆ ಆಹ್ವಾನಿಸಿದ ವಿದ್ಯಾ

ರಾಮಮೂರ್ತಿ, ಜಯಾ , ಬೇಬ್ಸ್‌, ಬೇಬ್ಸ್‌ನ ಪೋಲಿ ಬಾಯ್‌ಫ್ರೆಂಡ್‌ ಎಲ್ಲರೊಟ್ಟಿಗೆ ವಿದ್ಯಾ ನಗುತ್ತಲೇ ಮಾತನಾಡಿದ್ದಾರೆ. ಜಯಾಳನ್ನಂತೂ ಮುಂಬೈನ ತಮ್ಮ ಮನೆಗೆ ಬಂದು ಬಿಡಲು ಸಹ ಆಹ್ವಾನಿಸಿದರು. ಆದರೆ ಬೇವರ್ಸಿ ಕುಡುಕನನ್ನು ಮಾತ್ರ ಬೈದುಬಿಟ್ಟರು ವಿದ್ಯಾ.

ಬೇವರ್ಸಿ ಕುಡುಕನನ್ನು ಬೈದ ವಿದ್ಯಾ

ಬೇವರ್ಸಿ ಕುಡುಕ, ಮ್ಯಾತ್ಸ್‌ ಅನ್ನು ಮ್ಯಾಡ್ಸ್‌ ಎಂದಾಗ ಸಿಟ್ಟಾದ ವಿದ್ಯಾ, 'ಥೂ ಬೇವರ್ಸಿ ಕುಡುಕ ಅದು ಮ್ಯಾಡ್ಸ್ ಅಲ್ಲ ಮ್ಯಾತ್ಸ್‌ ಹೋಗು ಇಲ್ಲಿಂದ' ಎಂದು ಬೈದರು. ಒಟ್ಟಾರೆ ದಾನಿಶ್ ಸೇಠ್ ಹಾಗೂ ವಿದ್ಯಾ ನಡುವನ ಸಂವಾದ ಚೆನ್ನಾಗಿತ್ತು. ವಿದ್ಯಾ ಬೇರ್ವಸಿ ಕುಡುಕನ ಅಭಿಮಾನಿ ಸಹ ಅಂತೆ. ಪುನೀತ್ ರಾಜ್‌ ಕುಮಾರ್ ಸಹ ಮೊನ್ನೆಯಷ್ಟೆ ಬೇವರ್ಸಿ ಕುಡುಕನನ್ನು ಬೈದಿದ್ದರು.