ವಿಜಯ್ ದೇವರಕೊಂಡರನ್ನ ಮೀರಿಸುವತ್ತಾ ಆನಂದ್ ದೇವರಕೊಂಡ.!

'ದೊರಸಾನಿ' ಚಿತ್ರದಲ್ಲಿ ದೇವರಕೊಂಡ ಬ್ರದರ್.!

ಕೆವಿಆರ್ ಮಹೇಂದ್ರ ನಿರ್ದೇಶಿಸುತ್ತಿರುವ 'ದೊರಸಾನಿ' ಚಿತ್ರದ ಮೂಲಕ ವಿಜಯ್ ದೇವರಕೊಂಡ ತಮ್ಮ ಆನಂದ್ ದೇವರಕೊಂಡ ಸಿನಿಮಾ ಇಂಡಸ್ಟ್ರಿಗೆ ಲಗ್ಗೆಯಿಡ್ತಿದ್ದಾರೆ. ಈ ಚಿತ್ರದ ಟೀಸರ್ ಈಗ ರಿಲೀಸ್ ಗೆ ರೆಡಿಯಾಗಿದ್ದು, ಕುತೂಹಲ ಹುಟ್ಟುಹಾಕಿದೆ.

ಸ್ಟಾರ್ ನಟನ ಮಗಳು ನಾಯಕಿ

ಅಂದ್ಹಾಗೆ, ಆನಂದ್ ದೇವರಕೊಂಡ ನಾಯಕನಾಗಿ ಅಭಿನಯಿಸುತ್ತಿರುವ 'ದೊರಸಾನಿ' ಚಿತ್ರಕ್ಕೆ ತೆಲುಗು ಹಿರಿಯ ನಟ ರಾಜಶೇಖರ್ ಅವರ ಪುತ್ರಿ ಶಿವಾತ್ಮಿಕ ನಾಯಕಿಯಾಗಿದ್ದಾರಂತೆ. ಶಿವಾತ್ಮಿಕಗೂ ಕೂಡ ಇದು ಮೊದಲ ಸಿನಿಮಾ.

ಅಣ್ಣನ ಹಾದಿಯಲ್ಲಿ ತಮ್ಮ

ಅರ್ಜುನ್ ರೆಡ್ಡಿ ಮತ್ತು ಗೀತಾ ಗೋವಿಂದಂ ಚಿತ್ರಗಳಲ್ಲಿ ಸಖತ್ ಹಾಟ್ ಆಗಿ ಕಾಣಿಸಿಕೊಂಡಿದ್ದ ವಿಜಯ್ ದೇವರಕೊಂಡ, ಕಿಸ್ಸಿಂಗ್ ದೃಶ್ಯಗಳಲ್ಲಿ ಅಭಿನಯಿಸಿದ್ದರು. ಈಗ ರಿಲೀಸ್ ಗೆ ರೆಡಿಯಾಗಿರುವ ಡಿಯರ್ ಕಾಮ್ರೇಡ್ ಚಿತ್ರದಲ್ಲೂ ಲಿಪ್ ಲಾಕ್ ಮಾಡುವ ಮೂಲಕ ಸದ್ದು ಮಾಡಿದ್ದರು. ಇದೀಗ, ಆನಂದ್ ದೇವರಕೊಂಡ ಕೂಡ ಚೊಚ್ಚಲ ಚಿತ್ರದಲ್ಲೇ ಲಿಪ್ ಲಾಕ್ ಮಾಡಲಿದ್ದಾರಂತೆ. ಈ ದೃಶ್ಯ ಟೀಸರ್ ನಲ್ಲಿ ಕೂಡ ಇರಲಿದೆ ಎನ್ನಲಾಗಿದೆ.

ಬ್ರಾಂಡ್ ಗೆ ರಾಯಭಾರಿ ದೇವರಕೊಂಡ ಬ್ರದರ್ಸ್?

ಈಗಾಗಲೇ ಕಿಸ್ಸಿಂಗ್ ಸೀನ್ ಗಳಲ್ಲಿ ಹೆಚ್ಚು ಕಾಣಿಸಿಕೊಳ್ಳುತ್ತಿರುವ ವಿಜಯ್ ದೇವರಕೊಂಡರಂತೆ ಅವರನ್ನ ಸೌತ್ ಇಂಡಸ್ಟ್ರಿಯ ಇಮ್ರಾನ್ ಹಶ್ಮಿ ಎಂದೇ ಕರೆಯಲಾಗುತ್ತಿದೆ. ಈಗ ಆನಂದ್ ದೇವರಕೊಂಡ ಕೂಡ ಅದೇ ಹಾದಿಯಲ್ಲಿ ಸಾಗುವ ಸೂಚನೆ ಸಿಕ್ಕಿದೆ. ಈ ಮೂಲಕ ಇಂಡಸ್ಟ್ರಿಯಲ್ಲಿ ಕಿಸ್ಸಿಂಗ್ ದೃಶ್ಯಗಳಿಗೆ ಬ್ರದರ್ಸ್ ಇಬ್ಬರು ಬ್ರಾಂಡ್ ಆಗಬಹದಾ ಎಂಬ ಮಾತುಗಳು ಇವೆ.