ರಶ್ಮಿಕಾ ಜೊತೆ ಮತ್ತೆ ಸಿನಿಮಾ ಮಾಡುವುದಿಲ್ಲವಂತೆ ವಿಜಯ್ ದೇವರಕೊಂಡ

ವಿಜಯ್ ಜೊತೆ ಯಾಕೆ ಡೇಟ್ ಮಾಡಬಾರದು?

ಅಭಿಮಾನಿಯೊಬ್ಬರು ರಶ್ಮಿಕಾಗೆ ಸಾಮಾಜಿಕ ಜಾಲತಾಣದಲ್ಲಿ ಪ್ರಶ್ನೆ ಹಾಕಿದ್ದರು. "ನೀವು ಮತ್ತು ವಿಜಯ್ ಇಬ್ಬರು ಒಳ್ಳೆಯ ಜೋಡಿ. ನೀವಿಬ್ಬರು ಯಾಕೆ ಡೇಟಿಂಗ್ ಮಾಡಬಾರದು" ಎಂದು ಪ್ರಶ್ನೆ ಮಾಡಿದ್ದರು. ಅಭಿಮಾನಿಯ ಪ್ರಶ್ನೆಗೆ ರಶ್ಮಿಕಾ ಉತ್ತರ ನೀಡಿದ್ದಾರೆ.

'ನಿಮಗೆ ನಿರಾಸೆ ಮಾಡಿದ್ದಕ್ಕೆ ಕ್ಷಮೆ ಇರಲಿ'

"ನಿಮಗೆ ನಿರಾಸೆ ಮಾಡಿದ್ದಕ್ಕೆ ಕ್ಷಮೆ ಇರಲಿ. ಇಬ್ಬರು ಕುಳಿತು ಡೇಟಿಂಗ್ ಮಾಡಲು, ನಮ್ಮಿಬ್ಬರಿಗೂ ಮಾಡಲು ಸಖತ್ ಕೆಲಸಗಳಿವೆ. ನಾವು ಕೆಲಸದ ಮೂಲಕ ಪ್ರೀತಿ ಮತ್ತು ಗೌರವವನ್ನು ಕೊಡುತ್ತೇವೆ" ಎಂದು ಅಭಿಮಾನಿಯ ಪ್ರಶ್ನೆಗೆ ಖಡಕ್ ಪ್ರತಿಕ್ರಿಯೆ ನೀಡಿರುವ ರಶ್ಮಿಕಾ ಡೇಟಿಂಗ್ ವಿಚಾರಕ್ಕೆ ತೆರೆ ಎಳೆಯುವ ಪ್ರಯತ್ನ ಮಾಡಿದ್ದಾರೆ.

'ವಿಜಯ್ ಗೆ ತುಂಬ ಕಿರಿಕಿರಿ ಮಾಡಿದ್ದೀನಿ'

"ಈಗಾಗಲೆ ವಿಜಯ್ ದೇವರಕೊಂಡಗೆ ತುಂಬಾ ಕಿರಿಕಿರಿ ಮಾಡಿದ್ದೀನಿ. ಹಾಗಾಗಿ ವಿಜಯ್ ನನ್ನ ಜೊತೆ ಸಿನಿಮಾಡಲು ಒಪ್ಪಿಕೊಳ್ಳುತ್ತಿಲ್ಲ. ಕಮ್ಮಿ ಎಂದರು ಮುಂದಿನ ಎರಡು ವರ್ಷಗಳು ವಿಜಯ್ ನನ್ನ ಜೊತೆ ಸಿನಿಮಾ ಮಾಡುವುದಿಲ್ಲ" ಎಂದು ಹೇಳಿದ್ದಾರೆ.

2 ವರ್ಷ ಸಿನಿಮಾ ಮಾಡದಿರಲು ಅಸಲಿ ಕಾರಣ

ವಿಜಯ್ ದೇವರಕೊಂಡ ಮತ್ತು ರಶ್ಮಿಕಾ ಇಬ್ಬರು ಎರಡು ವರ್ಷ ಸಿನಿಮಾ ಮಾಡದಿರಲು ನಿಜವಾದ ಕಾರಣ ಇಬ್ಬರ ಬಳಿಯೂ ಕೈ ತುಂಬ ಸಿನಿಮಾಗಳಿವೆ. ರಶ್ಮಿಕಾ ಈಗಾಗಲೆ ಕನ್ನಡ, ತೆಲುಗು ಮತ್ತು ತಮಿಳು ಚಿತ್ರರಂಗದಲ್ಲಿ ಬ್ಯುಸಿಯಾಗಿದ್ದಾರೆ. ಜೊತೆಗೆ ವಿಜಯ್ ದೇವರಕೊಂಡ ಸದ್ಯ ಪುರಿ ಜಗನ್ನಾಥ್ ನಿರ್ದೇಶನದ ಸಿನಿಮಾದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ. ಜೊತೆಗೆ ಇನ್ನು ಅನೇಕ ಸಿನಿಮಾಗಲು ವಿಜಯ್ ಕೈಯಲ್ಲಿದೆ.