'ಲಿಪ್ ಲಾಕ್ ಅಂದ್ರೆ ನಂಗೆ ಆಗಲ್ಲ' : ಮುತ್ತಿನ ಅರ್ಥ ಹೇಳಿದ ದೇವರಕೊಂಡ

ಲಿಪ್ ಲಾಕ್ ಅನ್ನೋ ಪದವೇ ನಂಗೆ ಆಗಲ್ಲ

ಲಿಪ್ ಲಾಕ್ ಎನ್ನುವ ಪದವನ್ನು ಆಗಾಗ ಟಿವಿ, ಪೇಪರ್ ನಲ್ಲಿ ಕೇಳುತ್ತೇವೆ.. ಓದುತ್ತೇವೆ. ಆದರೆ, ಲಿಪ್ ಲಾಕ್ ಎಂಬ ಪದ ವಿಜಯ್ ದೇವರಕೊಂಡಗೆ ಆಗುವುದಿಲ್ಲವಂತೆ. ''ಲಿಪ್ ಲಾಕ್ ಎಂದರೆ ಏನು? ಆ ಪದವನ್ನು ಬಳಸುವುದು ನನಗೆ ಇಷ್ಟ ಆಗುವುದಿಲ್ಲ. ಲಿಪ್ ಲಾಕ್ ಎಂದರೆ ಅದು ಮುತ್ತು ಅಷ್ಟೇ'' ಎಂದು ಹೇಳಿದ್ದಾರೆ.

ಕಿಸ್ ಎನ್ನುವುದೂ ಕೂಡ ಒಂದು ಎಮೋಷನ್

''ಕಿಸ್ ಎನ್ನುವುದೂ ಕೂಡ ಒಂದು ಎಮೋಷನ್. ನಾವು ಹೇಗೆ ನಗುತ್ತೇವೆ.. ಅಳುತ್ತೇವೆ.. ಖುಷಿ.. ದುಃಖ.. ಪಡುತ್ತೇವೆ ಆ ರೀತಿ ಅದು ಕೂಡ ಒಂದು ಭಾವನೆ.'' ಎಂದು ಹೇಳುವ ಮೂಲಕ ವಿಜಯ ದೇವರಕೊಂಡ ಎಲ್ಲ ಭಾವನೆಗಳ ಹಾಗೆ ಮುತ್ತು ಕೂಡ ಸಾಮಾನ್ಯ ಭಾವನೆ ಎಂದು ವಿವರಿಸಿದ್ದಾರೆ.

ಕಿಸ್ ಕೊಡುವುದು ನಾವಲ್ಲ...ಪಾತ್ರಗಳು...

ಸಿನಿಮಾಗೆ ಅಗತ್ಯ ಇದ್ದರೇ ಮಾತ್ರ ವಿಜಯ ದೇವರಕೊಂಡ ಕಿಸ್ಸಿಂಗ್ ಸೀನ್ ಮಾಡುತ್ತಾರಂತೆ. ''ಎರಡು ಪಾತ್ರಗಳ ಆತ್ಮೀಯತೆ ಆ ಮಟ್ಟಕ್ಕೆ ಇದ್ದರೆ, ಮುತ್ತಿನ ದೃಶ್ಯದ ಅವಶ್ಯಕತೆ ಇರುತ್ತದೆ. ಸಿನಿಮಾದಲ್ಲಿ ನಾನು - ರಶ್ಮಿಕಾ ಮುತ್ತು ಕೊಟ್ಟಿಲ್ಲ. ಆ ಪಾತ್ರಗಳು ಮುತ್ತು ಕೊಟ್ಟಿವೆ ಅದನ್ನು ಅರ್ಥ ಮಾಡಿಕೊಳ್ಳಬೇಕು.'' ಎಂಬ ಪ್ರತಿಕ್ರಿಯೆ ನೀಡಿದ್ದಾರೆ.

ಕಿಸ್ಸಿಂಗ್ ದೃಶ್ಯಗಳ ಸಿನಿಮಾಗಳು

'ಅರ್ಜುನ್ ರೆಡ್ಡಿ' ಚಿತ್ರದಲ್ಲಿ ಸರಣಿ ಮುತ್ತುಗಳು ಇದ್ದವು. ಇದೇ ದೃಶ್ಯಗಳು ದೊಡ್ಡ ಮಟ್ಟದಲ್ಲಿ ಸದ್ದು ಮಾಡಿತ್ತು. 'ಗೀತಾ ಗೋವಿಂದಂ', 'ನೋಟ' ಚಿತ್ರಗಳಲ್ಲಿಯೂ ಕಿಸ್ಸಿಂಗ್ ದೃಶ್ಯಗಳು ಮುಂದುವರೆದವು. ಈಗ 'ಡಿಯರ್ ಕಮ್ರೇಡ್'ನಲ್ಲಿಯೂ ಕಿಸ್ಸಿಂಗ್ ಸೀನ್ ಗಳು ಇರುವ ಸೂಚನೆ ಟ್ರೇಲರ್ ನಲ್ಲಿಯೇ ಸಿಕ್ಕಿದೆ. ಈ ಎಲ್ಲ ಸಿನಿಮಾಗಳು ವಿಜಯ್ ದೇವರಕೊಂಡರನ್ನು ಕಿಸ್ಸಿಂಗ್ ಸ್ಟಾರ್ ಮಾಡಿದೆ.