ರಶ್ಮಿಕಾ ಹುಟ್ಟುಹಬ್ಬಕ್ಕೆ ವಿಜಯ್ ದೇವರಕೊಂಡ ಕಡೆಯಿಂದ ಸ್ಪೆಷಲ್ ಗಿಫ್ಟ್

ಪ್ರೀತಿಯ ಲಿಲ್ಲಿಗೆ ವಿಜಯ್ ಶುಭಾಶಯ

ವಿಜಯ್ ದೇವರಕೊಂಡ ರಶ್ಮಿಕಾ ಅವರನ್ನು ಲಿಲ್ಲಿ ಎಂದು ಕರೆಯುತ್ತಾರೆ. ಅಚ್ಚರಿ ಪಡಬೇಡಿ ಇದು 'ಡಿಯರ್ ಕಾಮ್ರೇಡ್' ಸಿನಿಮಾದಲ್ಲಿ ರಶ್ಮಿಕಾ ಹೆಸರು. ಅದೇ ಹೆಸರನ್ನು ಹೇಳಿ ಲಿಲ್ಲಿಗೆ ಶುಭಾಶಯ ತಿಳಿಸಿದ್ದಾರೆ ವಿಜಯ್. 'ನಾವು ತಮಾಷೆ ಮಾಡುತ್ತೇವೆ, ಆದ್ರೆ ನೀನು ಬೇಜಾರು ಮಾಡಿಕೊಳ್ಳಬೇಡ, ನೀನು ನಮ್ಮ ಚಿತ್ರತಂಡದಲ್ಲಿದ್ದರೆ ಸಂಭ್ರಮ, ನಿನ್ನ ಕಾರ್ಯದಕ್ಷತೆ ನಮಗೆ ಸ್ಫೂರ್ತಿ, ದಿನಪೂರ್ತಿ ನಗುತ್ತಿರು'. ಎಂದು ವಿಶೇಷವಾಗಿ ಶುಭಾಶಯ ತಿಳಿಸಿದ್ದಾರೆ.

ರಶ್ಮಿಕಾಗೆ ವಿಜಯ್ ಕೊಡ್ತಾರಂತೆ ಸ್ಪೆಷಲ್ ಗಿಫ್ಟ್

ವಿಜಯ್ ಫೇವರಿಟ್ ನಟಿ ಮತ್ತು ಗೆಳತಿ ಆಗಿರುವ ರಶ್ಮಿಕಾ ಮಂದಣ್ಣಗೆ ವಿಶೇಷವಾದ ಉಡುಗೊರೆಯನ್ನು ನೀಡಲು ಪ್ಲಾನ್ ಮಾಡಿಕೊಂಡಿದ್ದಾರಂತೆ. ಆದ್ರೆ, ಇದು ವಿಜಯ್ ಕಡೆಯಿಂದ ಮಾತ್ರವಲ್ಲದೇ ಇಡೀ ಚಿತ್ರತಂಡದ ಕಡೆಯಿಂದ ಸಿಗುತ್ತಿರುವ ಗಿಫ್ಟ್ ಅಗಿದೆ. 'ಡಿಯರ್ ಕಾಮ್ರೇಡ್' ಚಿತ್ರದ ಮೊದಲ ಹಾಡನ್ನು ಮುಂದಿನ ಸೋಮವಾರ ರಿಲೀಸ್ ಮಾಡುವ ಮೂಲಕ ರಶ್ಮಿಕಾ ಅವರಿಗೆ ಗಿಫ್ಟ್ ಆಗಿ ನೀಡುತ್ತಿದೆ ಚಿತ್ರತಂಡ.

ನಿರೀಕ್ಷೆ ಹೆಚ್ಚಿಸಿದ ಡಿಯರ್ ಕಾಮ್ರೇಡ್ ಸಿನಿಮಾ

ಡಿಯರ್ ಕಾಮ್ರೇಡ್ ಸಿನಿಮಾ ಮೂಲಕ ಸೌತ್ ನಿಸಿ ಇಂಡಸ್ಟ್ರಿಯ ಗಮನ ಸೆಳೆದಿರುವ ರಶ್ಮಿಕಾ ಹುಟ್ಟಹಬ್ಬಕ್ಕೆ 'ಡಿಯರ್ ಕಾಮ್ರೇಡ್' ಚಿತ್ರದಿಂದ ರಶ್ಮಿಕಾ ಅವರ ಲಿಲ್ಲಿ ಲುಕ್ ರಿಲೀಸ್ ಮಾಡಲಾಗಿದೆ. 'ಗೀತಾ ಗೋವಿಂದಂ' ಚಿತ್ರದ ನಂತರ ಎರಡನೇ ಬಾರಿಗೆ ವಿಜಯ್ ದೇವರಕೊಂಡ ಜೊತೆ ತೆರೆ ಹಂಚಿಕೊಳ್ಳುತ್ತಿರುವ ರಶ್ಮಿಕಾ ಅವರ 'ಡಿಯರ್ ಕಾಮ್ರೇಡ್' ಸಿನಿಮಾ ಭಾರಿ ನಿರೀಕ್ಷೆ ಹುಟ್ಟುಹಾಕಿದೆ. ಅಲ್ಲದೆ ಪುಟ್ಟ ಟೀಸರ್ ಕುತೂಹಲವನ್ನು ಮತ್ತಷ್ಟು ಹೆಚ್ಚಿಸಿದೆ.

ಮೂರು ಭಾಷೆಗಳಲ್ಲಿ ಬ್ಯುಸಿ ಇರುವ ರಶ್ಮಿಕಾ

ರಶ್ಮಿಕಾ ಸದ್ಯ ದಕ್ಷಿಣ ಭಾರತದ ಮೂರು ಭಾಷೆಯಲ್ಲಿ ಬ್ಯುಸಿಯಾಗಿದ್ದಾರೆ. ಕನ್ನಡದಲ್ಲಿ ಧ್ರುವ ಸರ್ಜಾ ಜೊತೆ 'ಪೊಗರು' ಚಿತ್ರದಲ್ಲಿ ಅಭಿನಯಿಸುತ್ತಿದ್ದಾರೆ. ಇನ್ನು ತೆಲುಗಿನಲ್ಲಿ 'ಡಿಯರ್ ಕಾಮ್ರೇಡ್' ಜೊತೆಗೆ ಇತ್ತೀಚಿಗಷ್ಟೆ ನಟ ನಿತಿನ್ ಜೊತೆ 'ಭೀಷ್ಮ' ಎನ್ನುವ ಹೊಸ ಸಿನಿಮಾ ಕೂಡ ಅನೌನ್ಸ್ ಮಾಡಿದ್ದಾರೆ. ಇದರ ಜೊತೆಗೆ ತಮಿಳು ನಟ ಕಾರ್ತಿಕ್ ಗೆ ನಾಯಕಿಯಾಗುವ ಮೂಲಕ ತಮಿಳು ಚಿತ್ರರಂಗದಲ್ಲು ಬ್ಯುಸಿಯಾಗಿದ್ದಾರೆ.