'ತಂದೆ'ಯಾದ ತೆಲುಗು ನಟ ವಿಜಯ್ ದೇವರಕೊಂಡ.!

ಕ್ರಾಂತಿ ಮಾಧವ್ ಚಿತ್ರದಲ್ಲಿ ವಿಜಯ್ ದೇವರಕೊಂಡ

ನಿರ್ದೇಶಕ ಕ್ರಾಂತಿ ಮಾಧವ್ ಆಕ್ಷನ್ ಕಟ್ ಹೇಳಲಿರುವ ಹೊಸ ಚಿತ್ರದಲ್ಲಿ ಅಭಿನಯಿಸಲು ವಿಜಯ್ ದೇವರಕೊಂಡ ಹಸಿರು ನಿಶಾನೆ ಕೊಟ್ಟಿದ್ದಾರಂತೆ. ಇಂಟರೆಸ್ಟಿಂಗ್ ಅಂದರೆ ಈ ಸಿನಿಮಾದಲ್ಲಿ ಅವರು ತಂದೆಯ ಪಾತ್ರ ಪೋಷಿಸುತ್ತಿದ್ದಾರೆ.

ಎಂಟು ವರ್ಷದ ಮಗುವಿನ ತಂದೆ

ನಟ ವಿಜಯ್ ದೇವರಕೊಂಡ ರವರಿಗೆ ಇನ್ನೂ 29 ವರ್ಷ ವಯಸ್ಸು. ಹೀಗಿದ್ದರೂ ತೆರೆ ಮೇಲೆ ಎಂಟು ವರ್ಷದ ಮಗುವಿನ ತಂದೆಯಾಗಿ ನಟಿಸಲು ವಿಜಯ್ ದೇವರಕೊಂಡ ಒಪ್ಪಿಕೊಂಡಿದ್ದಾರಂತೆ. ಯಾವುದೇ ಪಾತ್ರ ಕೊಟ್ಟರೂ, ಅದಕ್ಕೆ ಜೀವ ತುಂಬುವ ವಿಜಯ್ ದೇವರಕೊಂಡ ತಂದೆಯಾಗಿ ಹೇಗೆ ಕಾಣಿಸಿಕೊಳ್ಳುತ್ತಾರೆ ಎಂಬುದೇ ಸದ್ಯದ ಕುತೂಹಲ.

ನಾಯಕಿಯರು ಯಾರು.?

ಕ್ರಾಂತಿ ಮಾಧವ್ ನಿರ್ದೇಶನದ ಇನ್ನೂ ಹೆಸರಿಡದ ಈ ಚಿತ್ರಕ್ಕೆ ನಾಯಕಿಯರಾಗಿ ರಾಶಿ ಖನ್ನ, ಐಶ್ವರ್ಯ ರಾಜೇಶ್, ಇಸಬೆಲ್ ಆಯ್ಕೆ ಆಗಿದ್ದಾರೆ. 'ಡಿಯರ್ ಕಾಮ್ರೇಡ್' ಶೂಟಿಂಗ್ ಮುಗಿದ ಬಳಿಕ ಈ ಚಿತ್ರದ ಚಿತ್ರೀಕರಣ ಆರಂಭವಾಗಲಿದೆ.

'ಡಿಯರ್ ಕಾಮ್ರೆಡ್' ಮೇಲೆ ಎಲ್ಲರ ಕಣ್ಣು

'ಗೀತ ಗೋವಿಂದಂ' ಸೂಪರ್ ಹಿಟ್ ಆದ ಮೇಲೆ ವಿಜಯ್ ದೇವರಕೊಂಡ ಮತ್ತು ರಶ್ಮಿಕಾ ಮಂದಣ್ಣ ಕಾಂಬಿನೇಷನ್ ನಲ್ಲಿ ತಯಾರಾಗುತ್ತಿರುವ ಚಿತ್ರ 'ಡಿಯರ್ ಕಾಮ್ರೇಡ್'. ಹೀಗಾಗಿ ಈ ಚಿತ್ರದ ಮೇಲೆ ಎಲ್ಲರ ನಿರೀಕ್ಷೆ ತುಸು ಹೆಚ್ಚಿದೆ.