ರಶ್ಮಿಕಾ ವಿಷ್ಯದಲ್ಲಿ ಅಭಿಮಾನಿಗಳ ಮೇಲೆ ಮುನಿಸಿಕೊಂಡ ವಿಜಯ್ ದೇವರಕೊಂಡ.!

ಅಭಿಮಾನಿಗಳಿಂದ ಇದನ್ನು ನಿರೀಕ್ಷೆ ಮಾಡಿರಲಿಲ್ಲ

ಡಿಯರ್ ಕಾಮ್ರೇಡ್ ಸಿನಿಮಾದ ಲಿಪ್ ಲಾಕ್ ದೃಶ್ಯ ಈ ಮಟ್ಟಕ್ಕೆ ಸದ್ದು ಮಾಡುತ್ತೆ ಅಂತ ರಶ್ಮಿಕಾ ಮತ್ತು ವಿಜಯ್ ಕನಸ್ಸಲ್ಲೂ ಅಂದುಕೊಂಡಿರಲಿಲ್ಲ ಅನ್ಸುತ್ತೆ. ಎಲ್ಲೇ ಹೋದ್ರು-ಬಂದ್ರು ಅದೇ ಪ್ರಶ್ನ ಎದುರಾಗುತ್ತಿದೆ. ಅಲ್ಲದೇ ಸಾಮಾಜಿಕ ಜಾಲತಾಣದಲ್ಲಂತೂ ಬಾಯಿಗೆ ಬಂದಹಾಗೆ ಮಾತನಾಡುತ್ತಿದ್ದಾರೆ. ಈ ಬಗ್ಗೆ ಖಾಸಗಿ ವೆಬ್ ಸೈಟ್ ಗೆ ಪ್ರತಿಕ್ರಿಯೆ ನೀಡಿರುವ ವಿಜಯ್ 'ಅಭಿಮಾನಿಗಳಿಂದ ನಾನು ಯಾವತ್ತು ಈ ರೀತಿಯ ಮಾತುಗಳನ್ನು ನಿರೀಕ್ಷೆ ಮಾಡಿರಲಿಲ್ಲ' ಎಂದು ಹೇಳಿದ್ದಾರೆ.

ರಶ್ಮಿಕಾ ಟಾರ್ಗೆಟ್ ಆಗುವುದು ಇಷ್ಟವಿಲ್ಲ

'ಡಿಯರ್ ಕಾಮ್ರೇಡ್' ಟೀಸರ್ ರಿಲೀಸ್ ಆಗುತ್ತಿದ್ದಂತೆ ವಿಜಯ್ ಗಿಂತ ಹೆಚ್ಚಾಗಿ ರಶ್ಮಿಕಾ ಹೆಚ್ಚು ಟ್ರೋಲ್ ಆಗುತ್ತಿದ್ದಾರೆ. ರಕ್ಷಿತ್ ಶೆಟ್ಟಿ ಮತ್ತು ರಶ್ಮಿಕಾ ಬ್ರೇಕ್ ಅಪ್ ಗೆ ವಿಜಯ್ ಜೊತೆಗಿನ ಲಿಪ್ ಲಾಕ್ ದೃಶ್ಯಗಳೇ ಕಾರಣ ಎಂದು ತರಾಟೆಗೆ ತೆಗೆದುಕೊಳ್ಳುತ್ತಿದ್ದಾರೆ. ಈ ಬಗ್ಗೆ ಬೇಸರ ವ್ಯಕ್ತಪಡಿಸಿದ ವಿಜಯ್ 'ಈ ವಿಚಾರವನ್ನು ಹೇಗೆ ನಿಭಾಯಿಸಬೇಕು ಎಂದು ತಿಳಿಯದೆ ಗೊಂದಲದಲ್ಲಿದ್ದಾರಂತೆ. ಅಲ್ಲದೆ ಸುಖಾಸುಮ್ಮನೆ ರಶ್ಮಿಕಾ ಟಾರ್ಗೆಟ್ ಆಗುತ್ತಿರುವುದು ವಿಜಯ್ ಗೆ ಸಹಿಸಲು ಸಾಧ್ಯವಾಗುತ್ತಿಲ್ಲವಂತೆ ಎಂದು ವಿಜಯ್ ಆಪ್ತ ಮೂಲಗಳು ತಿಳಿಸಿವೆ ಎಂದು ಆ ವೆಬ್ ಸೈಟ್ ವರದಿ ಮಾಡಿದೆ.

ಚರ್ಚೆಗೆ ದೇಶದಲ್ಲಿ ಎಷ್ಟೊಂದು ವಿಷ್ಯಗಳಿವೆ

ಚರ್ಚೆ ಮಾಡಲು ದೇಶದಲ್ಲಿ ಸಾಕಷ್ಟು ವಿಚಾರಗಳಿವೆ. ಅದು ಬಿಟ್ಟು ಕಿಸ್ ವಿಚಾರವೊಂದೆ ಹಿಡಿದುಕೊಂಡು ಯಾಕೆ ಇಷ್ಟು ಚರ್ಚೆ ಮಾಡುತ್ತಿದ್ದೀರಾ ಎಂದು ವಿಜಯ್ ಅಭಿಮಾನಿಗಳ ವಿರುದ್ಧ ಬೇಸರ ಮಾಡಿಕೊಂಡಿದ್ದಾರೆ. 'ಗೀತಾ ಗೋವಿಂದಂ' ಸಿನಿಮಾದಲ್ಲೂ ಇಬ್ಬರ ಲಿಪ್ ಲಾಕ್ ದೃಶ್ಯ ಸಿಕ್ಕಾಪಟ್ಟೆ ಸದ್ದು ಮಾಡಿತ್ತು. ನಂತರ ಚಿತ್ರದಿಂದಲೇ ಆ ದೃಶ್ಯವನ್ನು ತೆಗೆದು ಹಾಕಲಾಗಿತ್ತು. ಆದ್ರೀಗ ಡಿಯರ್ ಕಾಮ್ರೇಡ್ ಲಿಪ್ ಲಾಕ್ ದೃಶ್ಯದ ಚರ್ಚೆ ಮುಗಿಯುವ ಹಾಗೆ ಕಾಣುತ್ತಿಲ್ಲ.

ದಕ್ಷಿಣ ಭಾರತದ ಇಮ್ರಾನ್ ಹಶ್ಮಿ ಅಂತೆ.!

ವಿಜಯ್ ದೇವರಕೊಂಡ ಅವರನ್ನು ದಕ್ಷಿಣ ಭಾರತ ಇಮ್ರಾನ್ ಹಶ್ಮಿ ಎಂದು ಕರೆಯುತ್ತಿದ್ದಾರೆ. ವಿಜಯ್ ಅಭಿನಯದ ಬಹುತೇಕ ಸಿನಿಮಾಗಳಲ್ಲಿ ಸಹನಟಿಯರ ಜೊತೆ ಲಿಪ್ ಲಾಕ್ ದೃಶ್ಯಗಳಿವೆ. ಅಲ್ಲದೇ ಅರ್ಜುನ್ ರೆಡ್ಡಿ ಸಿನಿಮಾದಲ್ಲಿ ಸರಣಿ ಕಿಸ್ಸಿಂಗ್ ದೃಶ್ಯಗಳಿದ್ದವು. ಇದೆಲ್ಲವನ್ನ ನೋಡಿದ ನೆಟ್ಟಿಗರು ವಿಜಯ್ ಅವರನ್ನ ಇಮ್ರಾನ್ ಹಶ್ಮಿಗೆ ಹೋಲಿಸುತ್ತಿದ್ದಾರೆ. ಅಲ್ಲದೆ ಆ ನಂತರ ಬಂದ 'ಗೀತಾ ಗೋವಿಂದಂ' ಮತ್ತು ಸದ್ಯ ಸದ್ದು ಮಾಡುತ್ತಿರುವ 'ಡಿಯರ್ ಕಾಮ್ರೇಡ್' ಚಿತ್ರಗಳಲ್ಲಿಯೂ ವಿಜಯ್ ಲಿಪ್ ಲಾಕ್ ಮಾಡಿ ಅಭಿಮಾನಿಗಳಿಗೆ ಟಾರ್ಗೆಟ್ ಆಗಿದ್ದಾರೆ.