ನಟಿ ವಿಜಯಲಕ್ಷ್ಮಿ ಸ್ಥಿತಿ ಗಂಭೀರ: ಸಹಾಯ ಮಾಡಿ ಎಂದ ಸಹೋದರಿ

'ಆರೋಗ್ಯ ಸ್ಥಿತಿ ನಿನ್ನೆಗಿಂತಲೂ ಹದಗೆಟ್ಟಿದೆ'

ಇಂದು ಮಾಧ್ಯಮಗಳೊಟ್ಟಿಗೆ ಮಾತನಾಡಿರುವ ವಿಜಯಲಕ್ಷ್ಮಿ ಸಹೋದರಿ ಉಷಾದೇವಿ, ವಿಜಯಲಕ್ಷ್ಮಿ ಆರೋಗ್ಯ ಸ್ಥಿತಿ ನಿನ್ನೆಗಿಂತಲೂ ಹದಗೆಟ್ಟಿಗೆ. ಮಾನಸಿಕವಾಗಿ ಪೂರ್ಣವಾಗಿ ಕುಗ್ಗಿಹೋಗಿದ್ದಾರೆ. ಕೆಲವು ತಮಿಳು, ಕನ್ನಡದ ನಟ-ನಟಿಯರು ಕರೆ ಮಾಡಿ ಆರೋಗ್ಯ ವಿಚಾರಿಸಿದ್ದಾರೆ' ಎಂದು ಹೇಳಿದ್ದಾರೆ.

ವಿಜಯಲಕ್ಷ್ಮಿ ಗೂ ಸಿಮನ್‌ಗೂ ಸಂಬಂಧವಿತ್ತು: ಉಷಾದೇವಿ

'ವಿಜಯಲಕ್ಷ್ಮಿಯ ಇಂದಿನ ಪರಿಸ್ಥಿತಿಗೆ ನಟ, ನಿರ್ದೇಶಕ ಸಿಮನ್ ಕಾರಣ ಎಂದಿರುವ ಉಷಾದೇವಿ. ಸಿಮನ್ ಮತ್ತು ವಿಜಯಲಕ್ಷ್ಮಿಗೆ ಕಳೆದ ಹತ್ತು ವರ್ಷಗಳಿಂದ ಸಂಬಂಧವಿತ್ತು, ವಿಜಯಲಕ್ಷ್ಮಿಯನ್ನು ಮದುವೆಯಾಗಿ ಹೇಳಿದ್ದ ಸಿಮನ್ ವಂಚಿಸಿದ್ದಾನೆ' ಎಂದು ಉಷಾದೇವಿ ಆರೋಪಿಸಿದ್ದಾರೆ.

'ಸಿಮನ್ ವಿರುದ್ಧ ದೂರು ನೀಡಿದ್ದೇವೆ, ಆದರೆ ಬಂಧನವಾಗಿಲ್ಲ'

ಸಿಮನ್, ವಿಜಯಲಕ್ಷ್ಮಿಯ ಬಗ್ಗೆ ಅಪಪ್ರಚಾರ ಮಾಡಿದ್ದಾನೆ, ಆಕೆಗೆ ಅವಕಾಶಗಳು ಬರದಂತೆ ತಡೆಹಿಡಿದಿದ್ದಾನೆ. ಅವನ ಮೇಲೆ ಚೆನ್ನೈ ಪೊಲೀಸರಿಗೆ ದೂರು ನೀಡಿದ್ದೇವೆ ಆದರೂ ಅವನನ್ನು ಬಂಧಿಸಲಾಗಿಲ್ಲ. ಅವನ ಕಡೆಯವರು ನಮಗೆ ಬೆದರಿಕೆ ಕರೆ ಸಹ ಮಾಡಿದ್ದಾರೆ ಎಂದು ಉಷಾದೇವಿ ಹೇಳಿದ್ದಾರೆ.

ಕನ್ನಡಿಗರು ವಿಜಯಲಕ್ಷ್ಮಿ ಕೈಬಿಡಬೇಡಿ: ಉಷಾದೇವಿ

ವಿಜಯಲಕ್ಷ್ಮಿ ಕಷ್ಟದಲ್ಲಿದ್ದಾಳೆ. ಹಿಂದೆ ಕನ್ನಡಿಗರೇ ಆಕೆಯ ಕೈ ಹಿಡಿದಿದ್ದು, ಈ ಬಾರಿ ಕನ್ನಡಿಗರೇ ಆಕೆಯ ಕೈಹಿಡಿಯಬೇಕು. ಸಿನಮ್‌ಗೆ ಶಿಕ್ಷೆ ಆಗುವಂತೆ ಮಾಡಬೇಕು ಎಂದು ಒತ್ತಾಯಿಸಿದ್ದಾರೆ. ನಿನ್ನೆ ಮಾಡಿದ್ದ ವಿಡಿಯೋದಲ್ಲಿ ಸಹ ವಿಜಯಲಕ್ಷ್ಮಿ ಇದೇ ಮಾತುಗಳನ್ನು ಹೇಳಿದ್ದರು.