ರಾಜಸ್ಥಾನದ ಮರಳುಗಾಡಿನಲ್ಲಿ ಒಂಟೆ ಮೇಲೆ ತ್ರಿ'ವಿಕ್ರಮ್' ಮೈನವಿರೇಳಿಸುವ ಸಾಹಸ.!

ಒಂಟೆ ಮೇಲೆ ಕೂತು ಚೇಸ್ ಮಾಡಿದ ವಿಕ್ರಮ್

ಒಂಟೆ ಮೇಲೆ ಕೂತು ಒಂದು ರೌಂಡ್ ಹಾಕುವುದೇ ಕಷ್ಟ. ಅಂಥದ್ರಲ್ಲಿ, ನಟ ವಿಕ್ರಮ್ ಗಂಟೆಗಟ್ಟಲೆ ಒಂಟೆ ಮೇಲೆ ಕೂತು ಫೈಟ್ ಜೊತೆಗೆ ಚೇಸಿಂಗ್ ಕೂಡ ಮಾಡಿದ್ದಾರೆ. ಈ ಸಾಹಸ ದೃಶ್ಯದ ಚಿತ್ರೀಕರಣಕ್ಕಾಗಿ ಸುಮಾರು 15 ದಿನ ರಾಜಸ್ಥಾನದಲ್ಲಿ ಚಿತ್ರತಂಡ ಶ್ರಮಿಸಿದೆ.

'ತ್ರಿವಿಕ್ರಮ' : ಮಗನ ಮೊದಲ ಚಿತ್ರದ ಫಸ್ಟ್ ಲುಕ್ ಬಿಡುಗಡೆ ಮಾಡಿದ ಕ್ರೇಜಿ ಸ್ಟಾರ್

ಸ್ಟಂಟ್ ಮಾಸ್ಟರ್ ಯಾರು.?

'ಸೈರಾ ನರಸಿಂಹ ರೆಡ್ಡಿ', 'ದಬಾಂಗ್', 'ಬಾಡಿಗಾರ್ಡ್', 'ಪೊಕಿರಿ' ಚಿತ್ರಗಳಿಗೆ ಸಾಹಸ ಸಂಯೋಜಿಸಿರುವ ಫೈಟ್ ಮಾಸ್ಟರ್ ವಿಜಿ 'ತ್ರಿವಿಕ್ರಮ' ಚಿತ್ರಕ್ಕೆ ಆಕ್ಷನ್ ಕೊರಿಯೋಗ್ರಾಫ್ ಮಾಡಿದ್ದಾರೆ. 'ತ್ರಿವಿಕ್ರಮ' ಚಿತ್ರದ ಬಹು ಮುಖ್ಯ ಘಟ್ಟದಲ್ಲಿ ಈ ಫೈಟ್ ಬರಲಿದ್ದು, ಪ್ರೇಕ್ಷಕರ ಮೈನವಿರೇಳುವುದು ಪಕ್ಕಾ ಎನ್ನುತ್ತದೆ ಚಿತ್ರತಂಡ.

ಕ್ರೇಜಿ ಸ್ಟಾರ್ ಪುತ್ರನ ಸಿನಿಮಾಗೆ ಎಂಟ್ರಿ ಕೊಟ್ಟ ಬಾಲಿವುಡ್ ಖ್ಯಾತ ನಟ

ಒಂಟೆಗಳಿಗೆ ತೊಂದರೆ ಆಗಿಲ್ಲ.!

ಚಿತ್ರೀಕರಣದ ವೇಳೆ ಒಂಟೆಗಳಿಗೆ ಯಾವುದೇ ತೊಂದರೆ ಆಗದಂತೆ ಚಿತ್ರತಂಡ ಕಾಳಜಿ ವಹಿಸಿದೆ. ಅಸಲಿಗೆ, ವಿಕ್ರಮ್ ಪ್ರಾಣಿ ಪ್ರಿಯ. ಮನೆಯಲ್ಲಿ ಹಲವು ತಳಿಯ ಶ್ವಾನಗಳನ್ನು ಸಾಕಿರುವ ವಿಕ್ರಮ್, ಒಂಟೆಗಳ ಜೊತೆಗೂ ಪ್ರೀತಿಯಿಂದ ನಡೆದುಕೊಂಡಿದ್ದಾರೆ.

'ತ್ರಿವಿಕ್ರಮ' ಚಿತ್ರತಂಡ

'ತ್ರಿವಿಕ್ರಮ' ಚಿತ್ರದಲ್ಲಿ ವಿಕ್ರಮ್ ಜೊತೆಗೆ ಆಕಾಂಕ್ಷ ಶರ್ಮಾ, ಸಾಧು ಕೋಕಿಲ, ರೋಹಿತ್ ರಾಯ್ ಅಭಿನಯಿಸಿದ್ದಾರೆ. ಈ ಹಿಂದೆ 'ರೋಸ್', 'ಮಾಸ್ ಲೀಡರ್' ಸಿನಿಮಾಗೆ ಆಕ್ಷನ್ ಕಟ್ ಹೇಳಿದ್ದ ಸಹಾನಾ ಮೂರ್ತಿ 'ತ್ರಿವಿಕ್ರಮ' ಚಿತ್ರದ ನಿರ್ದೇಶಕ. ಇನ್ನೂ ಚಿತ್ರಕ್ಕೆ ಉದ್ಯಮಿ ಸೋಮಣ್ಣ (ರಾಮ್ಕೋ) ಬಂಡವಾಳ ಹಾಕಿದ್ದಾರೆ.