'ವಿಕ್ರಾಂತ್ ರೋಣ' ಪ್ಯಾನ್ ಇಂಡಿಯಾ ಟ್ರೈಲರ್‌ ಲಾಂಚ್: ಸಂಪೂರ್ಣ ಮಾಹಿತಿ ಇಲ್ಲಿದೆ!

ಬೆಂಗಳೂರಿನಲ್ಲಿ 'ವಿಕ್ರಾಂತ್ ರೋಣ' ಟ್ರೈಲರ್ ಲಾಂಚ್!

ಇನ್ನೇನು 'ವಿಕ್ರಾಂತ್ ರೋಣ' ಚಿತ್ರದ ಹವಾ ಶುರುವಾಗೇ ಬಿಟ್ಟಿದೆ. ಟ್ರೈಲರ್ ಮೂಲಕ 'ವಿಕ್ರಾಂತ್ ರೋಣ' ಹಚ್ ಚಲ್ ಎಬ್ಬಿಸಿದೆ. ಸಿನಿಮಾದ ಟ್ರೈಲರ್ ಲಾಂಚ್ ಕಾರ್ಯಕ್ರಮವನ್ನು ಎಲ್ಲೆಡೆ ಸಿನಿಮಾತಂಡ ಅದ್ಧೂರಿಯಾಗಿ ಮಾಡುತ್ತಿದೆ. ಪ್ಯಾನ್ ಇಂಡಿಯಾ ಸಿನಿಮಾ ಆದ ಕಾರಣ ಚಿತ್ರದ ಟ್ರೈಲರ್‌ ಲಾಂಚ್ ಕಾರ್ಯಕ್ರಮವನ್ನು ದೇಶದಾದ್ಯಂತ ಹಮ್ಮಿಕೊಳ್ಳಲಾಗಿದೆ. ಸದ್ಯ ಬೆಂಗಳೂರಿನಲ್ಲಿ ಟ್ರೈಲರ್‌ ಲಾಂಚ್ ಕಾರ್ಯಕ್ರಮ ಯಶಸ್ವಿಯಾಗಿ ಮುಗಿದಿದೆ. ಈ ಕಾರ್ಯಕ್ರಮದಲ್ಲಿ ಸ್ಯಾಂಡಲ್‌ವುಡ್‌ ಒಂದಾಗಿತ್ತು. ರವಿಚಂದ್ರನ್, ಶಿವರಾಜ್‌ಕುಮಾರ್, ರಿಷಬ್ ಶೆಟ್ಟಿ, ರಮೇಶ್ ಅರವಿಂದ್ ಸೇರಿದಂತೆ ಹಲವರು ಭಾಗಿ ಆಗಿದ್ದರು.

23ಕ್ಕೆ ಟ್ರೈಲರ್ ರಿಲೀಸ್!

ಬೆಂಗಳೂರಿನಲ್ಲಿ ಟ್ರೈಲರ್‌ ಲಾಂಚ್ ಕಾರ್ಯಕ್ರಮ ಯಶಸ್ವಿಯಾಗಿ ಮುಗಿದಿದೆ. ಟ್ರೈಲರ್ ಲಾಂಚ್ ಕಾರ್ಯಕ್ರಮ ಜೊತೆಗೆ ಸಿನಿಮಾದ ಸುದ್ದಿಗೋಷ್ಟಿಯನ್ನು ಮಾಡಲಾಗಿದೆ. ಆದರೆ ಚಿತ್ರದ ಟ್ರೈಲರ್ ನೋಡಲು ಸಾಧ್ಯ ಆಗುವುದು ಜೂನ್ 23ಕ್ಕೆ ಮಾತ್ರ. ಜೂನ್ 23 ರಂದು ಸಂಜೆ 5.30ಕ್ಕೆ ವಿಕ್ರಾಂತ್ ರೋಣ ಕನ್ನಡ, ಹಿಂದಿ ಸೇರಿದಂತೆ ಎಲ್ಲಾ ಭಾಷೆಗಳಲ್ಲೂ ಟ್ರೈಲರ್ ರಿಲೀಸ್ ಆಗಲಿದೆ.

ಮುಂಬೈಗೆ 'ವಿಕ್ರಾಂತ್ ರೋಣ' ತಂಡ!

ಟ್ರೈಲರ್‌ ಲಾಂಚ್ ಕಾರ್ಯಕ್ರಮಕ್ಕಾಗಿ ಸಿನಿಮಾತಂಡ ಮುಂಬೈಗೆ ಹಾರಲಿದೆ. ಮುಂಬೈನಲ್ಲಿ ಜೂನ್ 23ಕ್ಕೆ ಟ್ರೈಲರ್‌ ಲಾಂಚ್ ಕಾರ್ಯಕ್ರಮವನ್ನು ಮಾಡಲಾಗುವುದು. ಆದರೆ ಈ ಕಾರ್ಯಕ್ರಮಕ್ಕೂ, ಟ್ರೈಲರ್‌ ರಿಲೀಸ್ ಗೂ ಸಂಬಂಧ ಇಲ್ಲ. ಯಾಕೆಂದರೆ ಚಿತ್ರತಂಡ ಅಲ್ಲಿನ ಮಾಧ್ಯಮಗಳ ಜೊತೆಗೆ ಮಾತನಾಡಲು ಕಾರ್ಯಕ್ರಮ ಏರ್ಪಡಿಸಿದ್ದು, ಸಂಜೆ 5.30ಕ್ಕೆ ನಟ ಸಲ್ಮಾನ್ ಖಾನ್ ಡಿಜಿಟಲ್‌ ಆಗಿ ಟ್ರೈಲರ್ ರಿಲೀಸ್ ಮಾಡಲಿದ್ದಾರೆ.

ಕೊಚ್ಚಿ, ಚಿನ್ನೈ, ಹೈದ್ರಾಬಾದ್‌ನಲ್ಲಿ ಕಾರ್ಯಕ್ರಮ!

ಮುಂಬೈ ಮಾತ್ರ ಅಲ್ಲ, 'ವಿಕ್ರಾಂತ್ ರೋಣ' ಚಿತ್ರತಂಡ ಮುಂಬೈ ನಂತರ ನೂನ್ 24ಕ್ಕೆ ಕೊಚ್ಚಿಯ ಲೂಲು ಮಾಲ್‌ನಲ್ಲಿ ಕಾರ್ಯಕ್ರಮ ಆಯೋಜಿಸಿದೆ. ಅದೇ ದಿನ ಚೆನ್ನೈನಲ್ಲಿ ಸಂಜೆ 6 ಗಂಟೆಗೆ ಕಾರ್ಯಕ್ರಮ ನಡೆಯಲಿದೆ. ಇನ್ನು ಹೈದ್ರಾಬಾದ್‌ನಲ್ಲಿ ಜೂನ್ 25ಕ್ಕೆ ಕಾರ್ಯಕ್ರಮವನ್ನು ಆಯೋಜಿಸಲಾಗಿದೆ.