Don't Miss!
- News ಸಿನಿಮಾದಲ್ಲಿ ರೀಲ್ ಬಿಟ್ಟಂತೆ ರಾಜಕೀಯದಲ್ಲೂ ರೀಲ್ ಬಿಟ್ಟರೆ ಜನ ಒಪ್ಪಲ್ಲ: ಡಿ ಕೆ ಸುರೇಶ್ ಹೀಗೆ ಹೇಳಿದ್ದು ಯಾರಿಗೆ?
- Automobiles ಅಡ್ವೆಂಚರ್ ಬೈಕ್ ಪ್ರಿಯರಿಗೆ ಸಿಹಿಸುದ್ದಿ: ಬಿಡುಗಡೆಗೆ ಸಜ್ಜಾದ ಸುಜುಕಿ V-Strom 800 DE ಬೈಕ್
- Finance ಷೇರು ಮಾರುಕಟ್ಟೆಯಲ್ಲಿ ಬಂಪರ್ ಲಾಟರಿ: ಹೂಡಿಕೆದಾರರಿಗೆ ಲಾಭವೋ ಲಾಭ!
- Lifestyle ವಿಭಿನ್ನ ಶೈಲಿಯಲ್ಲಿ ಮೊಟ್ಟೆ ಸಾಂಬಾರ್ ಮಾಡಿ..! ಇಲ್ಲಿದೆ ಸಿಂಪಲ್ ಅಡುಗೆ
- Sports IPL 2024: ಕೆಕೆಆರ್ ವಿರುದ್ಧದ ಪಂದ್ಯಕ್ಕೂ ಮುನ್ನ ಕ್ರಿಕೆಟ್ ಬಿಟ್ಟು ಆರ್ಸಿಬಿ ಆಟಗಾರರು ಮಾಡಿದ್ದೇನು?
- Technology Oppo: ಭಾರತದಲ್ಲಿ ಒಪ್ಪೋ F25 ಪ್ರೊ ಸ್ಮಾರ್ಟ್ಫೋನ್ ಹೊಸ ಕಲರ್ ವೇರಿಯಂಟ್ನಲ್ಲಿ! ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ವಿಕ್ರಾಂತ್ ರೋಣ ಟ್ರೈಲರ್ ವಿಮರ್ಶೆ: ಅದ್ಬುತ ಲೋಕದ ಅನಾವರಣ!
ಕನ್ನಡದ ಬಹುನಿರೀಕ್ಷಿತ ಸಿನಿಮಾ 'ವಿಕ್ರಾಂತ್ ರೋಣ' ರಿಲೀಸ್ಗೆ ದಿನಗಣನೆ ಶುರುವಾಗಿದೆ. ಸಿನಿಮಾ ಜುಲೈ 28ಕ್ಕೆ ಪ್ಯಾನ್ ಇಂಡಿಯಾ ಅದ್ದೂರಿಯಾಗಿ ರಿಲೀಸ್ ಆಗಲಿದೆ. ಸದ್ಯ ಟ್ರೈಲರ್ ಮೂಲಕ ಸಿನಿಮಾ ಸಿಕ್ಕಾಪಟ್ಟೆ ಸದ್ದು ಮಾಡುತ್ತಿದೆ. ಜೂನ್ 23ರ ಸಂಜೆ ಟ್ರೈಲರ್ ರಿಲೀಸ್ ಆಗಲಿದೆ.
ನಿರೀಕ್ಷೆಗೆ ತಕ್ಕ ಹಾಗೆ ಸಿನಿಮಾದ ಟ್ರೈಲರ್ ಮೂಡಿ ಬಂದಿದೆ. ಟ್ರೈಲರ್ ನೋಡಿದರೆ ಚಿತ್ರದ ಮೇಲಿನ ನಿರೀಕ್ಷೆ ದುಪ್ಪಟ್ಟು ಆಗೋದು ಖಚಿತ.
'ವಿಕ್ರಾಂತ್ ರೋಣ' ಪ್ಯಾನ್ ಇಂಡಿಯಾ ಟ್ರೈಲರ್ ಲಾಂಚ್: ಸಂಪೂರ್ಣ ಮಾಹಿತಿ ಇಲ್ಲಿದೆ!
ಆದರೆ ಕನ್ನಡದಲ್ಲಿ ಈಗಾಗಲೇ 3D ಟ್ರೈಲರ್ ಲಾಂಚ್ ಆಗಿದೆ. ಚಿತ್ರ ತಂಡದಿಂದ ಸುದ್ದಿಗೋಷ್ಠಿ ಮಾಡಿ ಕನ್ನಡದ ಮಧ್ಯಮಗಳಿಗೆ 3D ಟ್ರೈಲರ್ ತೋರಿಸಲಾಗಿದೆ. ಹಾಗಾಗಿ ಟ್ರೈಲರ್ ಹೇಗಿದೆ ಎನ್ನುವ ರಿವ್ಯೂವ್ ಇಲ್ಲಿದೆ ಮುಂದೆ ಓದಿ...
3Dಯಲ್ಲಿ ಫ್ಯಾಂಟಸಿ ಲೋಕದ ಕಥೆ!
ಕನ್ನಡ ಸಿನಿಮಾರಂಗದಲ್ಲಿ 'ವಿಕ್ರಾಂತ್ ರೋಣ' ಸಿನಿಮಾ ವಿಭಿನ್ನವಾದ ಪ್ರಯತ್ನ ಮತ್ತು ಪ್ರಯೋಗ. 'ವಿಕ್ರಾಂತ್ ರೋಣ' 3Dಯಲ್ಲಿ ಮೂಡಿಬರುತ್ತಿದೆ. ಹಾಗಾಗಿ ಚಿತ್ರತಂಡ ಸದ್ಯ 3D ಟ್ರೈಲರ್ ಲಾಂಚ್ ಮಾಡಿದೆ. ಆದರೆ ಯುಟ್ಯೂಬ್ನಲ್ಲಿ 2dಯಲ್ಲಿ ಟ್ರೈಲರ್ ರಿಲೀಸ್ ಮಾಡಲಾಗುತ್ತೆ. 3dಯಲ್ಲಿ ಸಿನಿಮಾ ನೋಡುವುದೇ ಒಂದು ಅದ್ಭುತ ಅನುಭವ. ಅದರಲ್ಲೂ ಕನ್ನಡದ ಟ್ರೈಲರ್ ತೆರೆಯ ಮೇಲೆ ನೋಡಿದರೆ ಮೈ ಝುಮ್ಮ್ ಎನಿಸುತ್ತೆ.
'ವಿಕ್ರಾಂತ್ ರೋಣ' ಹಿಂದಿ ಟ್ರೈಲರ್ ಲಾಂಚ್ ಮಾಡಲಿರೋ ಸಲ್ಮಾನ್ ಖಾನ್: ಎಷ್ಟೊತ್ತಿಗೆ?
ಪೊಲೀಸ್ ಪಾತ್ರದಲ್ಲಿ ಸುದೀಪ್!
'ವಿಕ್ರಾಂತ್ ರೋಣ' ಚಿತ್ರದ ಟೈಟಲ್ ಕೇಳಿದರೆ ಇದು ಒಬ್ಬ ನಾಯಕ ನಟನ ಮೇಲೆ ಆಧರಿತವಾಗಿರುವ ಸಿನಿಮಾ ಅನಿಸುತ್ತೆ. ಆದರೆ ಇದನ್ನು ಹೊರತುಪಡಿಸಿ 'ವಿಕ್ರಾಂತ್ ರೋಣ' ಚಿತ್ರದಲ್ಲಿ ಅದ್ಭುತವಾದ ಅಂಶಗಳಿವೆ ಎನ್ನುವುದನ್ನು ಟ್ರೈಲರ್ ಹೇಳುತ್ತದೆ. ಒಂದೂರಿನ ರಾಜನ ಕಥೆ ಇದು. ಇದರಲ್ಲಿ ವಿಕ್ರಾಂತ್ ರೋಣ ಯಾರು, ಏನು ಎನ್ನುವುದೇ ಕುತೂಹಲ. ಸುದೀಪ್ ಪೊಲೀಸ್ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದು, ಉಳಿದ ಪಾತ್ರಗಳ ಅನಾವರಣ ಆಗಿದೆ. ಜಾಕ್ವೆಲಿನ್ ಕೂಡ ಒಂದು ಡೈಲಾಗ್ ಹೇಳಿ ಹೋಗುತ್ತಾರೆ.
VFX ಅದ್ಬುತ!
ಮುಖ್ಯವಾಗಿ ಈ ಸಿನಿಮಾದಲ್ಲಿ vfx ಕೆಲಸ ಅದ್ಭುತವೆನಿಸುತ್ತದೆ. ಕನ್ನಡದಲ್ಲಿ ಇಂತಹ ಪ್ರಯತ್ನ ಅಥವಾ ಪ್ರಯೋಗ ಇದೇ ಮೊದಲ ಬಾರಿಗೆ ಎನ್ನಬಹುದು. 'ಬಾಹುಬಲಿ' ಸಿನಿಮಾದಲ್ಲಿ ಬಳಸಿದ vfx ಒಂದು ಪ್ರತ್ಯೇಕ ಲೋಕವನ್ನೇ ಸೃಷ್ಟಿಸಿತ್ತು. ಅದೇ ರೀತಿ 'ವಿಕ್ರಂತ್ ರೋಣ' ಕೂಡ ಒಂದು ಪ್ರತ್ಯೇಕವಾದ ಅದ್ಭುತ ಪ್ರಪಂಚ ಎನಿಸುತ್ತೆ. ಜೊತೆಗೆ 'ವಿಕ್ರಾಂತ್ ರೋಣ' ಯಾವ ಹಾಲಿವುಡ್ ಸಿನಿಮಾಗಳಿಗೂ ಕಡಿಮೆ ಇಲ್ಲ. ಅಷ್ಟರ ಮಟ್ಟಿಗೆ ಟ್ರೈಲರ್ ಪರ್ಫೆಕ್ಟ್.
ರಕ್ಷಿತ್ ಶೆಟ್ಟಿ ಮಾತು ಕೇಳಿ ವೇದಿಕೆ ಮೇಲೇರಿ ಬಂದು ತಬ್ಬಿಕೊಂಡ ಸುದೀಪ್
ವಿಕ್ರಾಂತ್ ರೋಣ ಕನ್ನಡದ ಇತಿಸಾಹ ಸೇರಲಿದೆ!
'ವಿಕ್ರಾಂತ್ ರೋಣ' ಚಿತ್ರದ ಟ್ರೈಲರ್ ತುಣುಕು, ಈ ಸಿನಿಮಾ ಭಾರತೀಯ ಸಿನಿಮಾರಂಗದಲ್ಲಿ ಹೊಸ ಮೈಲಿಗಲ್ಲು ಆಗುತ್ತದೆ ಎನ್ನುವುದನ್ನು ಖಚಿತ ಪಡಿಸಿದೆ. 'ವಿಕ್ರಾಂತ್ ರೋಣ' ಸಿನಿಮಾಗಿ ಸಾಕಷ್ಟು ಖರ್ಚು ಮಾಡಲಾಗಿದೆ ಎನ್ನುವುದು ಗೊತ್ತಾಗುತ್ತದೆ. ಟ್ರೈಲರ್ನಲ್ಲಿ ಕಾಣುವ ದೃಶ್ಯ ವೈಭವದ ಮೇಕಿಂಗ್ ಅದ್ಭುತ. ಇನ್ನು ಈ ಫ್ಯಾಂಟಸಿ ಲೋಕದ ಸೆಟ್ಗಳು ಕೂಡ ಅದ್ಭುತ ಎನಿಸುತ್ತೆ. 'ವಿಕ್ರಾಂತ್ ರೋಣನ' ಅಸಲಿ ಆಟವನ್ನು ನೋಡೋದಕ್ಕೆ ಇನ್ನೊಂದು ತಿಂಗಳು ಬಾಕಿ ಇದೆ ಜುಲೈ 28ಕ್ಕೆ ವಿಕ್ರಾಂತ್ ರೋಣನ್ನು ಕಣ್ತುಂಬಿಕೊಳ್ಳಬಹುದು.