ಬುರ್ಜ್ ಖಲೀಫಾ ಸಂಭ್ರಮ ಬಳಿಕ ಮತ್ತೊಂದು ಭರ್ಜರಿ ಸುದ್ದಿ ನೀಡಿದ ಸುದೀಪ್

3ಡಿಯಲ್ಲಿ 'ವಿಕ್ರಾಂತ್ ರೋಣ'

ಅನೂಪ್ ಭಂಡಾರಿ ನಿರ್ದೇಶನದ ವಿಕ್ರಾಂತ್ ರೋಣ ಸಿನಿಮಾ ಈಗ 3 ಡಿ ವರ್ಷನ್‌ನಲ್ಲಿ ತೆರೆಕಾಣಲಿದೆ ಎಂಬ ವಿಚಾರ ಬಹಿರಂಗವಾಗಿದೆ. ಈ ವಿಷಯವನ್ನು ಖುದ್ದು ಸುದೀಪ್ ಅವರೇ ತಿಳಿಸಿದ್ದಾರೆ. ''ವಿಕ್ರಾಂತ್ ರೋಣ 3ಡಿ ವರ್ಷನ್ ಬಿಡುಗಡೆಯಾಗಲಿದೆ. ಅದಕ್ಕೆ ಅಗತ್ಯವಾದ ಕೆಲಸ ನಡೆಯುತ್ತಿದೆ'' ಎಂದು ಭಾನುವಾರ ಸಂಜೆ ಬೆಂಗಳೂರಿನಲ್ಲಿ ನಡೆದ ಸುದ್ದಿಗೋಷ್ಠಿಯಲ್ಲಿ ಮಾಹಿತಿ ನೀಡಿದರು.

ಜಾಕ್ ಮಂಜು ನಿರ್ಮಾಣದ ವಿಕ್ರಾಂತ್ ರೋಣ

'ವಿಕ್ರಾಂತ್ ರೋಣ'ದ ಚಿತ್ರದ ಪ್ರಮೋಷನ್ ಇನ್ನೊಂದು ಮಟ್ಟದಲ್ಲಿದೆ. ಪ್ರಪಂಚದ ಅತ್ಯಂತ ಎತ್ತರದ ಕಟ್ಟಡದ ಮೇಲೆ ಟೈಟಲ್ ಲೋಗೋ ಅನಾವರಣ. ಈಗ 3ಡಿ ವರ್ಷನ್‌ಗೆ ಸಿದ್ಧತೆ. ಜಾಕ್ ಮಂಜು ಅವರ ಧೈರ್ಯ ಮತ್ತು ಸಾಹಸಕ್ಕೆ ಸ್ಯಾಂಡಲ್‌ವುಡ್‌ ಬೆರಗಾಗಿ ನೋಡುವಂತಾಗಿದೆ.

3ಡಿ ತಂತ್ರಜ್ಞಾನದ ಚಿತ್ರಗಳು

3ಡಿ ತಂತ್ರಜ್ಞಾನ ಬಳಸಿ ಕನ್ನಡದಲ್ಲಿ ಬಿಡುಗಡೆಯಾಗಿರುವ ಚಿತ್ರಗಳ ಬಹಳ ಕಡಿಮೆ. ಅಂಬರೀಶ್-ಉಪೇಂದ್ರ ನಟಿಸಿದ್ದ ಕಠಾರಿವೀರ ಸುರಸುಂದರಾಂಗಿ ಹಾಗೂ ಮುನಿರತ್ನ ನಿರ್ಮಾಣದಲ್ಲಿ ದರ್ಶನ್ ನಟಿಸಿದ್ದ ಕುರುಕ್ಷೇತ್ರ ಚಿತ್ರಗಳು 3ಡಿ ವರ್ಷನ್‌ನಲ್ಲಿ ರಿಲೀಸ್ ಆಗಿತ್ತು. ಈ ಚಿತ್ರಗಳ ಬಳಿಕ ವಿಕ್ರಾಂತ್ ರೋಣ ಆ ಹಾದಿಯಲ್ಲಿದೆ.

ಸೆಕೆಂಡ್ ಹಾಫ್‌ನಲ್ಲಿ ಬಿಡುಗಡೆ!

ಸದ್ಯಕ್ಕೆ ವಿಕ್ರಾಂತ್ ರೋಣ ಸಿನಿಮಾ ಎದುರು ನೋಡುವಂತಿಲ್ಲ. ಸರದಿ ಸಾಲಿನಲ್ಲಿ ಇತರೆ ಸ್ಟಾರ್ ನಟರ ಚಿತ್ರಗಳು ರಿಲೀಸ್ ದಿನಾಂಕ ಘೋಷಣೆ ಮಾಡಿ ಕಾಯುತ್ತಿವೆ. ಮೇ ಅಂತ್ಯದವರೆಗೂ ಡೇಟ್ ಲಾಕ್ ಆಗಿದೆ. ಜುಲೈನಲ್ಲಿ 'ಕೆಜಿಎಫ್-2' ಬರಲಿದೆ. ಏಪ್ರಿಲ್ 29ಕ್ಕೆ 'ಕೋಟಿಗೊಬ್ಬ-3' ರಿಲೀಸ್ ಆಗಲಿದೆ. ಹಾಗ್ನೋಡಿದ್ರೆ ವಿಕ್ರಾಂತ್ ರೋಣ ಸಿನಿಮಾ ವರ್ಷದ ಸೆಕೆಂಡ್ ಹಾಫ್ ಅಂದ್ರೆ ಆಗಸ್ಟ್ ನಂತರ ತೆರೆಗೆ ಬರುವ ಪ್ಲಾನ್ ಮಾಡಬಹದು. ಅಥವಾ ಜೂನ್ ತಿಂಗಳಲ್ಲಿ ಯಾವ ದೊಡ್ಡ ಚಿತ್ರವೂ ಇಲ್ಲದ ಕಾರಣ ಬಂದರೂ ಅಚ್ಚರಿ ಇಲ್ಲ.