'ರಾಬರ್ಟ್' ಚಿತ್ರದಲ್ಲಿ ನಟ ವಿನೋದ್ ಪ್ರಭಾಕರ್?

ರಾಬರ್ಟ್ ನಲ್ಲಿ ವಿನೋದ್

ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಸಿನಿಮಾದಲ್ಲಿ ವಿನೋದ್ ಪ್ರಭಾಕರ್ ಕಾಣಸಿಕೊಳ್ಳುವುದು ಹೊಸದೇನಲ್ಲ. ಈ ಮೊದಲ 'ಯಜಮಾನ' ಚಿತ್ರದಲ್ಲು ಒಂದು ಹಾಡಿನಲ್ಲಿ ಕಾಣಿಸಿಕೊಂಡಿದ್ದರು. ಅದಕ್ಕು ಮೊದಲು 'ನವಗ್ರಹ' ಸಿನಿಮಾದಲ್ಲಿ ದರ್ಶನ್ ಜೊತೆ ತೆರೆಹಂಚಿಕೊಂಡಿದ್ದರು. ಈಗ ಮೂರನೆ ಬಾರಿ ದರ್ಶನ್ ಸಿನಿಮಾದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.

ವಿಶೇಷ ಪಾತ್ರದಲ್ಲಿ ವಿನೋದ್

ರಾಬರ್ಟ್ ಚಿತ್ರದಲ್ಲಿ ವಿನೋದ್ ಪ್ರಭಾಕರ್ ಪಾತ್ರದ ಬಗ್ಗೆ ಇನ್ನು ಬಹಿರಂಗಗೊಂಡಿಲ್ಲ. ಆದ್ರೆ ವಿಶೇಷ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎನ್ನುವ ಮಾತುಗಳು ಕೇಳಿ ಬರುತ್ತಿವೆ. ಈಗಾಗಲೆ ವಿನೋದ್ ಭಾಗದ ಚಿತ್ರೀಕರಣ ಕೂಡ ಬಹುತೇಕ ಮುಗಿದಿದೆಯಂತೆ. ದರ್ಶನ್ ಮತ್ತು ವಿನೋದ್ ಇಬ್ಬರು ಉತ್ತಮ ಸ್ನೇಹಿತರು.

ರಾಬರ್ಟ್ ಗೆ ಸಿಕ್ಕಿಲ್ಲ ನಾಯಕಿ

ಕುತೂಹಲ ಮೂಡಿಸಿರುವ ವಿಚಾರ ಅಂದ್ರೆ ರಾಬರ್ಟ್ ಚಿತ್ರಕ್ಕೆ ಇನ್ನು ನಾಯಕಿ ಸಿಕ್ಕಿಲ್ಲ. ದಕ್ಷಿಣ ಭಾರತೀಯ ಚಿತ್ರರಂಗದ ಖ್ಯಾತ ನಟಿಮಣಿಯರ ಹೆಸರುಗಳು ದರ್ಶನ್ ಚಿತ್ರಕ್ಕೆ ಕೇಳಿ ಬರುತ್ತಿವೆ. ಆದ್ರೆ ಇದುವರೆಗೂ ಯಾವ ನಟಿಯ ಹೆಸರು ಫೈನಲ್ ಆಗಿಲ್ಲ. ಆದ್ರೆ ದರ್ಶನ್ ಜೊತೆ ಕನ್ನಡದ ನಟಿ ಇರ್ತಾರಾ ಅಥವಾ ಪರಭಾಷ ನಟಿ ರೋಮ್ಯಾನ್ಸ್ ಮಾಡ್ತಾರಾ ಎನ್ನುವುದು ಸಧ್ಯದಲ್ಲೇ ಗೊತ್ತಾಗಲಿದೆ.

ರಾಬರ್ಟ್ ಬಳಗದಲ್ಲಿ ಯಾರೆಲ್ಲ ಇದ್ದಾರೆ

ರಾಬರ್ಟ್ ಈಗಾಗಲೆ ಚಿತ್ರೀಕರಣ ಪ್ರಾರಂಭವಾಗಿದೆ. ಪಾಂಡಿಚೇರಿಯಲ್ಲಿ ಚಿತ್ರತಂಡ ಬೀಡುಬಿಟ್ಟಿದೆ. ದರ್ಶನ್ ವಿಭಿನ್ನ ಗೆಟಪ್ ನಲ್ಲಿ ಕಾಣಿಸಿಕೊಂಡಿದ್ದಾರೆ. 'ರಾಬರ್ಟ್' ನಲ್ಲಿ ಸದ್ಯ ವಿಲನ್ ಆಗಿ ಖ್ಯಾತ ನಟ ಜಗಪತಿ ಬಾಬು ಕಾಣಿಸಿಕೊಳ್ಳುತ್ತಿದ್ದಾರೆ. ಜೊತೆಗೆ ಟಗರು ಚಿತ್ರದ ಕಾಕ್ರೋಚ್ ಖ್ಯಾತಿಯ ನಟ ಸುಧಿ ಮತ್ತು ನಟಿ ಪ್ರಣೀತಾ ಸದ್ಯ 'ರಾಬರ್ಟ್' ಬಳಗದಲ್ಲಿದ್ದಾರೆ. ಆದ್ರೆ ಇನ್ನು ಯಾರೆಲ್ಲ ಸೇರ್ಪಡೆಯಾಗಿದ್ದಾರೆ ಎನ್ನುವುದನ್ನು ಬಹಿರಂಗ ಪಡಿಸಿಲ್ಲ ಚಿತ್ರತಂಡ.