ಶಿವಣ್ಣನ ಜೊತೆಗೆ ತೆರೆಹಂಚಿಕೊಳ್ತಾರೆ ಬಾಲಿವುಡ್ ನಟ.! ಯಾರದು.?

ಇವರೇ 'ಆ' ಬಾಲಿವುಡ್ ನಟ

'ರುಸ್ತುಮ್' ಚಿತ್ರದ ಮೂಲಕ ಕನ್ನಡ ಚಿತ್ರರಂಗಕ್ಕೆ ಬಾಲಿವುಡ್ ನಟ ವಿವೇಕ್ ಒಬೆರಾಯ್ ಪದಾರ್ಪಣೆ ಮಾಡಲಿದ್ದಾರೆ. ಈಗಾಗಲೇ ಕಾಲಿವುಡ್ ಹಾಗೂ ಟಾಲಿವುಡ್ ಚಿತ್ರಗಳಲ್ಲಿ ಅಭಿನಯಿಸಿರುವ ವಿವೇಕ್ ಒಬೆರಾಯ್ ಇದೀಗ ಸ್ಯಾಂಡಲ್ ವುಡ್ ಗೆ ಅಡಿಯಿಡುತ್ತಿದ್ದಾರೆ.

ಗಾಸಿಪ್ ಅಲ್ಲ.!

ಕನ್ನಡ ಚಿತ್ರರಂಗಕ್ಕೆ ವಿವೇಕ್ ಒಬೆರಾಯ್ ಕಾಲಿಡುತ್ತಿರುವ ಮ್ಯಾಟರ್ ಗಾಸಿಪ್ ಅಲ್ಲ. ವಿವೇಕ್ ಒಬೆರಾಯ್ ರನ್ನ ಭೇಟಿ ಮಾಡಿರುವುದು ನಿಜ ಅಂತ ಸ್ವತಃ ನಿರ್ಮಾಪಕ ಜಯಣ್ಣ ಖಚಿತ ಪಡಿಸಿದ್ದಾರೆ.

ಇದೇ ತಿಂಗಳು ಬೆಂಗಳೂರಿಗೆ ಬರ್ತಾರೆ ವಿವೇಕ್

'ರುಸ್ತುಮ್' ಕಥೆ ಕೇಳಿ ಕ್ಲೀನ್ ಬೌಲ್ಡ್ ಆಗಿರುವ ವಿವೇಕ್ ಒಬೆರಾಯ್ ಇದೇ ತಿಂಗಳ ಕೊನೆಯ ವಾರದಂದು ಬೆಂಗಳೂರಿಗೆ ಬರ್ತಾರೆ. ಆಗಲೇ, 'ರುಸ್ತುಮ್' ಸೆಟ್ ಗೆ ಅಧಿಕೃತವಾಗಿ ಸೇರ್ಪಡೆ ಆಗಲಿದ್ದಾರೆ.

ವಿವೇಕ್ ಒಬೆರಾಯ್ ಪಾತ್ರವೇನು.?

ಅಸಲಿಗೆ, 'ರುಸ್ತುಮ್' ಸಿನಿಮಾದಲ್ಲಿ ವಿವೇಕ್ ಒಬೆರಾಯ್ ಪಾತ್ರವನ್ನ ಎಂಬುದರ ಬಗ್ಗೆ ಚಿತ್ರತಂಡ ಗುಟ್ಟು ಬಿಟ್ಟುಕೊಟ್ಟಿಲ್ಲ. 20 ಕೋಟಿ ಬಜೆಟ್ ನಲ್ಲಿ ಜಯಣ್ಣ 'ರುಸ್ತುಮ್' ಚಿತ್ರವನ್ನ ನಿರ್ಮಾಣ ಮಾಡುತ್ತಿದ್ದಾರೆ. ಸಿನಿಮಾದಲ್ಲಿ ಖಡಕ್ ಪೊಲೀಸ್ ಆಫೀಸರ್ ಪಾತ್ರದಲ್ಲಿ ಶಿವಣ್ಣ ಕಾಣಿಸಿಕೊಳ್ಳಲಿದ್ದಾರೆ.