ಮುಖಪುಟ

ಸಿನಿ ಸಮಾಚಾರ

ಡಬ್ ಸ್ಮಾಷ್ ಅನ್ನೋದು ಇತ್ತೀಚೆಗೆ ಟ್ರೆಂಡ್ ಆಗ್ತಾ ಇದೆ. ಮಾತ್ರವಲ್ಲದೇ ಇದು ಹೆಚ್ಚು ಹೆಚ್ಚು ಪ್ರಚಾರಕ್ಕೆ ಬರುತ್ತಿದೆ. ಸ್ಟಾರ್ ನಟರೆಲ್ಲಾ ಜಾಲಿ ಮೂಡಿನಲ್ಲಿರುವಾಗ ಮಾಡಿರುವ ಡಬ್ಬಿಂಗ್ ಸ್ಮಾಷ್ ಗಳು ಸಾಮಾಜಿಕ ಜಾಲ ತಾಣಗಳಲ್ಲಿ ಹರಿದಾಡುತ್ತಿದೆ.

ಇದೀಗ ಸ್ಯಾಂಡಲ್ ವುಡ್ ಸ್ಟಾರ್ ನಟ ಜಗ್ಗೇಶ್, ಡಾ.ರಾಜ್ ಕುಮಾರ್ ಅಭಿನಯಿಸಿದ್ದ 'ಬಬ್ರುವಾಹನ' ಚಿತ್ರದ 'ಏನು ಪಾರ್ಥ' ಫೇಮಸ್ ಡೈಲಾಗನ್ನು ಡಬ್ ಸ್ಮಾಷ್ ಮಾಡಿ ತಮ್ಮ ಫೇಸ್ ಬುಕ್ಕಿನಲ್ಲಿ ಹರಿಯಬಿಟ್ಟಿದ್ದಾರೆ. ಜಗ್ಗೇಶ್ ಡಬ್ಬಿಂಗ್ ಸ್ಮಾಷ್ ಫೇಸ್ ಬುಕ್ಕಿನಲ್ಲಿ ನೀವೆ ನೋಡಿ.

ಇತ್ತೀಚೆಗೆ ಸಖತ್ ಸೌಂಡ್ ಮಾಡುತ್ತಿರುವ ಡಬ್ಬಿಂಗ್ ಸ್ಮಾಷ್ ಗಳು ತುಂಬಾ ಕಾಮಿಡಿಯಾಗಿರುತ್ತವೆ. ಅದ್ರಲ್ಲೂ ನಮ್ಮ ಸ್ಯಾಂಡಲ್ ವುಡ್ ಸ್ಟಾರ್ ಜಗ್ಗೇಶ್ ವಾಯ್ಸ್ ಅಂತೂ ಡಿಫರೆಂಟಾಗಿದ್ದು, ಡಬ್ಬಿಂಗ್ ಸ್ಮಾಷ್ ನಲ್ಲಿ ಸಖತ್ ಆಗಿ ಮೂಡಿಬಂದಿದೆ.

ಡಬ್ಬಿಂಗ್ ಸ್ಮಾಷ್ ಅಂದ್ರೆ ಮಿಮಿಕ್ರಿ ಅನ್ನೋದು ಕೆಲವರು ಅಭಿಪ್ರಾಯ. ಆದರೆ ಇದು ಮಿಮಿಕ್ರಿ ಥರಾ ಅಲ್ಲಾ ಬದಲಾಗಿ ಪ್ಲೇ ಆಗುತ್ತಿರುವ ವಾಯ್ಸ್ ಜೊತೆಗೆ ಸರಿಯಾಗಿ ಲಿಪ್ ಮುಮೆಂಟ್, ಹಾಗೂ ಮುಖದಲ್ಲಿ ಅಕ್ಷನ್ ಇರಬೇಕು ಇದನ್ನೇ ನಮ್ಮ ಎಲ್ಲಾ ಫಿಲಂ ಸ್ಟಾರ್ ಗಳು ವಿಡಿಯೋ ಮಾಡಿ ತಮ್ಮ ತಮ್ಮ ಫೇಸ್ ಬುಕ್ ಗಳಲ್ಲಿ ಹರಿಯಬಿಡುತ್ತಾರೆ.

ಏನೇ ಇರಲಿ ಇತ್ತೀಚೆಗೆ ಎಲ್ಲವೂ ಫೇಸ್ ಬುಕ್, ಟ್ವಿಟ್ಟರ್ ಲೋಕವಾಗಿರುವ ಈ ಸಂದರ್ಭದಲ್ಲಿ ಇಂತಹ ಜಾಲಿ ವಿಡಿಯೋಗಳು ಎಲ್ಲೆಡೆ ಹರಿದಾಡುತ್ತವೆ ಅಂದ್ರೆ ಸಾಮಾಜಿಕ ಜಾಲತಾಣಗಳನ್ನು ನೋಡುವವರ ಸಂಖ್ಯೆ ಇನ್ನೂ ಹೆಚ್ಚಾಗಬಹುದು ಅಲ್ವಾ. ನೀವೇನಂತೀರಾ.