'ಒಡೆಯ' ನೋಡಿ, ಸ್ಟೈಲಿಶ್ ಬೈಕ್ ಗೆಲ್ಲಿ: ಆದ್ರೆ, ಒಂದು ಕಂಡಿಷನ್!

ಮಾಡಬೇಕಿರುವುದು ಇಷ್ಟೆ...

ಒಡೆಯ ಸಿನಿಮಾ ನೋಡಿ ಈ ಬೈಕ್ ಗೆಲ್ಲಬೇಕಾದರೆ ನೀವು ಮಾಡಬೇಕಾಗಿರುವುದು ಇಷ್ಟೆ. ಪ್ರಮುಖ ಚಿತ್ರಮಂದಿರಗಳಲ್ಲಿ ಒಡೆಯ ಚಿತ್ರ ವೀಕ್ಷಿಸಬೇಕು. ನೀವು ಪಡೆದ ಟಿಕೆಟ್ ಅನ್ನು ಭರ್ತಿ ಮಾಡಿ ಚಿತ್ರಮಂದಿರಗಳಲ್ಲಿ ಇಟ್ಟಿರುವ ಲಕ್ಕಿ ಡಿಪ್ ಬಾಕ್ಸ್ ಒಳಗೆ ಹಾಕಬೇಕು. ಲಕ್ಕಿ ಡ್ರಾ ಮೂಲಕ ಗೆದ್ದವರಿಗೆ ಬೈಕ್ ಸಿಗುತ್ತೆ.

ಪ್ರಮುಖ ಚಿತ್ರಮಂದಿರ ಯಾವುದು?

ಕೆಜಿ ರಸ್ತೆಯಲ್ಲಿರುವ ನರ್ತಕಿ ಚಿತ್ರಮಂದಿರಲ್ಲಿ ಒಡೆಯ ಸಿನಿಮಾ ತೆರೆಕಾಣುತ್ತಿದೆ. ಇದು ಡಿ ಬಾಸ್ ಪಾಲಿಗೆ ಲಕ್ಕಿ ಚಿತ್ರಮಂದಿರ. ದರ್ಶನ್ ನಟನೆಯ ಬಹುತೇಕ ಚಿತ್ರಗಳು ಈ ಥಿಯೇಟರ್ ನಲ್ಲಿ ಪ್ರದರ್ಶನ ಕಂಡು, ಶತದಿನ ಆಚರಿಸಿರುವ ಉದಾಹರಣೆ ಇದೆ.

ಬೈಕ್ ಅನಾವರಣಗೊಳಿಸಿದ ನಿರ್ಮಾಪಕ

ಒಡೆಯ ಸಿನಿಮಾ ನೋಡಿ ಬೈಕ್ ಗೆಲ್ಲಿ ಸ್ಫರ್ಧೆಗೆ ನಿರ್ಮಾಪಕ ಸಂದೇಶ್ ನಾಗರಾಜ್ ಚಾಲನೆ ನೀಡಿದ್ದಾರೆ. ಖುದ್ದು ಬೈಕ್ ಯಾವುದು ಎಂದು ನಿರ್ಮಾಪಕರೇ ಅನಾವರಣ ಮಾಡಿದ್ದಾರೆ. ಸಂದೇಶ್ ಅವರ ಸಮ್ಮುಖದಲ್ಲಿ ಕೆಂಪು ಬಣ್ಣದ ಬೈಕ್ ಮತ್ತು ಲಕ್ಕಿ ಡಿಪ್ ಬಾಕ್ಸ್ ಬಹಿರಂಗಗೊಂಡಿದೆ.

ಯಾವುದು ಆ ಬೈಕ್?

ನೋಡಲು ಬಹಳ ಸ್ಟೈಲಿಶ್ ಆಗಿರುವ ಈ ಬೈಕ್ ಎಲೆಕ್ಟ್ರಿಕ್ ವಾಹನ. BENLG ಮಾಡೆಲ್ ಆಗಿರುವ ಈ ಬೈಕ್ ಬೆಲೆ ಸುಮಾರು 90 ಸಾವಿರದವರೆಗೂ ಇದೆ. ಒಂದೇ ಒಂದು ಬೈಕ್ ಮಾತ್ರ ಬಹುಮಾನವಾಗಿ ಇರಿಸಲಾಗಿದೆ. ಹಾಗಿದ್ರೆ, ನರ್ತಕಿ ಚಿತ್ರಮಂದಿರದಲ್ಲಿ ಒಡೆಯ ಸಿನಿಮಾ ನೋಡಿ ಈ ಬೈಕ್ ಯಾರು ಗೆಲ್ಲಬಹುದು? ಕಾದು ನೋಡೋಣ.