ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಹದಿನೈದು ವರ್ಷ ಚಿಕ್ಕವರಾಗಿದ್ದಾರೆ! ಹಿಂದೆಂದಿಗಿಂತಲೂ ಯಂಗ್ ಅಂಡ್ ಎನರ್ಜಿಟಿಕ್ ಆಗಿ ಕಾಲೇಜ್ ನಿಂದ ಪದವಿ ಪಡೆಯುತ್ತಿದ್ದಾರೆ ಅಪ್ಪು. ಇದೇನಪ್ಪಾ..! ಅಂತ ಬಾಯಿ ಮೇಲೆ ಬೆರಳಿಡುವ ಮುನ್ನ ಪೂರಾ ಮ್ಯಾಟರ್ ನ ಕೇಳಿ.
ಹಾಗೆ, ಅಪ್ಪು ಕಾಲೇಜ್ ಹುಡುಗನಾಗಿರುವುದು ನೂತನ 7UP ಆಡ್ ನಲ್ಲಿ. 'ಕಾಲೇಜು ಕೊನೆಯ ದಿನ ಅಂತ ದುಃಖ ಪಡದೆ ನೀನು ನೀನಾಗಿರು' ಅಂತ ಅತ್ಯುತ್ಸಾಹದಿಂದ ಪುನೀತ್ ಸ್ಪೆಪ್ ಹಾಕಿರುವ 7UP ಆಡ್ ಉತ್ಸಾಹ ಭರಿತವಾಗಿದೆ.
ಥೇಟ್ ಕಾಲೇಜು ಯುವಕನಾಗಿ ಪುನೀತ್ ಕಾಣಿಸಿಕೊಂಡಿರುವ ರೀತಿ, ಅದಕ್ಕೆ ತಕ್ಕ ಹಾಗೆ ಸಂಯೋಜಿಸಿರುವ ಹಾಡು ಎಲ್ಲರ ಮನಸ್ಸಿಗೆ ಹೊಸ ಹುಮ್ಮಸ್ಸು ನೀಡುತ್ತದೆ. ಹಾಗೆ ನೋಡಿದ್ರೆ, 7UP ಆಡ್ ನಲ್ಲಿ ಅಪ್ಪು ಕುಣಿದು ಕುಪ್ಪಳಿಸುತ್ತಿರುವುದು ಇದೇ ಮೊದಲೇನಲ್ಲ. [ಪವರ್ ಸ್ಟಾರ್ ಪುನೀತ್ ಹೊಸ ಚಿತ್ರ 'ಜೇಮ್ಸ್']
ವರ್ಷಗಳಿಂದಲೂ 7UP ಗೆ ಬ್ರ್ಯಾಂಡ್ ಅಂಬಾಸಿಡರ್ ಆಗಿರುವ ಅಪ್ಪು, ಅನೇಕ ಆಡ್ ಗಳಲ್ಲಿ ಮಿಂಚಿದ್ದಾರೆ. 7UP ಜೊತೆಗೆ ಮಣಪ್ಪುರಂ, ಮಲಬಾರ್ ಗೋಲ್ಡ್, ನಂದಿನಿ ಹಾಲು ಉತ್ಪನ್ನಗಳಿಗೂ ಅಪ್ಪು ರಾಯಭಾರಿಯಾಗಿದ್ದಾರೆ.
ಅಪ್ಪು ಹೇಳಿದಂತೆ 7UP ಕುಡಿದು 'ನೀವು ನೀವಾಗಿ' ಎಂಜಾಯ್ ಮಾಡಿ.
