Don't Miss!
- News Rain Alert: ರಾಜ್ಯಾದ್ಯಂತ ಹಲವು ಜಿಲ್ಲೆಗಳಲ್ಲಿ ವ್ಯಾಪಕ ಮಳೆ; ಜಿಲ್ಲಾವಾರು ಮಳೆ ವಿವರ
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Sports ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್
- Automobiles ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಪ್ರೀತಿಯ ಮುಂದೆ ನಾನು ಹನಿ, ಎದುರಾಳಿ ಮುಂದೆ ನಾನು 'ಪುಲಿ'
ಕನ್ನಡದ 'ರನ್ನ' ಅಭಿನವ ಚಕ್ರವರ್ತಿ ಕಿಚ್ಚ ಸುದೀಪ್, ನಿರ್ದೇಶಕ ಎಸ್.ಎಸ್ ರಾಜಮೌಳಿ ಅವರ 'ಈಗ' ಹಾಗು ಈ ವರ್ಷದ ಬ್ಲಾಕ್ ಬಸ್ಟರ್ ಚಿತ್ರ 'ಬಾಹುಬಲಿ' ಯಲ್ಲಿ ಕಾಣಿಸಿಕೊಂಡಿದ್ದು, ನಿಮಗೆ ಗೊತ್ತೆ ಇದೆ.
ಅಂದಹಾಗೆ ಕಿಚ್ಚ ಸುದೀಪ್ ಕಾಲಿವುಡ್ ನಲ್ಲಿ ತಮಿಳು ಸ್ಟಾರ್ 'ಇಳೆಯದಳಪತಿ' ವಿಜಯ್ ಜೊತೆ 'ಪುಲಿ' ಚಿತ್ರದಲ್ಲಿ ನಟಿಸುತ್ತಿರುವ ವಿಚಾರವನ್ನು ನಾವು ನಿಮಗೆ ಇದೇ ಫಿಲ್ಮಿಬೀಟಲ್ಲಿ ಹೇಳಿದ್ವಿ ಅಲ್ವಾ.
ಇದೀಗ ಐತಿಹಾಸಿಕ ಆಧಾರಿತವಾದ ಈ ವರ್ಷದ ಬಹುನಿರೀಕ್ಷಿತ ತಮಿಳು ಚಿತ್ರ 'ಪುಲಿ' ಯಲ್ಲಿ ನಮ್ಮ ಕನ್ನಡದ ಕಿಚ್ಚ ಸುದೀಪ್ ಅವರಿಗೂ ಮುಖ್ಯ ಪಾತ್ರವಿದೆ. ಎಸ್ ಎಸ್ ರಾಜಮೌಳಿ ಅವರ 'ಈಗ' ಚಿತ್ರದ ನಂತರ ಇದೀಗ ಮತ್ತೊಮ್ಮೆ 'ಪುಲಿ' ಮೂಲಕ ವಿಲನ್ ರೋಲ್ ನಲ್ಲಿ ಭರ್ಜರಿಯಾಗಿ ಮಿಂಚುತ್ತಿದ್ದಾರೆ. [ತಮಿಳು 'ಪುಲಿ' ಬಾಲ ಹಿಡಿದು ನಿಂತ ಕಲಾ ಸಾಮ್ರಾಟ್]
ಬಾಲಿವುಡ್ ಬೆಡಗಿ ಶ್ರೀದೇವಿ, ಇಳೆಯದಳಪತಿ ವಿಜಯ್, ಕಿಚ್ಚ ಸುದೀಪ್, ಗ್ಲಾಮರ್ ಬೊಂಬೆ ಶ್ರುತಿ ಹಾಸನ್, ಹನ್ಸಿಕಾ ಮೋಟ್ವಾನಿ ಮೊದಲಾದವರು ಲೀಡ್ ರೋಲ್ ನಲ್ಲಿ ಮಿಂಚಿರುವ 'ಪುಲಿ' ಚಿತ್ರದ ಟ್ರೈಲರ್ ಈಗಾಗಲೇ ಬಿಡುಗಡೆಯಾಗಿದೆ.
ಅಭಿನವ ಚಕ್ರವರ್ತಿ ಕಿಚ್ಚ ಸುದೀಪ್ ಅವರ ಖಡಕ್ ಲುಕ್ ಹಾಗೂ ಭರ್ಜರಿ ವಿಲನ್ ಪಾತ್ರದ ಝಲಕ್ ಜೊತೆಗೆ ವಿಜಯ್ ಪವರ್ ಫುಲ್ ಡೈಲಾಗ್ ನ ಟ್ರೈಲರ್ ನ ಫಿಲ್ಮಿಬೀಟ್ ನಿಮಗಾಗಿ ತಂದಿದೆ. ನೀವೇ ನೋಡಿ....
ಎಸ್.ಕೆ.ಟಿ ಸ್ಟುಡಿಯೋ ಅರ್ಪಿಸುವ 'ಪುಲಿ' ಚಿತ್ರದಲ್ಲಿ 'ಬಾಹುಬಲಿ' ಚಿತ್ರದಂತೆ ಐತಿಹಾಸಿಕವಾಗಿ ಅದ್ಧೂರಿ ಮೇಕಿಂಗ್ ಮಾಡಿರುವುದು ಟ್ರೈಲರ್ ನಲ್ಲಿ ಹೈಲೈಟ್ ಆಗುತ್ತಿದೆ.[ವಿಜಯ್ ಹುಟ್ಟುಹಬ್ಬಕ್ಕೆ 'ಪುಲಿ' ಟೀಸರ್ ಗಿಫ್ಟ್]
ಸುಮಾರು ಎರಡು ದಶಕಗಳ ನಂತರ ಶ್ರೀದೇವಿ ಅವರು ತಮಿಳು ಚಿತ್ರರಂಗದತ್ತ ಮುಖ ಮಾಡಿದ್ದಾರೆ. ಜೊತೆಗೆ ಸುರ ಸುಂದರಿ ಶ್ರೀದೇವಿ ಅವರು 'ಪುಲಿ' ಚಿತ್ರದಲ್ಲಿ ಮಹಾರಾಣಿಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದು, ಅವರ ಉಡುಗೆ-ತೊಡುಗೆ ಹಾಗೂ ನಟನಾ ಶೈಲಿ ಟ್ರೈಲರ್ ನ ಮತ್ತೊಂದು ಹೈಲೈಟ್.
'ಪಾಸತ್ತ್ ಗ್ ಮುನ್ನಾಡಿದ ನಾ ಪನಿ, ಪಗೈಕ್ ಮುನ್ನಾಡಿ ನಾ 'ಪುಲಿ' ಅನ್ನುವ ಇಳೆಯದಳಪತಿ ಅವರ ಪವರ್ ಫುಲ್ ಡೈಲಾಗ್ ಅಭಿಮಾನಿಗಳನ್ನು ಹುಚ್ಚೆದ್ದು ಕುಣಿಯುವಂತೆ ಮಾಡೋದು ಗ್ಯಾರಂಟಿ.[ವಾವ್..! ಕಾಲಿವುಡ್ ನಲ್ಲಿ ಸುದೀಪ್ 'ಪುಲಿ' ಆರ್ಭಟ]
ಚಿಂಬುದೇವನ್ ಆಕ್ಷನ್-ಕಟ್ ಹೇಳಿರುವ 'ಪುಲಿ' ಚಿತ್ರದಲ್ಲಿ ಸುಂದರವಾದ ಕಲರ್ ಫುಲ್ ಹಾಡು ಡಾನ್ಸ್ ಜೊತೆಗೆ ಸಖತ್ ಫೈಟ್, ಖಡಕ್ ಲುಕ್, ಪವರ್ ಫುಲ್ ಡೈಲಾಗ್ ಮುಂತಾದವು ಇರುವುದರಿಂದ ಪ್ರೇಕ್ಷಕರಿಗೆ ಇಷ್ಟವಾಗುವುದರಲ್ಲಿ ಯಾವುದೇ ಸಂದೇಹವಿಲ್ಲ.
ಚಿತ್ರಕ್ಕೆ ರಾಕ್ ಸ್ಟಾರ್ ದೇವಿಶ್ರೀ ಪ್ರಸಾದ್ ಮ್ಯೂಸಿಕ್ ಕಂಪೋಸ್ ಮಾಡಿದ್ದು, ಶಿಬು ತಮೀನ್ಸ್ ಹಾಗೂ ಪಿ.ಟಿ ಸೆಲ್ವಕುಮಾರ್ ಬಂಡವಾಳ ಹಾಕಿದ್ದಾರೆ.
ಮೊದಲ ನೋಟಕ್ಕೆ ಆಕ್ಷನ್-ಅಡ್ವೆಂಚರ್-ಫ್ಯಾಂಟಸಿ ಸಿನಿಮಾದಂತೆ ಕಾಣುವ 'ಪುಲಿ' ಚಿತ್ರ ಸದ್ಯದಲ್ಲೇ ತೆರೆ ಮೇಲೆ ಅಪ್ಪಳಿಸಲಿದೆ,
ಈಗಾಗಲೇ ಭರ್ಜರಿಯಾಗಿ ಬಿಡುಗಡೆಗೊಂಡ 'ಬಾಹುಬಲಿ' ಚಿತ್ರ ಪ್ರೇಕ್ಷಕರನ್ನು ಕಾಯಿಸಿದಂತೆ 'ಪುಲಿ' ಕೂಡ ಕನ್ನಡ ಹಾಗೂ ತಮಿಳು ಅಭಿಮಾನಿಗಳಲ್ಲಿ ಭಾರಿ ಕುತೂಹಲ ಹುಟ್ಟಿಸಿದೆ, ಅಂತೂ ಚಿತ್ರ ಬಿಡುಗಡೆಯಾಗುವವರೆಗೂ ಅಭಿಮಾನಿಗಳು ಕಾಯಲೇಬೇಕು.