Don't Miss!
- News Hubballi: ರಾಜ್ಯ ಸರ್ಕಾರದ ವಿರುದ್ಧ ಭಾರೀ ಪ್ರತಿಭಟನೆ: ನೇಹಾ ನಿವಾಸಕ್ಕೆ ಶ್ರೀಗಳು, ಲಕ್ಷ್ಮಿ ಹೆಬ್ಬಾಳ್ಕರ್ ಭೇಟಿ: ಪೊಲೀಸ್ ಅಭಯ
- Technology ನಿಮ್ಮ ಬಳಿ ರೆಡ್ಮಿಯ ಈ ಫೋನ್ ಇದ್ರೆ, ಇಲ್ಲಿದೆ ನಿಮಗೆ ಗುಡ್ನ್ಯೂಸ್!
- Automobiles Mahindra: ದೊಡ್ಡ ಅಪಘಾತ ತಪ್ಪಿಸಿತು XUV700 ಕಾರಿನ ಈ ಸೇಫ್ಟಿ ಫೀಚರ್: ಎಲ್ಲರೂ ಸೇಫ್!
- Finance Bengaluru Rain:ಬಿಸಿಗಾಳಿ ಹೆಚ್ಚಳದಿಂದ ಬೆಂಗಳೂರು ನಗರಕ್ಕೆ ಅಧಿಕ ಮಳೆ, ಐಎಂಡಿ ಹೇಳಿದ್ದೇನು?
- Sports LSG vs CSK IPL 2024: ಐಪಿಎಲ್ನಲ್ಲಿ ಇತಿಹಾಸ ಸೃಷ್ಟಿಸಿದ ಎಂಎಸ್ ಧೋನಿ
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಮರಿ ಹುಲಿ 'ಟೈಸನ್' S/O ಟೈಗರ್ ಟೀಸರ್ ನೋಡಿ...
''ತಾಕತ್ತಿರೋನು ಹೊಡೆದ್ರೆ ತಾಯಿತ ಕಟ್ಟಿಸ್ಕೋತೀರಾ...ಪವರ್ ಇರೋನು ಹೊಡೆದ್ರೆ ಪುತ್ತೂರ್ ಕಟ್ ಹಾಕಿಸ್ಕೋತೀರಾ...ಧಮ್ ಇರೋನು ಹೊಡೆದ್ರೆ ಧರ್ಮಾಸ್ಪತ್ರೆಯಲ್ಲಿ ಕಟ್ ಹಾಕಿಸ್ಕೋತೀರಾ...ಟೈಸನ್ ಹೊಡೆದ್ರೆ ಚಟ್ಟ ಕಟ್ಟಿಸ್ಕೋತೀರಾ...'' ಹೀಗಂತ ಅಬ್ಬರಿಸುತ್ತಾ ಗಾಂಧಿನಗರದ ಅಂಗಳದಲ್ಲಿ ಮತ್ತೊಮ್ಮೆ ಸೌಂಡ್ ಮಾಡಿರುವುದು ಟೈಗರ್ ಪ್ರಭಾಕರ್ ಪುತ್ರ ವಿನೋದ್ ಪ್ರಭಾಕರ್.
ಕನ್ನಡ ಚಿತ್ರರಂಗಕ್ಕೆ ಕಾಲಿಟ್ಟು ವರ್ಷಗಳೇ ಕಳೆದ್ರೂ, ವಿನೋದ್ ಪ್ರಭಾಕರ್ ಗೆ ಈವರೆಗೂ ಬಿಗ್ ಬ್ರೇಕ್ ಅಂತ ಸಿಕ್ಕಿಲ್ಲ. ಕಳೆದ ವರ್ಷ ರಿಲೀಸ್ ಆದ 'ಬೆಳ್ಳಿ' ಸಿನಿಮಾದ ಮೂಲಕ ಫಾರ್ಮ್ ಗೆ ಮರಳಿದ ವಿನೋದ್ ಈಗ 'ಟೈಸನ್' ಆಗಿದ್ದಾರೆ.
'ಟೈಸನ್' ಅಂತ ಟೈಟಲ್ ಕೇಳಿದ ತಕ್ಷಣ 'ಬಾಕ್ಸರ್' ಮೈಕ್ ಟೈಸನ್ ರನ್ನ ನೆನಪಿಸಿಕೊಳ್ಳುವಂತಿಲ್ಲ. ಯಾಕಂದ್ರೆ, ಈ 'ಟೈಸನ್' ಖಡಕ್ ಪೊಲೀಸ್ ಆಫೀಸರ್. ಖಾಕಿ ತೊಟ್ಟು ದುಷ್ಟ ನಿಗ್ರಹ ಮಾಡುವ ಆರಕ್ಷಕನಾಗಿದ್ದಾರೆ ವಿನೋದ್ ಪ್ರಭಾಕರ್.
ಇತ್ತೀಚೆಗಷ್ಟೇ ಫೋಟೋಶೂಟ್ ಮುಗಿಸಿರುವ 'ಟೈಸನ್' ಚಿತ್ರದ ಟೀಸರ್ ಈಗ ಬಿಡುಗಡೆ ಆಗಿದೆ. ಟೀಸರ್ ನಲ್ಲಿ ಅಬ್ಬರಿಸಿರುವ ವಿನೋದ್, ಇಡೀ ಚಿತ್ರದಲ್ಲಿ ಖೇಡಿಗಳ ರುಂಡ ಚೆಂಡಾಡಲಿದ್ದಾರಂತೆ. ['ಟೈಸನ್' ಆದ ಮರಿ ಟೈಗರ್ ವಿನೋದ್ ಪ್ರಭಾಕರ್]
'ಟೈಸನ್'ಗೆ ರವಿವರ್ಮಾ, ಡಿಫರೆಂಟ್ ಡ್ಯಾನಿ ಮತ್ತು ಮಾಸ್ ಮಾದ ಸಾಹಸ ಸಂಯೋಜಿಸಿದ್ರೆ, ವಿ.ಹರಿಕೃಷ್ಣ, ಜೆಸ್ಸಿ ಗಿಫ್ಟ್ ಮತ್ತು ಆರ್.ಎಸ್.ಗಣೇಶ್ ಸಂಗೀತ ಸಂಯೋಜಿಸಲಿದ್ದಾರೆ. ಟಿ.ಬಾಬು ರೆಡ್ಡಿ ಅದ್ದೂರಿಯಾಗಿ ಚಿತ್ರ ನಿರ್ಮಾಣ ಮಾಡಲಿದ್ದಾರೆ. 'ಪೈಪೋಟಿ' ಚಿತ್ರವನ್ನ ನಿರ್ದೇಶಿಸಿದ್ದ ಕೆ.ರಾಮ್ ನಾರಾಯಣ್ 'ಟೈಸನ್' ಚಿತ್ರದ ಸೂತ್ರಧಾರ.
'ನಮೋ ಭೂತಾತ್ಮ' ಚಿತ್ರದಲ್ಲಿ ಕೋಮಲ್ ಜೊತೆಯಾಗಿದ್ದ ಗಾಯತ್ರಿ ಐಯ್ಯರ್, ಇಲ್ಲಿ ವಿನೋದ್ ಪ್ರಭಾಕರ್ ಹೃದಯಕ್ಕೆ ಬಾಣ ಬಿಡುವ ಹುಡುಗಿ. ಟೀಸರ್ ಮಾತ್ರದಿಂದಲೇ ಸಖತ್ ಸೌಂಡ್ ಮಾಡುತ್ತಿರುವ 'ಟೈಸನ್' ಸದ್ಯದಲ್ಲೇ ಸೆಟ್ಟೇರಲಿದೆ. (ಫಿಲ್ಮಿಬೀಟ್ ಕನ್ನಡ)