ಶಿವಣ್ಣ ಮಗಳ ಮದುವೆಗೆ ವಿಶೇಷ ವೆಬ್ ಸೈಟ್ ಆರಂಭ

ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ಪುತ್ರಿ ನಿರುಪಮಾ ವಿವಾಹ ಮಹೋತ್ಸವ ಇದೇ ತಿಂಗಳ 30-31 ರಂದು ಬೆಂಗಳೂರಿನ ಪ್ಯಾಲೇಸ್ ಗ್ರೌಂಡ್ ನಲ್ಲಿ ಅದ್ದೂರಿಯಾಗಿ ನೆರವೇರಲಿದೆ.

ಶಿವಣ್ಣ ಪುತ್ರಿಯ ಮದುವೆಗೆ ಸ್ಯಾಂಡಲ್ ವುಡ್, ಕಾಲಿವುಡ್, ಟಾಲಿವುಡ್ ಮತ್ತು ಬಾಲಿವುಡ್ ನ ಬಹುತೇಕ ಎಲ್ಲಾ ಟಾಪ್ ನಟರು ಬರುವ ಸಾಧ್ಯತೆ ಇದೆ. ಜೊತೆಗೆ ರಾಜ್ಯದ ಜನತೆ ಕೂಡ ತಮ್ಮ ಮಗಳಿಗೆ ಆಶೀರ್ವಾದ ಮಾಡಬೇಕು ಅನ್ನುವ ಆಸೆ ಶಿವಣ್ಣನಿಗಿದೆ. ['ಅಭಿಮಾನಿ ದೇವರು'ಗಳಿಗೆ ಶಿವಣ್ಣನ ಆದರದ ಆಮಂತ್ರಣ]

ಯಾವುದೇ ಪಾಸ್ ಇಲ್ಲದೆ, ಎಲ್ಲಾ 'ಅಭಿಮಾನಿ ದೇವರು'ಗಳು ಅರಮನೆ ಮೈದಾನಕ್ಕೆ ಭೇಟಿ ನೀಡಿ ಶಿವಣ್ಣನ ಮಗಳ ಮದುವೆ ವೀಕ್ಷಿಸಬಹುದು. ಇನ್ನೂ, ಬರುವುದಕ್ಕೆ ಸಾಧ್ಯವಾಗದವರು ಬೆರಳ ತುದಿಯಲ್ಲೇ ನಿರುಪಮಾ ವಿವಾಹ ವೀಕ್ಷಿಸಿ, ಹರಸಬಹುದು. [ದೊಡ್ಮನೆ ಮೊಮ್ಮಗಳ ಮದುವೆಯ ಸಂಭ್ರಮದ ಝಲಕ್]

ವೆಬ್ ಸೈಟ್ ಮೂಲಕ ಮಗಳ ಮದುವೆಯನ್ನು ಎಲ್ಲರೂ ನೋಡುವ ಹಾಗೆ, ವಿಶೇಷ ವ್ಯವಸ್ಥೆ ಕಲ್ಪಿಸಿದ್ದಾರೆ ಶಿವರಾಜ್ ಕುಮಾರ್. shivannamagalamaduve.com ಅನ್ನುವ ವೆಬ್ ಸೈಟ್ ಸಿದ್ದಪಡಿಸಲಾಗಿದ್ದು, ಈ ವೆಬ್ ಸೈಟ್ ಮೂಲಕ ಜನರು ತಮ್ಮ ಶುಭ ಸಂದೇಶಗಳನ್ನ ಹಂಚಿಕೊಳ್ಳಬಹುದು. ಆಗಸ್ಟ್ 30 ರ ಮಧ್ಯಾಹ್ನ ಈ ವೆಬ್ ಸೈಟ್ ಗೆ ಚಾಲನೆ ಸಿಗಲಿದೆ.