ಮುಂಬೈ ಹುಡುಗಿ ಜೊತೆ ನಟ ವಿಶಾಲ್ ನಿಶ್ಚಿತಾರ್ಥ

ಇವರಿಬ್ಬರ ಮದುವೆ ಇನ್ನೊಂದು ವಾರದಲ್ಲಿ ಮುಂಬೈನಲ್ಲಿ ನೆರವೇರಲಿದೆ. ಮದುವೆ ಸಂಭ್ರಮ ಮುಂಬೈನಲ್ಲಾದರೆ ಆರತಕ್ಷತೆ ಕಾರ್ಯಕ್ರಮವನ್ನು ಬೆಂಗಳೂರಿನಲ್ಲಿ ಹಮ್ಮಿಕೊಳ್ಳಲಾಗಿದೆ. ಡಿಸೆಂಬರ್ 15ರಂದು ಚಿತ್ರೋದ್ಯಮದ ಗಣ್ಯರು ಹಾಗೂ ಬಂಧುಮಿತ್ರರಿಗೆ ಔತಣ ಕೂಟವನ್ನೂ ಏರ್ಪಡಿಸಿದ್ದಾರೆ ವಿಶಾಲ್.

ವಿಶಾಲ್ ಒಂದಷ್ಟು ಚಿತ್ರಗಳಲ್ಲಿ ಅಭಿನಯಿಸಿದ್ದರೂ ಗುರುತಿಸಿಕೊಂಡಿದ್ದು 'ಹುಡುಗರು' ಚಿತ್ರದಲ್ಲಿ. ಇದಕ್ಕೂ ಮುನ್ನ ಅವರು ನಿನಗಾಗಿ ಕಾದಿರುವೆ, ಗಣೇಶ ಮತ್ತೆ ಬಂದ, ಅಣ್ಣತಂಗಿ, ಗ್ರೀನ್ ಸಿಗ್ನಲ್, ಮನೆಮಗಳು ಚಿತ್ರಗಳಲ್ಲೂ ಅಭಿನಯಿಸಿದ್ದಾರೆ.

ಕೇವಲ ಲವರ್ ಬಾಯ್ ಪಾತ್ರಗಳಲ್ಲಿ ಅಭಿನಯಿಸಿದರೆ ಸಾಲದು ಎಂಬಂತೆ ಈಗ ನೆಗೆಟೀವ್ ಶೇಡ್ ವುಳ್ಳ ಪಾತ್ರವನ್ನೂ ಒಪ್ಪಿಕೊಂಡಿದ್ದಾರೆ. 'ರಣತಂತ್ರ' ಚಿತ್ರದಲ್ಲಿ ಅವರದು ನೆಗೆಟೀವ್ ಶೇಡ್ ವುಳ್ಳ ಪಾತ್ರ. ವಿಜಯ ರಾಘವೇಂದ್ರ ಹಾಗೂ ಹರಿಪ್ರಿಯಾ ಮುಖ್ಯಭೂಮಿಕೆಯಲ್ಲಿರುವ ಚಿತ್ರ ಇದಾಗಿದೆ. ಆಲ್ ದ ಬೆಸ್ಟ್ ವಿಶಾಲ್ ಹೆಗಡೆ. (ಏಜೆನ್ಸೀಸ್)