ವಿದ್ಯಾರ್ಥಿಗಳಿಗಾಗಿ ಪ್ರಾರಂಭವಾಗುತ್ತಿದೆ 'ವೀಕ್ ಡೇ ವಿತ್ ರಮೇಶ್ ಅರವಿಂದ್'

ಸ್ಯಾಂಡಲ್ ವುಡ್ ನಟ ಮತ್ತು ನಿರ್ದೇಶಕ ರಮೇಶ್ ಅರವಿಂದ್ ಸಿನಿಮಾಗಳಲ್ಲಿ ಬುಸಿಯಾಗಿಲ್ಲ. ಜೀವನ ಕೌಶಲ ನಿರ್ಮಾಣ, ವ್ಯಕ್ತಿತ್ವ ವಿಕಸನದ ಬಗ್ಗೆಯು ಆಗಾಗ ಟಿಪ್ಸ್ ನೀಡುತ್ತಿರುತ್ತಾರೆ. ಸದ್ಯ ರಮೇಶ್ ವಿದ್ಯಾರ್ಥಿಗಳ ಬೆನ್ನಿಗೆ ನಿಂತಿದ್ದಾರೆ. ವಿದ್ಯಾರ್ಥಿಗಳಿಗಾಗಿ ವೇಕ್ ಡೇ ವಿತ್ ರಮೇಶ್ ಅರವಿಂದ್ ಕಾರ್ಯಕ್ರಮ ಪ್ರಾರಂಭವಾಗುತ್ತಿದೆ.

Recommended Video

ವಿದ್ಯಾರ್ಥಿಗಳಿಗೆ ಯಶಸ್ಸಿನ ಸೂತ್ರಗಳ ಬಗ್ಗೆ ತಿಳಿಸಿಕೊಡಲು ಮುಂದಾಗಿರುವ ಕಾಲೇಜ್ ಶಿಕ್ಷಣ ಇಲಾಖೆ, ರಮೇಶ್ ಅರವಿಂದ್ ಅವರೊಂದಿಗೆ ಈ ಕಾರ್ಯಕ್ರಮ ನಡೆಸಲು ಸಜ್ಜಾಗಿದೆ. ಖಾಸಗಿ ವಾಹಿನಿಯಲ್ಲಿ ಪ್ರಸಾರವಾಗುತ್ತಿದ್ದ 'ಮೀಕ್ ಎಂಡ್ ವಿತ್ ರಮೇಶ್' ಕಾರ್ಯಕ್ರಮ ಜನಪ್ರಿಯತೆ ಪಡೆದಿತ್ತು. ಇದೆ ಮಾದರಿಯಲ್ಲಿ ವಿದ್ಯಾರ್ಥಿಗಳಿಗೆ ಸ್ಪೂರ್ತಿ ತುಂಬಲು ಕಾಲೇಜು ಶಿಕ್ಷಣ ಇಲಾಖೆ 'ವೀಕ್ ಡೇ ವಿತ್ ರಮೇಶ್ ಅರವಿಂದ್' ಕಾರ್ಯಕ್ರಮ ಹಮ್ಮಿಕೊಂಡಿದೆ.

ಶಿಕ್ಷಣ ಇಲಾಖೆ ವಿದ್ಯಾರ್ಥಿಗಳಿಗಗಾಗಿ ಆರಂಭಿಸಿರುವ 'ವಿಜಯೀ ಭವ' ಯೂಟ್ಯೂಬ್ ಚಾನೆಲ್ ಮೂಲಕ ರಮೇಶ್ ವಿದ್ಯಾರ್ಥಿಗಳ ಜೊತೆ ಸಂವಾದ ನಡೆಸಲಿದ್ದಾರೆ. ಈ ಕಾರ್ಯಕ್ರಮಕ್ಕೆ ಶಿಕ್ಷಣ ಇಲಾಖೆ ವೀಕ್ ಡೇ ವಿತ್ ರಮೇಶ್ ಶೀರ್ಷಿಕೆ ನೀಡಿದೆ. ಗುರುವಾರ ಜೂನ್ 18ರಂದು ಬೆಳಗ್ಗೆ 10.30ಕ್ಕೆ ವಿಜಯೀ ಭವ ಯುಟ್ಯೂಬ್ ಚಾನೆಲ್ ನಲ್ಲಿ ಕಾರ್ಯಕ್ರಮ ಪ್ರಸಾರವಾಗಲಿದೆ.

ವಿದ್ಯಾರ್ಥಿಗಳಿಗೆ ಯಶಸ್ಸಿನ ಸೂತ್ರಗಳ ಎಂಬ ವಿಷಯದ ಬಗ್ಗೆ ರಮೇಶ್ ಅರವಿಂದ್ ಸಂವಾದ ನಡೆಸಲಿದ್ದಾರೆ. ಜೀವನ ಮಾರ್ಗದರ್ಶನ, ಯಶಸ್ವಿನ ಸೂತ್ರಗಳು ಸೇರಿದಂತೆ ಇತರೆ ವಿಷಯಗಳ ಬಗ್ಗೆ ವಿದ್ಯಾರ್ಥಿಗಳಿಗೆ ತಿಳಿಸಿಕೊಡಲಿದ್ದಾರೆ.