ಏನಾಯ್ತು ದರ್ಶನ್ - ದಿನಕರ್ ಕಾಂಬಿನೇಶನ್ 'ಸರ್ವಾಂತರ್ಯಾಮಿ' ಚಿತ್ರ?

ದಿನಕರ್ ಹೊಸ ಸಿನಿಮಾ

ನಿರ್ದೇಶಕ ದಿನಕರ್ ತೂಗುದೀಪ್ ಇದೀಗ ಹೊಸ ಸಿನಿಮಾ ಶುರು ಮಾಡುತ್ತಿದ್ದಾರೆ. ಸದ್ಯ, ಆ ಸಿನಿಮಾದ ಕಥೆ ಕೆಲಸದಲ್ಲಿ ಅವರ ತೊಡಗಿದ್ದಾರೆ. ಈ ಸಿನಿಮಾ ಸ್ಕ್ರಿಪ್ಟ್ ಸಿದ್ಧವಾದ ಮೇಲೆ ಯಾವ ಹೀರೋ ಜೊತೆಗೆ ಈ ಸಿನಿಮಾ ಎಂಬುದನ್ನು ತಿಳಿಸಲಿದ್ದಾರೆ. ಹೀಗಿರುವಾಗ, ದಿನಕರ್ ತಮ್ಮ 'ಸರ್ವಾಂತರ್ಯಾಮಿ' ಸಿನಿಮಾದಿಂದ ಮತ್ತಷ್ಟು ದೂರಕ್ಕೆ ಹೋಗಿದ್ದಾರೆ.

ಸಿನಿಮಾ ಬರುತ್ತಾ, ಇಲ್ವಾ?

'ಸರ್ವಾಂತರ್ಯಾಮಿ' ಸಿನಿಮಾ ಬರುತ್ತಾ, ಇಲ್ವಾ? ಎನ್ನುವುದು ಇದುವರೆಗೆ ತಿಳಿದಿಲ್ಲ. 'ಸರ್ವಾಂತರ್ಯಾಮಿ' ಚಿತ್ರ ಮಾಡಬೇಕಿದ್ದ ದಿನಕರ್ 'ಲೈಫ್ ಜೊತೆ ಒಂದ್ ಸೆಲ್ಫಿ' ಚಿತ್ರವನ್ನು ನಿರ್ದೇಶನ ಮಾಡಿದರು. ಈ ಸಿನಿಮಾ ಮುಗಿದ ಮೇಲಾದರೂ 'ಸರ್ವಾಂತರ್ಯಾಮಿ' ಶುರು ಆಗುತ್ತದೆಯೇ ಎಂದುಕೊಂಡವರಿಗೆ ಮತ್ತೆ ನಿರಾಸೆಯಾಗಿದೆ.

5 ವರ್ಷಗಳಿಂದ ಸುದ್ದಿ ಇದೆ

ಹಾಗೆ ನೋಡಿದರೆ, ದರ್ಶನ್ ಅವರ 50ನೇ ಸಿನಿಮಾವೇ 'ಸರ್ವಾಂತರ್ಯಾಮಿ' ಆಗಬೇಕಿತ್ತು. ಆದರೆ, ಈ ಚಿತ್ರ ಮುಂದೆ ಹೋದ ಕಾರಣ 'ಕುರುಕ್ಷೇತ್ರ' ಹಾಫ್ ಸೆಂಚುರಿ ಸಿನಿಮಾ ಆಗಿದೆ. 5 ವರ್ಷಗಳ ಹಿಂದಿನಿಂದಲೂ ಈ ಸಿನಿಮಾದ ಸುದ್ದಿ ಇದೆ. ಆದರೆ, ಚಿತ್ರ ಯಾವಾಗ ಎನ್ನುವುದನ್ನು ದಿನಕರ್ ಅವರೇ ಉತ್ತರ ನೀಡಬೇಕು.

ದರ್ಶನ್ ಸಿಕ್ಕಾಪಟ್ಟೆ ಬ್ಯುಸಿ

'ಒಡೆಯ' 'ರಾಬರ್ಟ್', 'ಗಂಡುಗಲಿ ವೀರಮದಕರಿ ನಾಯಕ' ಬಳಿಕ ಮಿಲನ ಪ್ರಕಾಶ್, ಎಂ ಜಿ ರಾಮಮೂರ್ತಿ ಹಾಗೂ ಶೈಲಜಾ ನಾಗ್ ಅವರಿಗೆ ಒಂದೊಂದು ಸಿನಿಮಾವನ್ನು ದರ್ಶನ್ ಮಾಡಿಕೊಡಬೇಕಿದೆ. ಇಷ್ಟೊಂದು ಸಿನಿಮಾಗಳ ನಡುವೆ 'ಸರ್ವಾಂತರ್ಯಾಮಿ' ಏನಾಗುತ್ತದೆಯೋ ಗೊತ್ತಿಲ್ಲ.

ದರ್ಶನ್ - ದಿನಕರ್ ಕಾಂಬಿನೇಶನ್ ಚಿತ್ರಗಳು

ನಟ ದರ್ಶನ್ ತಮ್ಮ ಸಹೋದರ ದಿನಕರ್ ಕಾಂಬಿನೇಶನ್ ನಲ್ಲಿ ಈಗಾಗಲೇ ನಟಿಸಿದ್ದಾರೆ. 'ಜೊತೆ ಜೊತೆಯಲಿ' ಚಿತ್ರದಲ್ಲಿ ಸಣ್ಣ ಪಾತ್ರ ಮಾಡಿದ್ದ ದರ್ಶನ್ 'ನವಗ್ರಹ' ಹಾಗೂ 'ಸಾರಥಿ' ಚಿತ್ರಗಳಲ್ಲಿ ಹೀರೋ ಆಗಿದ್ದರು. ಈ ಮೂರು ಚಿತ್ರಗಳಿಗೆ ದಿನಕರ್ ಡೈರೆಕ್ಷನ್ ಇತ್ತು.