ಅದ್ದೂರಿಯಾಗಿ ಬಂದ ಬಹಾದ್ದೂರ್ ಈಗೇನ್ಮಾಡ್ತಿದ್ದಾರೆ?

ಈ ನಟನ ಬಗ್ಗೆ ನಾವು ಅದೆಷ್ಟು ಸಾರಿ ನಿಮ್ಗೆ ಹೇಳಿದ್ದೀವೋ ಗೊತ್ತಿಲ್ಲ. ವರ್ಷಕ್ಕೆ ಎರಡು ಮೂರು ಸಿನಿಮಾ ಮಾಡೋರ ನಡುವೆ, ಎರಡು ಮೂರು ವರ್ಷಕ್ಕೊಮ್ಮೆ ಸಿನಿಮಾ ಮಾಡೋದು ಈ ನಟನ ವಿಶೇಷತೆ! ಅದು ಒಳ್ಳೇದೂ ಅಂತಲಾದ್ರು ಅಂದುಕೊಳ್ಳಿ, ಅಭಿಮಾನಿಗಳಾಗಿದ್ರೆ ಒಂದೆರೆಡು ಬೈಗುಳವನ್ನಾದ್ರೂ ಬೈದು ಬಿಡಿ.

ಇದು ಕನ್ನಡದ ಆಕ್ಷನ್ ಪ್ರಿನ್ಸ್ ಧ್ರುವ ಸರ್ಜಾರ ಕಥೆ. ನಾಲ್ಕು ವರ್ಷಗಳಲ್ಲಿ ಈ ನಟ ಕೊಟ್ಟಿರೋದು ಎರಡೇ ಎರಡು ಸಿನಿಮಾಗಳನ್ನ ಮಾತ್ರ. ಅದ್ಧೂರಿ ರಿಲೀಸ್ ಆಗಿ ಎಳೆಂಟು ತಿಂಗಳು ಧ್ರುವ ಎಲ್ಲಿಯೂ ಕಾಣಿಸಿರಲಿಲ್ಲ. ಈಗಲೂ ಅದೇ ಕಥೆ...

ಫಾರ್ಮನಲ್ಲಿ ಇರೋವಾಗ್ಲೇ ಹೆಚ್ಚು ಮ್ಯಾಚ್ ಅಡಿ ಸ್ಕೋರ್ ಮಾಡಿದ್ರೆ ಒಳ್ಳೆಯದ್ದಲ್ವಾ? ಫಾರ್ಮ್ ಫಿಟ್ನೆಸ್ ಅನ್ನೋದು ಯಾವಾಗ ಕಳೆದು ಹೋಗುತ್ತೋ ಗೊತ್ತಿಲ್ಲ. ಧ್ರುವ ಸರ್ಜಾಗೆ ಇದರ ಅರಿವಿಲ್ವಾ.. ಅಥ್ವಾ ಮಾಮ ಅರ್ಜುನ್ ಸರ್ಜಾರಿಂದ ಗ್ರೀನ್ ಸಿಗ್ನಲ್ ಸಿಕ್ಕಿಲ್ವಾ? ಅಥವಾ ಅದ್ಧೂರಿ ಮತ್ತು ಬಹಾದ್ದೂರ್ ನಲ್ಲಿ ನಾಯಕಿ ಪಟ್ಟ ಧರಿಸಿದ್ದ ಕನ್ನಡದ ನಂ.1 ನಟಿ ರಾಧಿಕಾ ಪಂಡಿತ್ ಡೇಟ್ಸ್ ಸಿಗತಿಲ್ವಾ?