ಈ ವರ್ಷದ ಕೊನೆಯ ಸಿನಿಮಾ ಯಾವುದಾಗಬಹುದು?

Recommended Video

ಈ ವರ್ಷ ಕನ್ನಡ ಚಿತ್ರರಂಗದಲ್ಲಿ ದಾಖಲೆ. 84 ವರ್ಷದ ಇತಿಹಾಸದಲ್ಲಿ ಇದೇ ಮೊದಲ ಬಾರಿಗೆ 210ಕ್ಕೂ ಅಧಿಕ ಚಿತ್ರಗಳು ಒಂದೇ ವರ್ಷದಲ್ಲಿ ತೆರೆಕಂಡಿದೆ. ಈ ವರ್ಷ ಮುಗಿಯುವುದಕ್ಕೆ ಈಗ ಎರಡು ವಾರ ಮಾತ್ರ ಬಾಕಿ ಇದೆ.

ಹಾಗಾಗಿ, ವರ್ಷದ ಕೊನೆಯ ಸಿನಿಮಾ ಯಾವುದು ಎಂಬ ಕುತೂಹಲ ಈಗ ಕಾಡ್ತಿದೆ. ಸದ್ಯಕ್ಕೆ ಮುಂದಿನ ವಾರ ಕೆಜಿಎಫ್ ಸಿನಿಮಾ ತೆರೆಕಾಣ್ತಿದೆ. ಅದಾದ ಬಳಿಕ ಒಂದೇ ವಾರ ಬಾಕಿ ಇರುತ್ತೆ. ಆದ್ರೆ, ಆ ವಾರ ಬಿಡುಗಡೆಯಾಗುವುದಕ್ಕೆ ಐದಾರು ಚಿತ್ರಗಳು ಸಜ್ಜಾಗಿದೆ. ಇವುಗಳಲ್ಲಿ ಯಾವುದು ವರ್ಷದ ಕೊನೆಯ ಸಿನಿಮಾವಾಗುತ್ತೋ ಗೊತ್ತಿಲ್ಲ.

ಡಿಸೆಂಬರ್ 21 ರಂದು ಯಶ್ ಕೆಜಿಎಫ್ ರಿಲೀಸ್ ಆಗ್ತಿದೆ. ಬಹುಶಃ ಕೆಜಿಎಫ್ ಜೊತೆ ಯಾವ ಕನ್ನಡ ಸಿನಿಮಾನೂ ಬರುವ ಧೈರ್ಯ ಮಾಡಲ್ಲ. ಅದನ್ನ ಬಿಟ್ಟು ಮುಂದಿನ ವಾರ ಉಡುಂಬಾ ಸಿನಿಮಾ ದಿನಾಂಕ ಘೋಷಣೆ ಮಾಡಿದೆ.

ಈ ಚಿತ್ರದ ಜೊತೆ ವಿನಯ್ ರಾಜ್ ಕುಮಾರ್ ಅಭಿನಯದ ಅನಂತು ವರ್ಸಸ್ ನುಸ್ರುತ್ ಸಿನಿಮಾ ತೆರೆಕಾಣಲಿದೆಯಂತೆ. ಈ ಎರಡು ಚಿತ್ರಗಳ ಜೊತೆ ಮಿಸ್ಸಿಂಗ್ ಬಾಯ್, ರವಿ ಹಿಸ್ಟರಿ, ಸ್ವಾರ್ಥರತ್ನ, ಯಾರಿಗೆ ಯಾರಿಂಟು, ಚಿತ್ರಗಳು ಬಿಡುಗಡೆ ತಯಾರಾಗಿದೆ.

ಆದ್ರೆ, ಡಿಸೆಂಬರ್ 28ಕ್ಕೆ ಯಾರು ಅಂತಿಮವಾಗ್ತಾರೆ ಅನ್ನೋದು ನಿರೀಕ್ಷೆ ಮೂಡಿಸಿದೆ. ಈ ಮೂಲಕ 2018ನೇ ವರ್ಷವನ್ನ ಯಾವ ಚಿತ್ರದ ಮೂಲಕ ತೆರೆಎಳೆಯಲಾಗುವುದು ಕಾದುನೋಡಬೇಕಿದೆ. ಈ ವರ್ಷದ ಮೊದಲ ಸಿನಿಮಾ ಕ್ರೇಜಿಸ್ಟಾರ್ ಪುತ್ರ ಮನೋರಂಜನ್ ಅಭಿನಯಿಸಿದ್ದ ಬೃಹಸ್ಪತಿ ಆಗಿತ್ತು.