'ನಿಮ್ಮ ರೋಲ್ ಮಾಡೆಲ್ ಯಾರು' ಎಂದಿದ್ದಕ್ಕೆ ಯಶ್ ಹೇಳಿದ್ದು ಮೂವರ ಹೆಸರು!

ಮೊದಲು ಹೆಸರು ಹೇಳಲಿಲ್ಲ

''ಯಾರೋ ಒಬ್ಬರು ಹೆಸರು ಹೇಳಲು ಸಾಧ್ಯವಿಲ್ಲ. ಬಹಳ ಜನ ಇದ್ದಾರೆ. ಅವರೆಲ್ಲರಿಂದಲೂ ಒಂದೊಂದು ಅಂಶಗಳನ್ನ ಕಲಿತಿದ್ದೇನೆ'' ಎಂದು ಹೇಳಿದ ಯಶ್ ಮೊದಲು ಯಾರ ಹೆಸರು ಹೇಳಲಿಲ್ಲ. ನಂತರ, ಟಾಪ್ 3 ಹೇಳಬಹುದು ಅಲ್ವಾ ಎಂದು ಅದೇ ಪ್ರಶ್ನೆ ಮುಂದುವರಿಯಿತು. ಅದಕ್ಕೆ ಉತ್ತರಿಸಿದ ಯಶ್ ಮೂವರ ಹೆಸರು ಸೂಚಿಸಿದರು.

ಒಬ್ಬ ನಟ, ಮತ್ತೊಬ್ಬರು ಕ್ರಿಕೆಟರ್?

''ಕರ್ನಾಟಕದ ನಟ, ನಿರ್ದೇಶಕ ಶಂಕರ್ ನಾಗ್ ಅವರು ನಮಗೆ ಸ್ಫೂರ್ತಿ. ಅವರು ಈಗ ನಮ್ಮೊಂದಿಗೆ ಇಲ್ಲ. ಆದರೂ ಅವರಿಂದ ನಾವು ಹಲವು ವಿಷಯಗಳನ್ನ ಕಲಿಯುತ್ತಿದ್ದೇವೆ. ಎಂಎಸ್ ಧೋನಿ ಕೂಡ ಇಷ್ಟ. ಜೊತೆಗೆ ನಮ್ಮ ಪ್ರಧಾನಮಂತ್ರಿ ಮೋದಿ ಕೂಡ ಇಷ್ಟ'' ಎಂದು ಹೇಳಿದರು.

ಹತ್ತು ವರ್ಷದ ಬಳಿಕ ನೀವು ಎಲ್ಲಿರಬಹುದು?

''ಭವಿಷ್ಯದ ಬಗ್ಗೆ ನಾನು ಯಾವುದೇ ಪ್ಲಾನ್ ಮಾಡಿಲ್ಲ. ಸದ್ಯಕ್ಕೆ ಈಗಿನ ಲೈಫ್ ನೋಡುತ್ತಿದ್ದೇವೆ. ಬಹುಶಃ ಇನ್ನು ಹತ್ತು ವರ್ಷದ ಬಳಿಕ, ನನ್ನ ವೃತ್ತಿಯನ್ನ ಈಗ ಇರುವುದಕ್ಕಿಂತ ಹೆಚ್ಚು ಎಂಜಾಯ್ ಮಾಡಬಹುದು'' ಎಂದು ರಾಕಿ ಭಾಯ್ ಹೇಳಿಕೊಂಡಿದ್ದಾರೆ.

ಕೆಜಿಎಫ್ ಮಾತ್ರ ಮಾಡುತ್ತಿದ್ದೇನೆ

ಸದ್ಯಕ್ಕೆ ಕೆಜಿಎಫ್ ಚಾಪ್ಟರ್ 2 ಬಿಟ್ಟರೇ ಬೇರೆ ಏನು ಇಲ್ಲ. ಮೊದಲ ಭಾಗ ಹಿಟ್ ಆಗಿದೆ. ಅದಕ್ಕಿಂತ ಚೆನ್ನಾಗಿ ಮಾಡಬೇಕು ಎಂಬ ಉದ್ದೇಶದಿಂದ ಕೆಲಸ ಮಾಡುತ್ತಿದ್ದೇವೆ'' ಎಂದು ಚಾಪ್ಟರ್ 2 ಬಗ್ಗೆ ತಿಳಿಸಿದರು.