'ರಾಬರ್ಟ್' ಬೈಕ್ ಹಿಂದಿನ ರೂವಾರಿ ಯಾರು, ಎಲ್ಲಿ ತಯಾರಾಯ್ತು ಗೊತ್ತಾ?

ಡಿ-ಟೀಮ್ ಹುಬ್ಬಳ್ಳಿ ಖಾತೆಯಲ್ಲಿ ಫೋಟೋ ಲೀಕ್

ಡಿ-ಟೀಮ್ ಹುಬ್ಬಳ್ಳಿ ಎಂಬ ಇನ್ಸ್ಟಾಗ್ರಾಂ ಖಾತೆಯಲ್ಲಿ ರಾಬರ್ಟ್ ಬೈಕ್ ನ ಮೇಕಿಂಗ್ ಫೋಟೋಗಳು ಪೋಸ್ಟ್ ಆಗಿದ್ದು, ಬೈಕ್ ಸಿದ್ಧ ಮಾಡ್ತಿರುವ ವ್ಯಕ್ತಿ ಮುಖಕ್ಕೆ ಮಾಸ್ಕ್ ಹಾಕಲಾಗಿದೆ. ಇದು ನಿಜಕ್ಕೂ ರಾಬರ್ಟ್ ಬೈಕ್ ಎಂಬುದರ ಬಗ್ಗೆ ಅಧಿಕೃತ ಮಾಹಿತಿ ಇಲ್ಲವಾದರೂ ಅದೇ ರೀತಿ ಕಾಣುತ್ತಿರುವುದು ಗಮನ ಸೆಳೆಯುತ್ತಿದೆ.

ಈ ಹಿಂದೆ ದರ್ಶನ್ ಬೈಕ್ ಟೆಸ್ಟ್ ಡ್ರೈವ್ ಮಾಡಿದ್ದರು

ಈ ಹಿಂದೆಯೊಮ್ಮೆ ಡಿ ಬಾಸ್ ದರ್ಶನ್ ಭಾರಿ ಗಾತ್ರದ ಬೈಕ್ ಒಂದನ್ನ ಡ್ರೈವ್ ಮಾಡಿದ ವಿಡಿಯೋ ವೈರಲ್ ಆಗಿತ್ತು. ಅದೇ ಬೈಕ್ ಇದು ಎಂದು ಹೇಳಲಾಗುತ್ತಿದೆ. ಆಗ ಟೆಸ್ಟ್ ಡ್ರೈವ್ ಮಾಡಿದ್ದರು. ಅದನ್ನ ಈಗ ಸಿನಿಮಾಗಾಗಿ ರೆಡಿ ಮಾಡಿಸಿದ್ದಾರೆ ಎನ್ನಲಾಗುತ್ತಿದೆ.

ಇದೇ ನೋಡಿ ಆ ಬೈಕ್

500 ಸಿಸಿಯ ರಾಯಲ್ ಎನ್ ಫೀಲ್ಡ್ ಮಾಡೆಲ್ ನ ಬೈಕ್ ಇದಾಗಿದ್ದು, ರಾಬರ್ಟ್ ಸಿನಿಮಾಗೆ ಬೇಕಾದಂತೆ ಸಂಪೂರ್ಣವಾಗಿ ವಿನ್ಯಾಸ ಮಾಡಲಾಗಿದೆ. ಪೋಸ್ಟರ್ ನಲ್ಲಿ ಈ ಬೈಕ್ ನ ಹಿಂಭಾದ ಲುಕ್ ಕಾಣಿಸುತ್ತಿದೆ. ಪೂರ್ತಿ ಲುಕ್ ಇದೇ ನೋಡಿ.

ಡಿ ಬಾಸ್ ಗಾಗಿಯೇ ಮೇಕಿಂಗ್

ಸದ್ಯಕ್ಕೆ ಈ ಬೈಕ್ ಎಲ್ಲಿ ರೆಡಿಯಾಗಿದೆ ಮತ್ತು ಯಾರು ರೆಡಿ ಮಾಡಿದ್ದು ಎಂಬುದರ ಬಗ್ಗೆ ನಿಖರವಾದ ಮಾಹಿತಿ ಇಲ್ಲ. ರಾಬರ್ಟ್ ಸಿನಿಮಾಗಾಗಿ ದರ್ಶನ್ ಅವರಿಗೆ ಸೂಕ್ತವೆನಿಸುವಂತೆ ಈ ಬೈಕ್ ನ್ನ ಹೇಳಿ ಮಾಡಿಸಲಾಗಿದೆ. ಅದಕ್ಕೆ ಗತ್ತು ಹೆಚ್ಚಿಸುವಂತೆ ಡಿ ಬಾಸ್ ನಂಬರ್ ಪ್ಲೇಟ್ ಹಾಕಿ ಮತ್ತಷ್ಟು ಜೋಶ್ ತುಂಬಿದ್ದಾರೆ. ಸದ್ಯ ಬರಿ ಪೋಸ್ಟರ್ ನಿಂದಲೇ ಈ ಬೈಕ್ ಭಾರಿ ಸದ್ದು ಮಾಡುತ್ತಿದ್ದು, ಈ ಬೈಕ್ ಮಾಡಿದ ವ್ಯಕ್ತಿ ಮತ್ತು ಆ ಬೈಕ್ ಮತ್ತೆಷ್ಟು ಕ್ರೇಜ್ ಸೃಷ್ಟಿಸುತ್ತಾರೋ ಗೊತ್ತಿಲ್ಲ.