ದರ್ಶನ್ 55ನೇ ಚಿತ್ರಕ್ಕೆ ಫೈಟ್: ಒಂದೇ ಹೆಸರಿನಲ್ಲಿ ಇಬ್ಬರು ನಿರ್ಮಾಪಕರು ಜಾಹೀರಾತು

ಮೆಜೆಸ್ಟಿಕ್ ನಿರ್ಮಾಪಕನ 55 ಆಗುತ್ತಾ?

ದರ್ಶನ್ ಜೊತೆ ಮೆಜಿಸ್ಟಿಕ್, ಧರ್ಮ ಚಿತ್ರಗಳನ್ನ ನಿರ್ಮಾಣ ಮಾಡಿದ್ದ ಎಂ ಜೆ ರಾಮಮೂರ್ತಿ ಈಗ ಮತ್ತೊಮ್ಮೆ ಡಿ ಬಾಸ್ ಜೊತೆ ಸಿನಿಮಾ ಮಾಡ್ತಿದ್ದಾರೆ. ದರ್ಶನ್ ಹುಟ್ಟುಹಬ್ಬದ ಪ್ರಯುಕ್ತ D55ನೇ ಚಿತ್ರ ಎಂದು ಪೋಸ್ಟರ್ ರಿಲೀಸ್ ಮಾಡಿ ಶುಭ ಕೋರಿದ್ದಾರೆ.

'D55' ಹೆಸರಿನಲ್ಲೇ ಬಂತು ಇನ್ನೊಂದು ಸಿನಿಮಾ

ಮೆಜಿಸ್ಟಿಕ್ ನಿರ್ಮಾಪಕ ಎಂ ಜೆ ರಾಮಮೂರ್ತಿ D55 ಸಿನಿಮಾ ಅನೌನ್ಸ್ ಮಾಡಿದ್ರೆ, ಮತ್ತೊಂದೆಡೆ ತಾರಕ್ ಸಿನಿಮಾ ಮಾಡಿದ್ದ ಪ್ರಕಾಶ್ ಜಯರಾಂ ಕೂಡ D55 ಹೆಸರಿನಲ್ಲಿ ಪೋಸ್ಟರ್ ರಿಲೀಸ್ ಮಾಡಿ ದರ್ಶನ್ ಗೆ ವಿಶ್ ಮಾಡಿದ್ದಾರೆ. ಈ ಚಿತ್ರವನ್ನ ದುಷ್ಯಂತ್ ನಿರ್ಮಾಣ ಮಾಡಲಿದ್ದಾರೆ.

ಕಳೆದ ವರ್ಷ D51, ಈ ವರ್ಷ D55

ಕಳೆದ ವರ್ಷ ಸಂದೇಶ ನಾಗರಾಜ್ ಮತ್ತು ಶೈಲಜಾ ನಾಗ್ ನಡುವೆ 51ನೇ ಚಿತ್ರಕ್ಕೆ ಗೊಂದಲವಾಗಿತ್ತು. ನಂತರ ಯಜಮಾನ ಫಸ್ಟ್, ಒಡೆಯ ಆಮೇಲೆ ನಿರ್ಧಾರವಾಯ್ತು. ಈಗ D55 ವಿಷ್ಯದಲ್ಲೂ ಅದೇ ಆಗಿದೆ. ಎರಡು ಚಿತ್ರಗಳು ಒಂದೇ ಹೆಸರಿನಲ್ಲಿ ಜಾಹೀರಾತು ನೀಡಿದ್ದಾರೆ. ಈ ಗೊಂದಲಕ್ಕೆ ಸ್ವತಃ ನಿರ್ಮಾಪಕರೇ ಅಥವಾ ದರ್ಶನ್ ಅವರೇ ಸ್ಪಷ್ಟನೆ ನೀಡಬೇಕು.

ಈ ವರ್ಷ ದರ್ಶನ್ 3 ಸಿನಿಮಾ ಬಿಡುಗಡೆ

ಅಂದ್ಹಾಗೆ, ಈ ವರ್ಷ ದರ್ಶನ್ ಅಭಿನಯದ ಮೂರು ಚಿತ್ರಗಳು ಬಿಡುಗಡೆಯಾಗಲಿದೆ. ಮಾರ್ಚ್ 1ಕ್ಕೆ ಯಜಮಾನ, ಏಪ್ರಿಲ್ 5ಕ್ಕೆ ಕುರುಕ್ಷೇತ್ರ ನಂತರ ಒಡೆಯ ಚಿತ್ರಗಳು ಈ ವರ್ಷ ಬರಲಿದೆ. ರಾಬರ್ಟ್, ಮದಕರಿ ನಾಯಕ ಶೂಟಿಂಗ್ ಶುರುವಾಗಲಿದೆ. ಈ ಮಧ್ಯೆ D55 ಮತ್ತು D56 ಘೋಷಣೆಯಾಗಿದೆ.