ಕೆಜಿಎಫ್ ಆದ್ಮೇಲೆ ಮುಂದೇನು? ಯಶ್‌ಗೆ ನಿರ್ಮಾಪಕ ಯಾರು?

ಹೊಂಬಾಳೆ ನಿರ್ಮಾಣ ಮಾಡುವುದೇ?

ಕೆಜಿಎಫ್ ಚಾಪ್ಟರ್-2 ಬಳಿಕ ಯಶ್ ಜೊತೆ ಹೊಂಬಾಳೆ ಸಿನಿಮಾ ಮಾಡುವುದು ಸದ್ಯಕ್ಕೆ ಅನುಮಾನ. ಏಕಂದ್ರೆ, ಪುನೀತ್ ರಾಜ್ ಕುಮಾರ್-ಸಂತೋಷ್ ಆನಂದ್ ರಾಮ್ ಜೊತೆ ಹೊಸ ಪ್ರಾಜೆಕ್ಟ್ ಹಾಗೂ ಪ್ರಭಾಸ್ ಜೊತೆ ಸಲಾರ್ ಚಿತ್ರ ನಿರ್ಮಿಸುತ್ತಿದ್ದಾರೆ. ಈ ಎರಡು ಸಿನಿಮಾ ಮುಗಿಯವರೆಗೂ ಮತ್ತೊಂದು ದೊಡ್ಡ ಚಿತ್ರಕ್ಕೆ ಕೈ ಹಾಕಲ್ಲ ಎನ್ನಲಾಗಿದೆ.

ಸಲಾರ್ ಚಿತ್ರದಲ್ಲಿ ಪ್ರಶಾಂತ್ ನೀಲ್

ಕೆಜಿಎಫ್, ಕೆಜಿಎಫ್ ಚಾಪ್ಟರ್ 2 ಮುಗಿಸಿರುವ ನಿರ್ದೇಶಕ ಪ್ರಶಾಂತ್ ನೀಲ್ ಟಾಲಿವುಡ್ ಸ್ಟಾರ್ ಪ್ರಭಾಸ್ ಜೊತೆ ಸಲಾರ್ ಆರಂಭಿಸಿದರು. ಇದಾದ ಬಳಿಕವೂ ತೆಲುಗಿನ ಸ್ಟಾರ್ ಜೊತೆ ಸಿನಿಮಾ ಮಾಡುವ ಕುರಿತು ಮಾತುಕತೆ ಆಗುತ್ತಿದೆಯಂತೆ. ಯಶ್ ಜೊತೆ ಪ್ರಶಾಂತ್ ನೀಲ್ ಸಿನಿಮಾ ಮಾಡುವ ಲಕ್ಷಣಗಳು ಸದ್ಯಕ್ಕಿಲ್ಲ.

ಪರಭಾಷೆಯಲ್ಲಿ ಯಶ್‌ಗೆ ಬೇಡಿಕೆ?

ಕೆಜಿಎಫ್ ಆದ್ಮೇಲೆ ಯಶ್ ಜೊತೆ ಸಿನಿಮಾ ಮಾಡಬಹುದು ಎಂದು ಪರಭಾಷೆ ನಿರ್ದೇಶಕರು ಮತ್ತು ನಿರ್ಮಾಪಕರು ಮುಂದಾಗಿದ್ದರು. ಬಾಲಿವುಡ್, ತೆಲುಗು, ತಮಿಳು ಇಂಡಸ್ಟ್ರಿಯಲ್ಲಿ ಇಂತಹದೊಂದು ಟಾಕ್ ಇದೆ ಎಂದು ಹೇಳಲಾಗುತ್ತಿತ್ತು. ಒಂದು ವೇಳೆ ಕೆಜಿಎಫ್ ಚಾಪ್ಟರ್ 2 ಆದ್ಮೇಲೆ ಬೇರೆ ಭಾಷೆಯ ಪ್ರೊಡಕ್ಷನ್ ಸಂಸ್ಥೆಯ ಜೊತೆ ಸಿನಿಮಾ ಮಾಡಬಹುದೇ ಎಂಬ ಪ್ರಶ್ನೆಯೂ ಇದೆ.

Recommended Video

ಕೆಜಿಎಫ್ 2 ನಲ್ಲಿ ಅನಂತನಾಗ್ ಹಾಗೂ ಪ್ರಕಾಶ್ ರೈ ಪಾತ್ರಕ್ಕಿರುವ ವ್ಯತ್ಯಾಸ ಏನು? | Filmibeat Kannada

ಮೈ ನೇಮ್ ಈಸ್ ಕಿರಾತಕ?

ಯಶ್ ಜೊತೆ ಹಲವು ಸಿನಿಮಾಗಳನ್ನು ಮಾಡಿರುವ ಜಯಣ್ಣ-ಬೋಗೇಂದ್ರ ಜೊತೆ ಸಿನಿಮಾ ಆರಂಭಿಸಬಹುದೇ. ಕೆಜಿಎಫ್ ಚಾಪ್ಟರ್ 1 ಆದ್ಮೇಲೆ ಮೈ ನೇಮ್ ಈಸ್ ಕಿರಾತಕ ಎಂಬ ಚಿತ್ರ ಶುರು ಮಾಡಿದ್ದರು. ಈ ಚಿತ್ರಕ್ಕೆ ಜಯಣ್ಣ ಬಂಡವಾಳ ಹಾಕಿದ್ದರು. ಈ ಕಮಿಟ್‌ಮೆಂಟ್ ಮತ್ತೆ ಮುಂದುವರಿಯುವ ಸಾಧ್ಯತೆ ಇದೆ. ಆದರೆ, ಅದೇ ಚಿತ್ರ ಆಗುತ್ತಾ ಅಥವಾ ಹೊಸ ಸಿನಿಮಾ ಆಗುತ್ತಾ ಕಾದುನೋಡಬೇಕಿದೆ.