Don't Miss!
- Automobiles ರಾಜ್ಯದಲ್ಲಿ ತಯಾರಾಗುವ ಟೊಯೊಟಾ ಇನ್ನೋವಾ ಹೈಕ್ರಾಸ್ಗೆ ಸೆಲೆಬ್ರಿಟಿಗಳು ಫಿಧಾ: ಈ ಕಾರು ಖರೀದಿಸಿದ ನಟಿ
- News Bengaluru Rain: ಸುದೀರ್ಘ ಕಾಯುವಿಕೆ ಅಂತ್ಯ: ಬೆಂಗಳೂರಿಗೆ ಎಂಟ್ರಿ ಕೊಟ್ಟ ಮಳೆ; ವಿಡಿಯೋ ನೋಡಿ
- Lifestyle 5 ನಿಮಿಷದಲ್ಲಿ ಪಾತ್ರೆಯನ್ನು ಹೊಳೆಯುವಂತೆ ಮಾಡಿ..! ಸುಲಭದ ಟಿಪ್ಸ್ ಇಲ್ಲಿದೆ
- Technology oneplus: ಒನ್ಪ್ಲಸ್ನಿಂದ ಫ್ಲ್ಯಾಗ್ಶಿಪ್ ಕ್ಯಾಮೆರಾ ಸೌಲಭ್ಯದೊಂದಿಗೆ ಫ್ಲಿಪ್ ಫೋನ್!
- Sports LSG vs CSK IPL 2024: ಲಕ್ನೋ vs ಚೆನ್ನೈ ಪಂದ್ಯದ ವರದಿ, ಫ್ಯಾಂಟಸಿ ಡ್ರೀಮ್ ಟೀಂ, ಸಂಭಾವ್ಯ ಆಡುವ 11ರ ಬಳಗ
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಪವರ್ಸ್ಟಾರ್ಗೆ ಹಲೋ, ಪುನೀತ್ ರಾಜ್ ಕುಮಾರ್ ಹೇಗಿದ್ದೀಯಾ ಎಂದ ಪುಟಾಣಿ!
ಪವರ್ಸ್ಟಾರ್ ಪುನೀತ್ ರಾಜ್ ಕುಮಾರ್ಗೆ ಬಹುಶಃ ಯಾರೂ ಹೆಸರಿಟ್ಟು ಸಾರ್ವಜನಿಕವಾಗಿ ಕರೆದಿದ್ದೇ ಇಲ್ಲ. ಅಭಿಮಾನಿಗಳು ಅಪ್ಪು ಅಂತಲೇ ಕರೆಯುತ್ತಾರೆ. ಇನ್ನೂ ಕೆಲವರು ನಟಸಾರ್ವಭೌಮ ನಮ್ಮ ಅಪ್ಪು ಎಂದೇ ಹೇಳುತ್ತಾರೆ. ಬಹುತೇಕರು ರಾಜಕುಮಾರ ಅಂತಲೇ ಕರೆಯುತ್ತಾರೆ. ಪುನೀತ್ ರಾಜ್ ಕುಮಾರ್ ಗಿಂತಲೂ ದೊಡ್ಡವರು ಕೂಡ ಹೆಸರಿಟ್ಟು ಕೂಗಿದ್ದು ಇಲ್ಲ! ಆದ್ರೆ ಎರಡು ವರ್ಷದ ಪುಟ್ಟ ಪೋರಿ ಪುನೀತ್ ರಾಜ್ ಕುಮಾರ್ಗೆ ಕರೆ ಮಾಡಿ "ಹಲೋ ಪುನೀತ್ ರಾಜ್ ಕುಮಾರ್ ಹೇಗಿದ್ದೀಯಾ" ಎಂದು ಕೇಳಿದ್ದಾಳೆ ! ಹೀಗೆ ಪುಟ್ಟ ಕಂದಮ್ಮನ ಮಾತನಾಡಿದ ವಿಡಿಯೋ ಸಾಮಾಜಿಕ ಜಾಲ ತಾಣದಲ್ಲಿ ಶೇರ್ ಮಾಡಿಕೊಂಡಿದ್ದಾರೆ. ಇದನ್ನು ನೋಡಿ ಪುನೀತ್ ರಾಜ್ ಕುಮಾರ್ ವಿಡಿಯೋ ಕಾಲ್ ಮಾಡಿ ಸರಿಯಾಗಿಯೇ ಉಡುಗೊರೆ ಕೊಟ್ಟಿದ್ದಾರೆ.
Recommended Video
ಅಚ್ಚರಿಯಾದರೂ ಸತ್ಯ. ರೇಡಿಯೋ ಸಿಟಿ ಆರ್ ಜೆ. ಸೌಜನ್ಯ ಮುದ್ದು ಮಗಳ ರಿಯಲ್ ಸ್ಟೋರಿ. ಅಂದಹಾಗೆ ಮಾತಿನಲ್ಲಿ ಅಮ್ಮನನ್ನು ಮೀರಿಸುವ ಎರಡು ವರ್ಷದ ಪುಟಾಣಿ ಮುದ್ದು ಮುದ್ದು ಮಾತುಗಳು ಆಕೆ ಹೇಳುವ ಸ್ಟೋರಿಗಳು ಸಾಮಾಜಿಕ ಜಾಲ ತಾಣದಲ್ಲಿ ಸದ್ದು ಮಾಡುತ್ತಲೇ ಇರುತ್ತವೆ.
ಇತ್ತೀಚೆಗೆ ಟಿವಿ ರಿಮೋಟ್ ತೆಗೆದುಕೊಂಡು ಕರೆ ಮಾಡಿ ಹಲೋ ಪುನೀತ್ ರಾಜ್ ಕುಮಾರ್ ಹೇಗಿದ್ದೀಯಾ? ಎಂದು ಕುಶಲೋಪಹರಿ ವಿಚಾರಿಸಿದ್ದಾಳೆ. ರಿಮೋಟ್ನ್ನೇ ಮೊಬೈಲ್ ಎಂದು ತಿಳಿದು ಪುಟಾಣಿ ನಟ ಪುನೀತ್ ರಾಜ್ ಕುಮಾರ್ ಎಂದು ಭಾವಿಸಿ ನಡೆಸಿದ ಸಂಭಾಷಣೆ ನಡೆಸುವ ಕ್ಷಣಗಳನ್ನು ಆರ್.ಜೆ. ಸೌಜನ್ಯ ವಿಡಿಯೋ ಮಾಡಿ ತನ್ನ ಸಾಮಾಜಿಕ ಜಾಲ ತಾಣದಲ್ಲಿ ಹಂಚಿಕೊಂಡಿದ್ದಾರೆ.
ಈ ಪುಟಾಣಿಯ ವಿಡಿಯೋ ನೋಡಿ ಫಿದಾ ಆಗಿರುವ ನಟ ಪುನೀತ್ ರಾಜ್ ಕುಮಾರ್, ವಿಡಿಯೋ ಕಾಲ್ ಮಾಡಿ ಮಾತನಾಡಿದ್ದಾರೆ. ಮಾತ್ರವಲ್ಲದೇ ಸುಮಾರು ಹೊತ್ತು ಪುಟಾಣಿ ಮಾತು ಕೇಳಿಸಿಕೊಂಡು ಖುಷಿ ಪಟ್ಟಿದ್ದಾರೆ. ಪುಟಾಣಿಯ ಪುಟ್ಟ ವಿಡಿಯೋ ನೋಡಿ ಕರೆ ಮಾಡಿ ಮಾತನಾಡಿದ ಅಪ್ಪು ಸರಳತೆಯನ್ನು ಮೆಚ್ಚಿ ಆರ್.ಜೆ. ಸೌಜನ್ಯ ತನ್ನ ಸಾಮಾಜಿಕ ಜಾಲ ತಾಣದಲ್ಲಿ ಹಂಚಿಕೊಂಡಿದ್ದಾರೆ. ಇದು ಪ್ರಚಲಿತ ವಿದ್ಯಮಾನ ತಿಳಿಸುವ ಸುದ್ದಿಯಲ್ಲ. ಆದರೆ ನಟ ಪುನೀತ್ ರಾಜ್ ಕುಮಾರ್ ಅವರ ಸರಳತೆ ಹಾಗೂ ಪುಟಾಣಿ ಪಟಾಕಿ ತರದ ಮಾತು ನೋಡುಗರಿಗೆ ಮುದ ನೀಡುತ್ತದೆ. ಪುಟಾಣಿಗಳ ಮುಗ್ಧ ಲೋಕದ ಭಾವನೆಗಳ ಪ್ರೀತಿಗೆ ಈ ಘಟನೆ ಕನ್ನಡಿ ಹಿಡಿದಂತಾಗಿದೆ.