ಹಠಕ್ಕೆ ಬಿದ್ದ ನಟ ಯಶ್: ದಿಢೀರ್ ಅಂತ ಪೆಂಟ್ ಹೌಸ್ ಖರೀದಿಸಿದ ರಹಸ್ಯ ಬಯಲು.!

ಬಾಡಿಗೆ ಮನೆ ಹುಡುಕುತ್ತಿದ್ದ ಯಶ್.!

ನಟಿ ರಾಧಿಕಾ ಪಂಡಿತ್ ರನ್ನ ಮದುವೆ ಆದ್ಮೇಲೆ, ತಾಜ್ ವೆಸ್ಟ್ ಎಂಡ್ ಸುತ್ತ ಮುತ್ತ ಒಂದು ಬಾಡಿಗೆ ಮನೆಗಾಗಿ ಯಶ್ ಹುಡುಕಾಟ ನಡೆಸುತ್ತಿದ್ದರು. ಒಂದು ಮನೆ ಇಷ್ಟ ಆಗಿ, ಅದಕ್ಕೆ ಇನ್ನೇನು ಅಡ್ವಾನ್ಸ್ ಕೊಡಬೇಕು ಅಂತಿರೋವಾಗಲೇ, ಅದಾಗಲೇ ಯಶ್ ರವರ ಬನಶಂಕರಿ ಬಾಡಿಗೆ ಮನೆಯ ವಿವಾದ ಅರಿತಿದ್ದ ವೆಸ್ಟ್ ಎಂಡ್ ಬಳಿಯ ಮನೆ ಮಾಲೀಕರು 'ಯಶ್ ಗೆ ಬಾಡಿಗೆ ಮನೆ ಕೊಡಲ್ಲ' ಅಂದುಬಿಟ್ಟರಂತೆ.! ಈ ಮಾತನ್ನ ಕೇಳಿಸಿಕೊಂಡು ಹಠಕ್ಕೆ ಬಿದ್ದ ಯಶ್ ಈಗ ಪ್ರತಿಷ್ಟಿತ ಅಪಾರ್ಟ್ ಮೆಂಟ್ ಒಂದರ ಪೆಂಟ್ ಹೌಸ್ ಮಾಲೀಕರಾಗಿದ್ದಾರೆ.

ಘಟನೆ ಬಗ್ಗೆ ವಿವರಣೆ ನೀಡಿದ ಯಶ್

ಈ ಘಟನೆ ಕುರಿತು ಫೇಸ್ ಬುಕ್ ಲೈವ್ ನಲ್ಲಿ ವಿವರಣೆ ನೀಡಿದ್ದಾರೆ ನಟ ಯಶ್. ಅವರು ಏನು ಹೇಳಿದ್ದಾರೆ ಅಂತ ಮುಂದೆ ಓದಿರಿ...

ಯಶ್ ಆಫೀಸ್ ಇರುವುದು ವೆಸ್ಟ್ ಎಂಡ್ ನಲ್ಲಿ.!

''ನಾನು-ರಾಧಿಕಾ ಮದುವೆ ಆದ್ಮೇಲೆ ಒಂದು ಬಾಡಿಗೆ ಮನೆ ಹುಡುಕುತ್ತಿದ್ವಿ. ನನ್ನ ಆಫೀಸ್ ಇರುವುದು ವೆಸ್ಟ್ ಎಂಡ್ ನಲ್ಲಿ. ಅದಕ್ಕೆ ಹತ್ತಿರದಲ್ಲಿ ಮನೆ ಮಾಡಬೇಕು ಅಂತ ನಾನು, ನನ್ನ ತಾಯಿ ಮನೆ ಹುಡುಕುತ್ತಿದ್ವಿ. ಯಾವುದೋ ಒಂದು ಮನೆ ಓಕೆ ಆಯ್ತು. ಇನ್ನೇನು ಎಲ್ಲವೂ ಕ್ಲಿಯರ್ ಆಯ್ತು ಅನ್ನೋಷ್ಟರಲ್ಲಿ ನನಗೆ ಬಾಡಿಗೆ ಮನೆ ಕೊಡಲ್ಲ ಅಂದರು'' - ನಟ ಯಶ್

ನನಗೆ ನನ್ನ ರಾಜ್ಯದಲ್ಲೇ ಬಾಡಿಗೆ ಮನೆ ಸಿಗುತ್ತಿಲ್ಲ.!

''ಯಾವುದೇ ಕಾರಣಕ್ಕೂ ನನ್ನ ಸೊಸೆಯನ್ನ ಬಾಡಿಗೆ ಮನೆಗೆ ಕರ್ಕೊಂಡು ಹೋಗಬೇಡ, ನಮಗೆ ಆಗಿರುವ ನೋವು ಆಕೆಗೆ ಆಗಬಾರದು ಅಂತ ನನ್ನ ತಾಯಿ ಹೇಳಿದರು. ಆದ್ರೆ, ನಾನು ಮನೆ ಕಟ್ಟುವ ಯೋಜನೆಯಲ್ಲಿದ್ದೆ. ಬಾಡಿಗೆ ಮನೆ ವಿವಾದದಿಂದಾಗಿ ನನಗೆ ನನ್ನ ರಾಜ್ಯದಲ್ಲಿ, ನಾನು ಇಷ್ಟು ಪ್ರೀತಿ ಗಳಿಸಿರುವ ಜಾಗದಲ್ಲಿ ಬಾಡಿಗೆ ಮನೆ ಕೊಡಲ್ಲ ಅಂತ ಹೇಳಿದರು'' - ನಟ ಯಶ್

ಪೆಂಟ್ ಹೌಸ್ ಖರೀದಿಸಿದೆ

''ಅದೇ ಹಠಕ್ಕೆ ಮೂರೇ ತಿಂಗಳಲ್ಲಿ ಗಾಲ್ಫ್ ಕೋರ್ಸ್ ಎದುರುಗಡೆ ನಾನು ಒಂದು ಪೆಂಟ್ ಹೌಸ್ ಖರೀದಿಸಿದೆ. ನನಗೆ ಬಾಡಿಗೆ ಮನೆ ಕೊಡಲ್ಲ ಅಂದವರಿಗೆ ನಾನು ಥ್ಯಾಂಕ್ಸ್ ಹೇಳಲು ಇಷ್ಟ ಪಡುತ್ತೇನೆ'' - ನಟ ಯಶ್