ಹೆಚ್ಚು-ಕಮ್ಮಿ ವರ್ಷ ಆಯ್ತು, ಇನ್ನೂ 'ಕೆ.ಜಿ.ಎಫ್' ಚಿತ್ರೀಕರಣ ಮುಗಿದಿಲ್ಲ.! ಯಾಕೆ.?

ಎಲ್ಲವೂ ಅಚ್ಚುಕಟ್ಟಾಗಿ ಬರಬೇಕು

''ಅರ್ಜೆಂಟ್ ಬೇಡ, ಎಲ್ಲವೂ ಅಚ್ಚುಕಟ್ಟಾಗಿ ಬರಲಿ, ಕ್ವಾಲಿಟಿ ಮೇನ್ಟೇನ್ ಮಾಡಬೇಕು ಎಂಬ ಕಾರಣಕ್ಕೆ 'ಕೆ.ಜಿ.ಎಫ್' ಸ್ವಲ್ಪ ತಡವಾಗುತ್ತಿದೆ'' ಎನ್ನುತ್ತಾರೆ ನಿರ್ದೇಶಕ ಪ್ರಶಾಂತ್ ನೀಲ್. ಗುಣಮಟ್ಟದ ಸಿನಿಮಾ ಕೊಡಬೇಕು ಅನ್ನೋದು ನಿರ್ದೇಶಕ ಪ್ರಶಾಂತ್ ನೀಲ್ ಅವರ ಆಸೆ.

ಸೆಟ್ ಗೆ ಹೆಚ್ಚು ಟೈಮ್ ಹಿಡಿದಿದೆ

''ಕತೆಗೆ ಪೂರಕವಾದ ಸಿದ್ಧತೆ ಮಾಡಿಕೊಂಡು ಚಿತ್ರೀಕರಣ ಮಾಡಲಾಗುತ್ತಿದೆ. ಸೆಟ್ ಹಾಕುವುದಕ್ಕಾಗಿಯೇ ಒಂದಷ್ಟು ಸಮಯ ಕಳೆದಿದೆ. ಜೊತೆಗೆ ಅದ್ಧೂರಿ ವೆಚ್ಚದ ಸಿನಿಮಾ. ನಿರ್ಮಾಪಕರ ನಿರೀಕ್ಷೆ ಹುಸಿಯಾಗದಂತೆ ಸಿನಿಮಾ ಮಾಡುವುದು ನಮ್ಮ ಕೆಲಸ'' ಅಂತಾರೆ ನಿರ್ದೇಶಕ ಪ್ರಶಾಂತ್ ನೀಲ್

ಚಿತ್ರೀಕರಣ ಇನ್ನೂ ಬಾಕಿ ಇದೆ

'ಕೆ.ಜಿ.ಎಫ್' ಚಿತ್ರದ ಶೇಕಡ 15 ರಷ್ಟು ಚಿತ್ರೀಕರಣ ಇನ್ನೂ ಬಾಕಿ ಇದೆ. ಮಾರ್ಚ್ ಮೊದಲ ವಾರದಲ್ಲಿ ಚಿತ್ರೀಕರಣ ಕಂಪ್ಲೀಟ್ ಆಗಲಿದೆ. ಆಮೇಲೆ ಪೋಸ್ಟ್ ಪ್ರೊಡಕ್ಷನ್ ಕೆಲಸ. ಎಲೆಕ್ಷನ್ ಮುಗಿದ ಮೇಲೆ ಸಿನಿಮಾ ಬಿಡುಗಡೆ ಆಗಲಿದೆ.

'ಕೆ.ಜಿ.ಎಫ್' ಚಿತ್ರದ ಕಥೆ ಏನು.?

'ಕೆ.ಜಿ.ಎಫ್' ಒಂದು ಪೀರಿಯಾಡಿಕ್ ಸಿನಿಮಾ. 70-80 ದಶಕದೊಳಗಿನ ಕತೆ. ನಿರ್ದೇಶಕ ಪ್ರಶಾಂತ್ ನೀಲ್ ಕಲ್ಪನೆಯಲ್ಲಿ ರೂಪು ತಾಳಿದ ಒಬ್ಬ ವ್ಯಕ್ತಿಯ ಕತೆಯೇ ಈ ಸಿನಿಮಾ. ಕ್ಲಾಸ್ ಮತ್ತು ಮಾಸ್... ಎರಡು ವರ್ಗಕ್ಕೂ ಇಷ್ಟ ಆಗುವ ಆಕ್ಷನ್, ರೋಮ್ಯಾನ್ಸ್, ತಾಯಿ-ಮಗನ ಸೆಂಟಿಮೆಂಟ್ ಸೇರಿದಂತೆ ಎಲ್ಲ ಕಮರ್ಶಿಯಲ್ ಅಂಶಗಳು ಚಿತ್ರದಲ್ಲಿವೆ.