Don't Miss!
- Finance ಭಾರತದ ಮೊದಲ ಬುಲೆಟ್ ರೈಲಿನ ಬ್ಯಾಲೆಸ್ಟ್ಲೆಸ್ ಟ್ರ್ಯಾಕ್ ಸಿಸ್ಟಮ್ ಹಳಿ ಚಿತ್ರ ಬಹಿರಂಗ
- Lifestyle ಮೈ ತೂಕ ಕಡಿಮೆಯಾಗಲು ಈ ಪುದೀನಾ ನೀರು ಸಹಕಾರಿಯೇ? ಇದರ ಇತರ ಪ್ರಯೋಜನಗಳೇನು?
- News Poornachandra Tejaswi: ವಿಸ್ಮಯಲೋಕವನ್ನೇ ತೆರೆದಿಡುವ ತೇಜಸ್ವಿಯವರ ಪುಸ್ತಕಗಳು
- Technology ಬಜೆಟ್ ದರದಲ್ಲಿ ಬೆಸ್ಟ್ 5G ಫೋನ್ ಬೇಕಿದ್ರೆ, ಈ ಲಿಸ್ಟ್ ಒಮ್ಮೆ ಗಮನಿಸಿ!
- Sports Kohli vs Gambhir: ಹೈ-ವೋಲ್ಟೇಜ್ ಪಂದ್ಯದ ಬಗ್ಗೆ ಕೌಂಟರ್ ನೀಡಿದ ದಿನೇಶ್ ಕಾರ್ತಿಕ್
- Automobiles ಇನ್ಮುಂದೆ ಟೋಲ್ ಪ್ಲಾಜಾಗಳು ಕಣ್ಮರೆ: ಖುಷಿ ಪಡುವ ಮುನ್ನ ಈ ಸುದ್ದಿ ನೋಡಿ...
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
'ಕೆಜಿಎಫ್ ಚಾಪ್ಟರ್ 1' ನಲ್ಲಿ ತಮ್ಮ ಪಾತ್ರ ಇರದ ಬಗ್ಗೆ ರವೀನಾ ಟಂಡನ್ ಸ್ಪಷ್ಟನೆ
ಕೆಜಿಎಫ್ 2 ಜುಲೈ 16 ಕ್ಕೆ ಬಿಡುಗಡೆ ಆಗಲಿದೆ. ಈ ಸಿನಿಮಾದಲ್ಲಿ ಸಂಜಯ್ ದತ್ ಹಾಗೂ ರವೀನಾ ಟಂಡನ್ ಹೊಸ ಎಂಟ್ರಿ ಆಗಿದ್ದಾರೆ.
ಕೆಜಿಎಫ್ ಚಾಪ್ಟರ್ 1 ನ ಅಂತ್ಯದಲ್ಲಿ ಸಂಜಯ್ ದತ್ ನಿರ್ವಹಿಸುತ್ತಿರುವ 'ಅಧೀರ' ಪಾತ್ರವನ್ನು ತೋರಿಸಲಾಗಿತ್ತು, ಆದರೆ ರವೀನಾ ಟಂಡನ್ ಪಾತ್ರದ ಬಗ್ಗೆ ಯಾವುದೇ ಸುಳಿವು ನೀಡಿರಲಿಲ್ಲ. ಅದೇ ಸಿನಿಮಾದಲ್ಲಿ ರವೀನಾ ಪಾತ್ರದ ಪರಿಚಯ ಮಾಡಿಸುವ ಉಮೇದು ಪ್ರಶಾಂತ್ ನೀಲ್ಗೆ ಇತ್ತಂತೆ. ಆದರೆ ಅವರು ರವೀನಾ ಪಾತ್ರದ ಪರಿಚಯ ಮಾಡಿಸಲಿಲ್ಲ.
ಈ ಬಗ್ಗೆ ರವೀನಾ ಟಂಡನ್, ಬಾಲಿವುಡ್ನ ಮ್ಯಾಗಜಿನ್ ಗೆ ಕೊಟ್ಟಿರುವ ಸಂದರ್ಶನದಲ್ಲಿ ಮಾತನಾಡಿದ್ದಾರೆ. ತಮ್ಮ ಪಾತ್ರದ ಕೆಜಿಎಫ್ ಚಾಪ್ಟರ್ 1 ನಲ್ಲಿ ಉಲ್ಲೇಖವಿರಲಿಲ್ಲ ಏಕೆ ಎಂಬ ಬಗ್ಗೆ ರವೀನಾ ಹೇಳಿದ್ದಾರೆ.
'ಕೆಜಿಎಫ್ ಮೊದಲ ಸಿನಿಮಾದ ಅಂತ್ಯದಲ್ಲಿ ನನ್ನ ಪಾತ್ರದ ಪರಿಚಯ ಮಾಡಿಸಲು ಯೋಚಿಸಲಾಗಿತ್ತು. ಸಿನಿಮಾ ತಂಡದವರು ನನ್ನನ್ನು ಭೇಟಿ ಸಹ ಆಗಿದ್ದರು. ಡ್ಯೂಪ್ ಇಟ್ಟುಕೊಂಡು ನಿಮ್ಮ ಪಾತ್ರದ ಪರಿಚಯ ಮಾಡಿಸುತ್ತೇವೆ ಎಂದು ಹೇಳಿದ್ದರು, ನಟಿಸುವ ನಿರ್ಧಾರ ನಿಮ್ಮದು ಎಂದು ಆಯ್ಕೆ ನನಗೆ ಬಿಟ್ಟಿದ್ದರು' ಎಂದಿದ್ದಾರೆ ರವೀನಾ ಟಂಡನ್.
'ರಮಿಕಾ ಸೇನ್ ಪಾತ್ರ ಪೂರ್ಣ ಡೆವಲಪ್ ಆಗಿರಲಿಲ್ಲ'
ಆದರೆ ಕೆಜಿಎಫ್ ಚಾಪ್ಟರ್ 1 ಮುಗಿಯುವ ವೇಳೆಗೆ ನಾನು ನಿರ್ವಿಸುತ್ತಿರುವ ರಮೀಕಾ ಸೇನ್ ಪಾತ್ರ ಪೂರ್ಣವಾಗಿ ಡೆವೆಲಪ್ ಆಗಿರಲಿಲ್ಲ. ಹಾಗಾಗಿ ನಾನು ಕೆಜಿಎಫ್ 1 ನಲ್ಲಿ ಕಾಣಿಸಿಕೊಳ್ಳಲಿಲ್ಲ. ಆದರೆ ಕೆಜಿಎಫ್ ಸಿನಿಮಾ ಮುಗಿದ ನಂತರ ಅದನ್ನು ನೋಡಿದಾಗ, ಕೆಜಿಎಫ್ 2 ಸಿನಿಮಾದಲ್ಲಿ ನಟಿಸಲೇ ಬೇಕು ಎಂದು ನನಗೆ ಎನಿಸಿತು' ಎಂದಿದ್ದಾರೆ ರವೀನಾ ಟಂಡನ್.
ಹೀರೋ-ವಿಲನ್ ಎರಡೂ ನಾನೇ: ರವೀನಾ ಟಂಡನ್
ಕೆಲವು ತಿಂಗಳ ಹಿಂದೆ ಮತ್ತೊಂದು ಸಂದರ್ಶನದಲ್ಲಿ ಕೆಜಿಎಫ್ 2 ಸಿನಿಮಾದ ಬಗ್ಗೆ ಮಾತನಾಡಿದ್ದ ರವೀನಾ ಟಂಡನ್, 'ಕೆಜಿಎಫ್ 2 ಸಿನಿಮಾದಲ್ಲಿ ರಮಿಕಾ ಸೇನ್ ಹೆಸರಿನ ಗಟ್ಟಿ ರಾಜಕಾರಣಿ ಮಹಿಳೆಯ ಪಾತ್ರದಲ್ಲಿ ನಾನು ನಟಿಸುತ್ತಿದ್ದೇನೆ. ಈ ಸಿನಿಮಾದಲ್ಲಿ ರಮೀಕಾ ಸೇನ್ ಹೀರೋ ಹಾಗೂ ವಿಲನ್ ಎರಡೂ ಹೌದು' ಎಂದಿದ್ದರು.
ಅಧೀರನ ಪಾತ್ರದ ಪರಿಚಯ ನೀಡಲಾಗಿತ್ತು
ಕೆಜಿಎಫ್ ಚಾಪ್ಟರ್ ಸಿನಿಮಾದ ಕ್ಲೈಮ್ಯಾಕ್ಸ್ನಲ್ಲಿ ವಿಲನ್ ಗರುಡ ಸತ್ತ ನಂತರ ಅಧೀರನ ಪಾತ್ರದ ಪರಿಚಯವಾಗುತ್ತದೆ. ಜೊತೆಗೆ ಮಹಿಳಾ ರಾಜಕಾರಣಿಯೊಬ್ಬರು ಕೆಜಿಎಫ್ ಗೆ ಮಿಲಿಟರಿ ನುಗ್ಗಿಸುವಂತೆ ಆದೇಶ ನೀಡುವ ದೃಶ್ಯವೂ ಇದೆ. ಇದನ್ನೇ ರವೀನಾ ಟಂಡನ್ ಪಾತ್ರ ಎನ್ನಲಾಗಿತ್ತು.
Recommended Video
ಜುಲೈ 16 ರಂದು ಸಿನಿಮಾ ಬಿಡುಗಡೆ
ಕೆಜಿಎಫ್ 2 ಸಿನಿಮಾವು ಜುಲೈ 16 ರಂದು ಕನ್ನಡ, ತೆಲುಗು, ತಮಿಳು, ಹಿಂದಿ, ಮಲಯಾಳಂ ಭಾಷೆಗಳಲ್ಲಿ ಏಕಕಾಲಕ್ಕೆ ಬಿಡುಗಡೆ ಆಗಲಿದೆ. ಯಶ್, ಆಶಾ ಭಟ್ ಜೊತೆಗೆ ಸಂಜಯ್ ದತ್, ರವೀನಾ ಟಂಡನ್, ಪ್ರಕಾಶ್ ರೈ ಅವರುಗಳು ಸಿನಿಮಾಕ್ಕೆ ಸೇರ್ಪಡೆ ಆಗಿದ್ದಾರೆ.