ರವಿಚಂದ್ರನ್ ಮಕ್ಕಳಿಗಾಗಿ ಸಿನಿಮಾ ಮಾಡುತ್ತಿಲ್ಲ ಏಕೆ: ಮಕ್ಕಳಿಗೆ ಯಶಸ್ಸು ಸಿಗೋದ್ಯಾವಾಗ?

ಮನೋರಂಜನ್ 4 ಸಿನಿಮಾಗಳು!

ರವಿಚಂದ್ರನ್ ಮೊದಲ ಪುತ್ರ ಮನೋರಂಜನ್ ರವಿಚಂದ್ರನ್ ಈಗಾಗಲೇ ನಾಯಕ ನಟನಾಗಿ ಸಿನಿಮಾರಂಗದಲ್ಲಿ ಗುರುತಿಸಿಕೊಂಡಿದ್ದಾರೆ. 'ಸಾಹೇಬ' ಚಿತ್ರದ ಮೂಲಕ ಮನೋರಂಜನ್ ಸಿನಿಮಾರಂಗಕ್ಕೆ ಎಂಟ್ರಿ ಕೊಟ್ಟಿದ್ದು ಮೊದಲ ಸಿನಿಮಾ ಅಷ್ಟೇನೂ ದೊಡ್ಡ ಮಟ್ಟಿಗೆ ಸದ್ದು ಮಾಡಲಿಲ್ಲ. ಹಾಗಂತ 'ಸಾಹೇಬ' ಸಿನಿಮಾದ ಮೂಲಕ ಮನೋರಂಜನ್ ದೊಡ್ಡ ಹೆಸರೇನು ಮಾಡಲಿಲ್ಲ. ನಂತರ 'ಬೃಹಸ್ಪತಿ', 'ಮುಗಿಲ್‌ ಪೇಟೆ', 'ಪ್ರಾರಂಭ' ಸಿನಿಮಾಗಳಲ್ಲಿ ಅಭಿನಯಿಸಿದ್ದಾರೆ. ಆದರೆ ಮನೋರಂಜನೆಗೆ ಸೂಪರ್‌ ಹಿಟ್ ಕೊಡುವ ಸಿನಿಮಾ ಇನ್ನೂ ಬಂದಿಲ್ಲ.

'ತ್ರಿವಿಕ್ರಮ'ನಾದ ವಿಕ್ರಂ ರವಿಚಂದ್ರನ್!

ರವಿಚಂದ್ರನ್ ದ್ವಿತೀಯ ಪುತ್ರ ವಿಕ್ರಂ ರವಿಚಂದ್ರನ್ ಇದೀಗ ಸಿನಿಮಾರಂಗಕ್ಕೆ ಎಂಟ್ರಿ ಕೊಡೋಕೆ ಸಜ್ಜಾಗಿದ್ದಾರೆ. 'ತ್ರಿವಿಕ್ರಮ' ಚಿತ್ರದ ಮೂಲಕ ಭರ್ಜರಿಯಾಗಿ ಬೆಳ್ಳಿ ಪರದೆಗೆ ವಿಕ್ರಮ್ ರವಿಚಂದ್ರನ್ ಬರ್ತಿದ್ದಾರೆ. ಈಗಾಗಲೆ ಚಿತ್ರದ ಟ್ರೈಲರ್, ಹಾಡುಗಳು ರಿಲೀಸ್ ಆಗಿದ್ದು ಚಿತ್ರದ ಮೇಲೆ ಭರವಸೆ ಮೂಡಿಸಿವೆ. ಜೊತೆಗೆ ಈ ಸಿನಿಮಾದಲ್ಲಿ ಲವರ್ ಬಾಯ್ ಆಗಿ ಕಾಣಿಸಿಕೊಳ್ಳುತ್ತಿರುವ ವಿಕ್ರಂ ರಗಡ್ ಲುಕ್ ಮೂಲಕವೇ ಗಮನ ಸೆಳೆದಿದ್ದಾರೆ. ಸಿನಿಮಾ ರಿಲೀಸ್ ಬಳಿಕ ವಿಕ್ರಂಗೆ ತ್ರಿವಿಕ್ರಮ ಎಷ್ಟರಮಟ್ಟಿಗೆ ಗೆಲುವು ತಂದು ಕೊಡುತ್ತೇನೆ ಎನ್ನುವುದನ್ನು ನೋಡಬೇಕಿದೆ.

ಅಪ್ಪನ ಹೆಸರಿಲ್ಲದೆ ಹೆಸರು ಮಾಡುವ ಆಸೆ!

ವಿಕ್ರಮ್ ರವಿಚಂದ್ರನ್ ಮತ್ತು ಮನೋರಂಜನ್ ರವಿಚಂದ್ರನ್ ಮನಸ್ಸು ಮಾಡಿದರೆ ಅಪ್ಪನ ಕೈಯಲ್ಲಿ ಸಿನಿಮಾ ನಿರ್ದೇಶನ ಮಾಡಿಸಿಕೊಳ್ಳಬಹುದಾಗಿತ್ತು. ಆದರೆ ಅಪ್ಪನ ಆಸರೆಯಿಲ್ಲದೆ ಚಿತ್ರರಂಗದಲ್ಲಿ ಸ್ವಂತವಾಗಿ ಬೆಳೆದು ನಿಲ್ಲಬೇಕು ಎನ್ನುವ ಆಸೆ ಇದೆಯಂತೆ. ಹಾಗಾಗಿ ಅಪ್ಪನ ಬಳಿ ನಮಗಾಗಿ ಹಿಟ್ ಸಿನಿಮಾ ಮಾಡು, ಎಂದು ಕೇಳದೆ ತಾವೇ ಸ್ವತಂತ್ರರಾಗಿ ಸಿನಿಮಾ ಮಾಡುತ್ತಿದ್ದಾರೆ. ಹಾಗಂತ ಇದು ಅವರ ಸೋಲು ಅಲ್ಲ, ಗೆಲುವಿಗಾಗಿ ಅವರು ಏರುತ್ತಿರುವ ಮೆಟ್ಟಿಲುಗಳು ಎನ್ನಬಹುದು.

ಮಕ್ಕಳ ಆಸೆಗೆ ಅಪ್ಪನ ಆಸರೆ!

ತಮ್ಮ ಮಕ್ಕಳ ಬಗ್ಗೆ ಮಾತನಾಡಿದ ರವಿಚಂದ್ರನ್. ನನ್ನ ಮಕ್ಕಳಿಗೆ ಅವರೇ ಸ್ವಂತವಾಗಿ ಬೆಳೆದು ತೋರಿಸುವ ಆಸೆ ಇದೆ. ನನ್ನ ಹೆಸರನ್ನು ಬಳಸಿಕೊಳ್ಳದೆ ತಾವೇ ಚಿತ್ರರಂಗದಲ್ಲಿ ನೆಲೆಯೂರ ಬೇಕು ಎನ್ನುವ ಛಲ ಇದೆ. ಹಾಗಾಗಿ ಸದ್ಯಕ್ಕೆ ನಾನು ಅವರನ್ನು ಅವರ ಪಾಡಿಗೆ ಬಿಟ್ಟಿದ್ದೇನೆ. ಮುಂದೆ ನಾನು ಅವರಿಗಾಗಿ ಸಿನಿಮಾ ಮಾಡುತ್ತೇನೆ. ಎಂದು ಕಾರ್ಯಕ್ರಮವೊಂದರಲ್ಲಿ ರವಿಚಂದ್ರನ್ ಹೇಳಿಕೊಂಡಿದ್ದಾರೆ.