'ಅಗ್ನಿಸಾಕ್ಷಿ' ನಟ ಅಖಿಲ್ ವಿರುದ್ಧ ದೂರು ಕೊಟ್ಟ ಪತ್ನಿ ಶ್ರುತಿ.!

2017 ರಲ್ಲಿ ಮದುವೆ ಆಗಿದ್ದ ರಾಜೇಶ್ ಧ್ರುವ

2017 ರಲ್ಲಿ ಶ್ರುತಿ ಎಂಬುವರನ್ನು ರಾಜೇಶ್ ಧ್ರುವ ಮದುವೆ ಆಗಿದ್ದರು. ಮದುವೆಗೂ ಮುನ್ನ ಇವರಿಬ್ಬರು ಲಿವಿಂಗ್ ಟು ಗೆದರ್ ರಿಲೇಶನ್ ಶಿಪ್ ನಲ್ಲಿದ್ದರು. ಬಳಿಕ ಕುಟುಂಬಸ್ಥರ ಒಪ್ಪಿಗೆ ಪಡೆದು ದಾಂಪತ್ಯ ಜೀವನಕ್ಕೆ ಇಬ್ಬರು ಕಾಲಿಟ್ಟಿದ್ದರು.

ಮುಖ್ಯಮಂತ್ರಿ ಚಂದ್ರು ಮನೆಯಲ್ಲಿ ಬಾಡಿಗೆ

ರಾಜೇಶ್ ಧ್ರುವ-ಶ್ರುತಿ ಮದುವೆ ಆದ್ಮೇಲೆ ಮುಖ್ಯಮಂತ್ರಿ ಚಂದ್ರು ಅವರ ಮನೆಯಲ್ಲಿ ಬಾಡಿಗೆಗೆ ಇದ್ದರು ಎನ್ನಲಾಗಿದೆ. 'ಅಗ್ನಿಸಾಕ್ಷಿ' ಧಾರಾವಾಹಿಯಲ್ಲಿ ಮುಖ್ಯಮಂತ್ರಿ ಚಂದ್ರು ಕೂಡ ನಟಿಸುತ್ತಿದ್ದರು ಎಂಬುದು ನಿಮಗೂ ಗೊತ್ತಿದೆ.

ಧ್ರುವಗೆ ಬೇರೆ ಅಫೇರ್.?

ಶ್ರುತಿ ಎಂಬುವರನ್ನು ಮದುವೆ ಆಗಿದ್ದರೂ, ಅದನ್ನ ರಾಜೇಶ್ ಧ್ರುವ ಹೊರಗೆಲ್ಲೂ ಹೇಳಿಕೊಳ್ಳುತ್ತಿರಲಿಲ್ಲವಂತೆ. ''ನನಗೆ ಮದುವೆ ಆಗಿಲ್ಲ'' ಎಂದು ಎಲ್ಲೆಡೆ ರಾಜೇಶ್ ಧ್ರುವ ಹೇಳಿಕೊಂಡು ತಿರುಗುತ್ತಿದ್ದರಂತೆ. ಅಲ್ಲದೇ, ಬೇರೆ ಯುವತಿಯರ ಜೊತೆಗೆ ರಾಜೇಶ್ ಧ್ರುವ ಅಫೇರ್ ಇಟ್ಟುಕೊಂಡಿದ್ದಾರೆ ಎಂದು ಶ್ರುತಿ ಆರೋಪಿಸಿದ್ದಾರೆ.

ತಕಧಿಮಿತ ಶೋನಲ್ಲಿ ರಾಜೇಶ್ ಧ್ರುವ

ಸದ್ಯ ರಾಜೇಶ್ ಧ್ರುವ 'ತಕಧಿಮಿತ' ಡ್ಯಾನ್ಸ್ ರಿಯಾಲಿಟಿ ಶೋನಲ್ಲಿ ಸ್ಪರ್ಧಿಯಾಗಿದ್ದಾರೆ. ಈ ನಡುವೆಯೇ ರಾಜೇಶ್ ಧ್ರುವ ವಿರುದ್ಧ ಪತ್ನಿ ಆರೋಪ ಮಾಡಿದ್ದಾರೆ. ಮುಂದೆ ಈ ಪ್ರಕರಣ ಯಾವ ತಿರುವು ಪಡೆದುಕೊಳ್ಳುತ್ತದೋ, ನೋಡಬೇಕು.