'ಸಲಗ' ಚಿತ್ರದಲ್ಲಿ ಅಲೋಕ್ ಕುಮಾರ್-ಸೈಲೆಂಟ್ ಸುನೀಲನ ನೆರಳು?

ಪ್ರಶ್ನೆ ಹುಟ್ಟುಹಾಕಿದ ಸಲಗ ಮೇಕಿಂಗ್ ಚಿತ್ರ

ದುನಿಯಾ ವಿಜಯ್ ನಟಿಸಿ, ನಿರ್ದೇಶನ ಮಾಡುತ್ತಿರುವ ಸಲಗ ಸಿನಿಮಾದ ಚಿತ್ರೀಕರಣ ಆರಂಭವಾಗಿದೆ. ಈ ಚಿತ್ರದಲ್ಲಿ ಧನಂಜಯ್ ಐಪಿಎಸ್ ಆಫೀಸರ್ ಪಾತ್ರ ಮಾಡುತ್ತಿದ್ದು, ದುನಿಯಾ ವಿಜಯ್ ರೌಡಿ ಶೀಟರ್ ಪಾತ್ರ ಎನ್ನಲಾಗಿದೆ. ಇತ್ತೀಚಿಗಷ್ಟೆ ಸಲಗ ಚಿತ್ರದ ಮೇಕಿಂಗ್ ಚಿತ್ರವೊಂದು ಬಿಡುಗಡೆಯಾಗಿದೆ. ಇದರಲ್ಲಿ ಪೊಲೀಸ್ ಅಧಿಕಾರಿ ಧನಂಜಯ್ ರೌಡಿ ಶೀಟರ್ ನಂತೆ ಕಾಣಿಸಿಕೊಂಡಿರುವ ದುನಿಯಾ ವಿಜಿಗೆ ಅವಾಜ್ ಹಾಕ್ತಿದ್ದಾರೆ.

ಸವದತ್ತಿ ಯಲ್ಲಮ್ಮನ ಸನ್ನಿಧಿಯಲ್ಲಿ 'ಸಲಗ' ಟೀಂ

ಅದಕ್ಕೂ ಇದಕ್ಕೂ ಲಿಂಕ್ ಇದ್ಯಾ?

ಸಿಸಿಬಿ ಆಯುಕ್ತ ಅಲೋಕ್ ಕುಮಾರ್ ಮತ್ತು ಸೈಲೆಂಟ್ ಸುನೀಲ್ ನಡುವೆ ನಡೆದ ಘಟನೆ ಮತ್ತು ಸಲಗ ಚಿತ್ರದ ಮೇಕಿಂಗ್ ಚಿತ್ರ ಗಮನಿಸಿದಾಗ ಇವೆರಡಕ್ಕೂ ಸಂಬಂಧ ಇದ್ಯಾ ಎಂಬ ಪ್ರಶ್ನೆ ಮೂಡುತ್ತಿದೆ. ಅಂದು ನಿಜವಾಗಲೂ ನಡೆದ ಘಟನೆಯಂತೆ ಇಂದು ಸಿನಿಮಾದಲ್ಲಿ ಬಳಸಲಾಗಿದ್ಯಾ ಎಂಬ ಕುತೂಹಲವೂ ಇದೆ. ಅದೇ ಸನ್ನಿವೇಶ ಸಲಗ ಚಿತ್ರದಲ್ಲೂ ಮರುಕಳಿಸಬಹುದು ಎಂಬ ನಿರೀಕ್ಷೆ ಇದೆ.

'ಟಗರು' ಅಡ್ಡಾದಲ್ಲಿ ಕಾಣಿಸಿಕೊಂಡ 'ಸಲಗ': ಇಲ್ಲಿದೆ ಕಾರಣ

ಸೈಲೆಂಟ್ ಸುನೀಲನ ಪಾತ್ರನಾ?

ಅಂದ್ಹಾಗೆ, ಸಲಗ ಚಿತ್ರದಲ್ಲಿ ದುನಿಯಾ ವಿಜಯ್ ಪಾತ್ರ ಏನು ಎಂಬುದರ ಬಗ್ಗೆ ಮಾಹಿತಿ ಇಲ್ಲ. ಆದರೆ ನಿಜ ಘಟನೆ ಆಧಾರಿತ ಸಿನಿಮಾ ಎಂದು ಹೇಳಲಾಗಿದೆ. ಇದೀಗ, ಈ ಮೇಕಿಂಗ್ ಚಿತ್ರ ನೋಡಿದ್ಮೇಲೆ ಇದು ಸೈಲೆಂಟ್ ಸುನೀಲನ ಕಥೆನಾ? ವಿಜಿ ಮಾಡ್ತಿರೋದು ಸುನೀಲನ ಪಾತ್ರನಾ ಎಂಬ ಕುತೂಹಲ ಕಾಡುತ್ತಿದೆ.

ಟ್ರೋಲ್ ಆಗ್ತಿದೆ ಈ ಫೋಟೋ

ದುನಿಯಾ ವಿಜಯ್ ಗೆ ಅವಾಜ್ ಹಾಕ್ತಿರುವ ಧನಂಜಯ್ ಫೋಟೋ ಮತ್ತು ಸೈಲೆಂಟ್ ಸುನೀಲನಿಗೆ ಅವಾಜ್ ಹಾಕ್ತಿರುವ ಅಲೋಕ್ ಕುಮಾರ್ ಫೋಟೋ ಬಳಸಿ, ಸಾಮಾಜಿಕ ಜಾಲತಾಣದಲ್ಲಿ ಟ್ರೋಲ್ ಆಗ್ತಿದೆ. ಇದು ನಿಜನಾ ಅಥವಾ ಬರಿ ಪ್ರಚಾರನಾ ಎಂದು ಚರ್ಚೆಗಳು ನಡೆಯುತ್ತಿದೆ. ಆದರೆ ಈ ಬಗ್ಗೆ ಯಾವುದೇ ಸ್ಪಷ್ಟ ಮಾಹಿತಿ ಇಲ್ಲ.

'ಸಲಗ' ನಿರ್ದೇಶಕ ಚೇಂಜ್, ವಿಜಿ ಮುಂದಿನ ಸಿನಿಮಾನೂ ಚೇಂಜ್

ಸೈಲೆಂಟ್ ಸುನೀಲನ ಸಿನಿಮಾ ನಿಂತು ಹೋಗಿದೆ

ಈ ಹಿಂದೆ ಸೈಲೆಂಟ್ ಸುನೀಲನ ಹೆಸರಿನಲ್ಲಿ ಅಗ್ನಿ ಶ್ರೀಧರ್ ಸಿನಿಮಾ ಮಾಡುವುದಾಗಿ ಹೇಳಿಕೊಂಡಿದ್ದರು. ಚಿತ್ರದ ಟ್ರೈಲರ್ ಕೂಡ ಬಿಡುಗಡೆ ಮಾಡಲಾಗಿತ್ತು. ದುನಿಯಾ ಸೂರಿ ನಿರ್ದೇಶನ ಮಾಡುತ್ತಿದ್ದರು. ಈ ಚಿತ್ರದಲ್ಲಿ ಸ್ವತಃ ಸೈಲೆಂಟ್ ಸುನೀಲ ನಟಿಸುತ್ತಿದ್ದರು. ಆಮೇಲೆ ಏನಾಯ್ತೋ ಗೊತ್ತಿಲ್ಲ. ಸಿನಿಮಾ ನಿಂತು ಹೋಯಿತು. ಇದೀಗ, ಸಲಗ ಸಿನಿಮಾದ ಕೆಲವು ಚಿತ್ರಗಳು ಇದೇ ವಿಚಾರದಲ್ಲಿ ಸದ್ದು ಮಾಡ್ತಿದೆ.