ಕೆಜಿಎಫ್ ಆಯ್ತು, ಈಗ ಪೊಗರು: ಏನ್ ಹೇಳುತ್ತೆ ಆರೋಗ್ಯ ಇಲಾಖೆ?

ಕೆಜಿಎಫ್ ದೃಶ್ಯಕ್ಕೆ ಆಕ್ಷೇಪ

ಕೆಜಿಎಫ್ ಚಾಪ್ಟರ್ 2 ಟ್ರೈಲರ್ ರಿಲೀಸ್ ಆದ ಸಂದರ್ಭದಲ್ಲಿ ಕರ್ನಾಟಕ ಆರೋಗ್ಯ ಇಲಾಖೆ ದೃಶ್ಯವೊಂದನ್ನು ಖಂಡಿಸಿತ್ತು. ಯಶ್ ಅವರು ಸಿಗರೇಟ್ ಹಚ್ಚುವ ಸೀನ್ ಬಗ್ಗೆ ಆಕ್ಷೇಪ ವ್ಯಕ್ತಪಡಿಸಿತ್ತು.

ರಾಕಿ ಭಾಯ್ ಯಶ್ ಗೆ ನೋಟಿಸ್: ಆರೋಗ್ಯ ಸಚಿವ ಡಾ.ಸುಧಾಕರ್ ಪ್ರತಿಕ್ರಿಯೆ

ಚಿತ್ರನಟರಿಗೆ ಸುಧಾಕರ್ ಮನವಿ

ಈ ವಿಚಾರವಾಗಿ ಪ್ರತಿಕ್ರಿಯಿಸಿದ್ದ ಆರೋಗ್ಯ ಸಚಿವ ಡಾ ಸುಧಾಕರ್ ''ಯಶ್ ಮಾತ್ರವಲ್ಲ ಎಲ್ಲಾ ನಟರಿಗೂ ಮನವಿ ಮಾಡುತ್ತೇವೆ. ಸಾವಿರಾರು ಅಭಿಮಾನಿಗಳು ಅವರನ್ನು ಫಾಲೋ ಮಾಡುತ್ತಾರೆ. ಹಾಗಾಗಿ ಇಂತಹ ದೃಶ್ಯಗಳನ್ನು ತೋರಿಸಬಾರದು. ನಟರು ಈ ಬಗ್ಗೆ ಜಾಗೃತಿ ಮೂಡಿಸಬೇಕು'' ಎಂದು ಸಿಗರೇಟ್ ದೃಶ್ಯದ ಬಗ್ಗೆ ಹೇಳಿದ್ದರು.

ಪೊಗರು ಚಿತ್ರದಲ್ಲೂ ಅಂತಹದ್ದೇ ದೃಶ್ಯ

ಆದ್ರೀಗ, ಪೊಗರು ಹಾಡಿನಲ್ಲೂ ಇಂತಹದೊಂದು ದೃಶ್ಯ ಈಗ ವೈರಲ್ ಆಗಿದೆ. ವ್ಯಕ್ತಿಯೊಬ್ಬನ ಕೈಗೆ ಬೆಂಕಿ ಹಚ್ಚಿ, ಆ ಬೆಂಕಿಯಿಂದ ಧ್ರುವ ಸರ್ಜಾ ಸಿಗರೇಟ್ ಹಚ್ಚು ದೃಶ್ಯವಿದೆ. ಈ ದೃಶ್ಯಕ್ಕೆ ''ಧೂಮಪಾನ ಆರೋಗ್ಯಕ್ಕೆ ಹಾನಿಕಾರಕ'' ಎಂದು ಹಾಕಲಾಗಿದೆ. ಆದರೂ ಈ ದೃಶ್ಯವನ್ನು ತೋರಿಸುವುದು ಬೇಡವಾಗಿತ್ತು ಎನ್ನುವ ಮಾತಿದೆ.

KGF-2 ಟೀಸರ್; ನಟ ಯಶ್ ಗೆ ಆರೋಗ್ಯ ಕಲ್ಯಾಣ ಇಲಾಖೆಯಿಂದ ನೋಟಿಸ್

ಮನವಿನಾ ಅಥವಾ ನಿಯಮ ಜಾರಿನಾ?

ಕೆಜಿಎಫ್ ಟ್ರೈಲರ್ ಸಮಯದಲ್ಲಿ ಆರೋಗ್ಯ ಇಲಾಖೆ ಮನವಿ ಮಾಡಿದ್ದರು ಆ ಬಗ್ಗೆ ನಿರ್ದೇಶಕರು ಗಂಭೀರವಾಗಿ ತೆಗೆದುಕೊಂಡಂತಿಲ್ಲ. ಅದಕ್ಕೆ ಪೊಗರು ಸಾಂಗ್ ತಾಜಾ ಉದಾಹರಣೆ. ಪದ್ದತಿಯಂತೆ ಈ ಸಲವೂ ಆರೋಗ್ಯ ಇಲಾಖೆ ಮನವಿ ಮಾಡಿ ಸುಮ್ಮನಾಗುತ್ತಾ ಅಥವಾ ಭವಿಷ್ಯದ ದೃಷ್ಟಿಯಿಂದ ಹೊಸ ನಿಯಮ ಜಾರಿ ಮಾಡುವ ಬಗ್ಗೆ ಚಿಂತಿಸುತ್ತಾ?