ಮುಖಪುಟ

ಸಿನಿ ಸಮಾಚಾರ

ಶಿವರಾಜ್ ಕುಮಾರ್ ರಿಮೇಕ್ ಸಿನಿಮಾ ಮಾಡುವುದು ಬಹಳ ಕಮ್ಮಿ. ಸುಮಾರು 16 ವರ್ಷಗಳಿಂದ ರಿಮೇಕ್ ಸಿನಿಮಾ ಮುಟ್ಟದ ಶಿವಣ್ಣ 'ಕವಚ' ಚಿತ್ರವನ್ನು ನಟಿಸಿದ್ದರು. ಈ ಸಿನಿಮಾ ಮಲೆಯಾಳಂನ 'ಓಪ್ಪಂ' ಸಿನಿಮಾದ ರಿಮೇಕ್ ಆಗಿತ್ತು.

ಇದೀಗ ಶಿವರಾಜ್ ಕುಮಾರ್ ಮತ್ತೊಂದು ರಿಮೇಕ್ ಸಿನಿಮಾದಲ್ಲಿ ನಟಿಸುತ್ತಾರೆ ಎನ್ನುವ ಸುದ್ದಿ ಇದೆ. ತಮಿಳಿನ ಸೂಪರ್ ಹಿಟ್ ಸಿನಿಮಾ 'ಕೈದಿ'ಯಲ್ಲಿ ಶಿವಣ್ಣ ನಟಿಸುತ್ತಾರೆ ಎನ್ನುವ ಮಾತುಗಳು ಗಾಂಧಿನಗರದಲ್ಲಿ ಕೇಳಿ ಬಂದಿದೆ. ಇತ್ತೀಚಿಗಷ್ಟೆ ಬಿಡುಗಡೆಯಾದ ಈ ಸಿನಿಮಾಗೆ ದೊಡ್ಡ ಮಟ್ಟದ ಪ್ರಶಂಸೆ ಸಿಕ್ಕಿದೆ.

'ಎಷ್ಟು ದಿನ ಅಂತ ಒಳ್ಳೆಯವನಾಗಿ ಇರಲಿ, ಕೆಟ್ಟವನಾಗಿ ನೋಡೋಣ' ಶಿವಣ್ಣ ಹೀಗೆ ಹೇಳಿದ್ದೇಕೆ?

'ಕೈದಿ' ಸಿನಿಮಾ ಒಂದು ಪ್ರಯೋಗಾತ್ಮಕ ಮನರಂಜನಾ ಸಿನಿಮಾ. ಈ ಸಿನಿಮಾ ಮಾಡಿದ ನಿರ್ದೇಶಕರ ಧೈರ್ಯ ಮೆಚ್ಚುವಂತದ್ದು. ಇಡೀ ಸಿನಿಮಾ ಒಂದು ರಾತ್ರಿಯಲ್ಲಿ ನಡೆಯುತ್ತದೆ. ಇಲ್ಲಿ ನಾಯಕಿ ಇಲ್ಲ. ಒಬ್ಬ ಕೈದಿ ಜೈಲಿನಿಂದ ಹೊರ ಬಂದು, ತನ್ನ ಮಗಳನ್ನು ನೋಡಲು ಹೋಗುತ್ತಾನೆ. ಆ ವೇಳೆ ಆತನಿಗೆ ಎದುರಾಗುವ ಸನ್ನಿವೇಶಗಳನ್ನು ಸಿನಿಮಾದಲ್ಲಿ ಅದ್ಭುತವಾಗಿ ಕಟ್ಟಿಕೊಡಲಾಗಿದೆ.

ಸಿನಿಮಾದಲ್ಲಿ ಕೈದಿಯಾಗಿ ಕಾರ್ತಿ ತುಂಬ ಚೆನ್ನಾಗಿ ನಟಿಸಿದ್ದಾರೆ. ಲೋಕೇಶ್ ಕನಗರಾಜ್ ನಿರ್ದೇಶನ ಮಾಡಿದ್ದಾರೆ. ಬಾಕ್ಸ್ ಆಫೀಸ್ ನಲ್ಲಿ ಸಿನಿಮಾ ನೂರು ಕೋಟಿ ಹಣ ಮಾಡಿದೆ.

'ಜನುಮದ ಜೋಡಿ'ಗೂ 'ಆಯುಷ್ಮಾನ್ ಭವ'ಗೂ ಅನುಬಂಧ: ಇದೆಲ್ಲ ಕೃಷ್ಣನ ಲೀಲೆ

ಈ ಸಿನಿಮಾವನ್ನು ನಟ ಶಿವರಾಜ್ ಕುಮಾರ್ ನೋಡಿದ್ದು, ತುಂಬ ಉತ್ಸುಕರಾಗಿದ್ದಾರಂತೆ. ಇಂತಹ ಸಿನಿಮಾದಲ್ಲಿ ತಾನು ಅಭಿನಯಿಸಬೇಕು ಎನ್ನುವುದು ಅವರ ಆಸೆಯಾಗಿದೆ. ಆ ಕಥೆಯೂ ಅವರಿಗೆ ಹೋಲಿಕೆ ಆಗುತ್ತದೆ. ಆಗಾಗ ಪ್ರಯೋಗಗಳಿಗೆ ಕೈ ಹಾಕುವ ಶಿವಣ್ಣ ಈ ಸಿನಿಮಾ ಮಾಡುವ ಸಾಧ್ಯತೆ ಇದೆ.

ಒಳ್ಳೆಯ ವಿಷಯ, ಒಳ್ಳೆಯ ಸಿನಿಮಾ ಎಲ್ಲೇ ಬಂದರು ಮೆಚ್ಚಿಕೊಳ್ಳಬೇಕು. ಇಂತಹ ಒಳ್ಳೆಯ ಸಿನಿಮಾ ಕನ್ನಡಕ್ಕೆ ಬಂದರೆ, ಅದರಲ್ಲಿ ಶಿವರಾಜ್ ಕುಮಾರ್ ನಟಿಸಿದರೆ, ಅಭಿಮಾನಿಗಳು ಇಷ್ಟಪಟ್ಟು ನೋಡುತ್ತಾರೆ.