ಕಥೆ ಕೇಳದೆ 'ಚಂಬಲ್' ಸಿನಿಮಾ ಒಪ್ಪಿಕೊಂಡಿದ್ದು ಯಾಕೆ ಸೋನು.?

'ಚಂಬಲ್' ಚಿತ್ರದಲ್ಲಿ ಸೋನು ಪಾತ್ರವೇನು.?

'ಚಂಬಲ್' ಚಿತ್ರದಲ್ಲಿ ಸತೀಶ್ ನೀನಾಸಂ ಡಿಸಿ ಸುಭಾಷ್ ಆಗಿ ಕಾಣಿಸಿಕೊಂಡರೆ, ಆತನ ಪತ್ನಿ ಸುಮ ಪಾತ್ರದಲ್ಲಿ ಸೋನು ಗೌಡ ಮಿಂಚಲಿದ್ದಾರೆ. ಗಂಡನ ಪ್ರತಿಯೊಂದು ಕೆಲಸಕ್ಕೂ ಬೆನ್ನೆಲುಬಾಗಿ ನಿಲ್ಲುವಂತಹ ಪತ್ನಿಯ ಪಾತ್ರದಲ್ಲಿ ಸೋನು ಗೌಡ ಅಭಿನಯಿಸಿದ್ದಾರೆ.

ಕಥೆ ಕೇಳಿರಲಿಲ್ಲ.!

'ಚಂಬಲ್'ಗೆ ಓಕೆ ಎನ್ನುವ ಮೊದಲು ಸೋನು ಕಥೆಯೇ ಕೇಳಿರಲಿಲ್ಲವಂತೆ. ನಿರ್ದೇಶಕ ಜೇಕಬ್ ವರ್ಗೀಸ್ ರವರ ಹಿಂದಿನ ಸಿನಿಮಾಗಳನ್ನು ನೋಡಿದ್ದ ಸೋನು ಗೌಡ, ಅವರ ಮೇಲೆ ನಂಬಿಕೆ ಇಟ್ಟು 'ಚಂಬಲ್'ಗೆ ಗ್ರೀನ್ ಸಿಗ್ನಲ್ ಕೊಟ್ಟರಂತೆ.

ಪಾತ್ರದ ಬಗ್ಗೆಯೂ ಗೊತ್ತಿರಲಿಲ್ಲ.!

ಇನ್ನೂ ತಮ್ಮ ಪಾತ್ರದ ಬಗ್ಗೆಯೂ ಸೋನು ಗೌಡ ವಿಚಾರಿಸಿರಲಿಲ್ಲ. 'ಚಂಬಲ್' ಚಿತ್ರಕ್ಕೆ ತಾವೇ ನಾಯಕಿ ಅನ್ನೋದು ಸೋನು ಗೌಡಗೆ ಶೂಟಿಂಗ್ ಸ್ಪಾಟ್ ಗೆ ಹೋದ್ಮೇಲೆ ಗೊತ್ತಾಗಿದೆ. ಹೀಗಾಗಿ, ಯಾವುದೇ ಹೋಮ್ ವರ್ಕ್ ಇಲ್ಲದೆ ನ್ಯಾಚುರಲ್ ಆಗಿ 'ಚಂಬಲ್' ಚಿತ್ರದಲ್ಲಿ ಸೋನು ನಟಿಸಿದ್ದಾರೆ.

'ಚಂಬಲ್' ಚಿತ್ರತಂಡದ ಕುರಿತು...

ಜೇಕಬ್ ವರ್ಗೀಸ್ ಕಥೆ ಬರೆದು ನಿರ್ದೇಶಿಸಿರುವ ಈ ಚಿತ್ರಕ್ಕೆ ಪೂರ್ಣಚಂದ್ರ ತೇಜಸ್ವಿ ಹಾಗೂ ಜೂಡಾ ಸ್ಯಾಂಡಿ ಸಂಗೀತ ನೀಡಿದ್ದಾರೆ. ಶಶಿಕುಮಾರ್ ಛಾಯಾಗ್ರಹಣ ಹಾಗೂ ಭುವನ್ ಅವರ ಸಂಕಲನವಿರುವ ಈ ಚಿತ್ರಕ್ಕೆ ನಂದೀಶ್ ಚಿತ್ರಕಥೆ ಬರೆದಿದ್ದಾರೆ. ಬಿ.ಎ.ಮಧು ಹಾಗೂ ಶರತ್ ಚಕ್ರವರ್ತಿ ಸಂಭಾಷಣೆ ಬರೆದಿದ್ದಾರೆ. ನೀನಾಸಂ ಸತೀಶ್, ಸೋನುಗೌಡ, ಕಿಶೋರ್, ರೋಜರ್ ನಾರಾಯಣ್, ಅಚ್ಯುತಕುಮಾರ್, ಸರ್ದಾರ್ ಸತ್ಯ, ಮಹಂತೇಶ್ ಮುಂತಾದವರು ಈ ಚಿತ್ರದ ತಾರಾಬಳಗದಲ್ಲಿದ್ದಾರೆ. ಇದೇ ಶುಕ್ರವಾರ 'ಚಂಬಲ್' ನಿಮ್ಮ ಮುಂದೆ ಬರಲಿದೆ.