ಜಗತ್ತಿನ ಅತಿ ದೊಡ್ಡ ಕಟೌಟ್ ಕಿತ್ತೊಗೆದ ಅಧಿಕಾರಿಗಳು

ತಮಿಳು ನಟ ಸೂರ್ಯ ಅಭಿನಯದ ಎನ್.ಜಿ.ಕೆ ಸಿನಿಮಾ ಈ ವಾರ ಬಿಡುಗಡೆಯಾಗಿದೆ. ಎನ್.ಜಿ.ಕೆ ರಿಲೀಸ್ ಪ್ರಯುಕ್ತ ತಮಿಳುನಾಡಿನ ಚೆನ್ನೈ ಬಳಿ ಚಿತ್ರಮಂದಿರದ ಬಳಿ ಸುಮಾರು 215 ಅಡಿ ಎತ್ತರದ ಕಟೌಟ್ ನಿಲ್ಲಿಸಲಾಗಿತ್ತು.

ಜಗತ್ತಿನ ಅತಿ ದೊಡ್ಡ ಕಟೌಟ್ ಎಂಬ ಕಾರಣಕ್ಕೆ ಸೂರ್ಯ ಅವರ ಈ ಕಟೌಟ್ ಭಾರಿ ಸುದ್ದಿಯಾಗಿತ್ತು. ಆದರೆ, ರಿಲೀಸ್ ದಿನವೇ ಸೂರ್ಯ ಅವರ ಕಟೌಟ್ ನೆಲಕ್ಕುರಿಳಿದೆ. ಹೈಕೋರ್ಟ್ ಸೂಚನೆಯಂತೆ ತಿರುತ್ತಣಿ ಮುನ್ಸಿಪಾಲ್ ಅಧಿಕಾರಿಗಳು ಖುದ್ದು ಸೂರ್ಯ ಅವರ ಅತಿ ಎತ್ತರದ ಕಟೌಟ್ ವನ್ನ ತೆಗೆದು ಹಾಕಿದ್ದಾರೆ.

ಅನುಮತಿ ಇಲ್ಲ ಎಂಬ ಕಾರಣ ನೀಡಿ ಕಟೌಟ್ ತೆಗೆದು ಹಾಕಲಾಗಿದೆ. ಅಧಿಕಾರಿಗಳ ಈ ಕ್ರಮವನ್ನ ಖಂಡಿಸಿ ಅಭಿಮಾನಿಗಳು ಪ್ರತಿಭಟನೆ ಕೂಡ ಮಾಡಿದ್ದರು. ಒಂದು ತಿಂಗಳಿಗೂ ಹೆಚ್ಚು ಸಮಯ ತೆಗೆದುಕೊಂಡು ಈ ಕಟೌಟ್ ನಿರ್ಮಿಸಲಾಗಿತ್ತು. ಇದಕ್ಕಾಗಿ ಬರೋಬ್ಬರಿ 6 ಲಕ್ಷ ಹಣ ಖರ್ಚು ಮಾಡಲಾಗಿತ್ತಂತೆ.

ಇದಕ್ಕು ಮುಂಚೆ ಕೇರಳದಲ್ಲಿ ತಮಿಳು ನಟ ವಿಜಯ್ ಅವರ 175 ಅಡಿ ಎತ್ತರದ ಕೌಟೌಟ್ ಹಾಕಿದ್ದರು. ಆಮೇಲೆ ಅಜಿತ್ ಅವರ 170 ಅಡಿ ಕಟೌಟ್ ನಿಲ್ಲಿಸಿದ್ದರು. ಈಗ 215 ಅಡಿ ಎತ್ತರದ ಕಟೌಟ್ ನಿರ್ಮಿಸಿದ್ದರು. ಅಭಿಮಾನದ ಹೆಸರಲ್ಲಿ ತಮಿಳು ಸಿನಿಮಾ ನಟರ ಫ್ಯಾನ್ಸ್ ಕಟೌಟ್ ವಿಚಾರದಲ್ಲಿ ದಾಖಲೆಗಳನ್ನ ಮಾಡುತ್ತಿರುವುದು ಗಂಭೀರ ವಿಷ್ಯವಾಗಿದೆ.