ಯಜಮಾನ ಚಿತ್ರಕ್ಕೂ ಎದುರಾಯ್ತು ಪೈರಸಿ ಕಾಟ.!

ತಮಿಳು ರಾಕರ್ಸ್ ಅಟ್ಟಹಾಸ

ಇಷ್ಟು ದಿನ ತೆಲುಗು, ತಮಿಳು, ಹಿಂದಿ ಚಿತ್ರಗಳನ್ನ ಟಾರ್ಗೆಟ್ ಮಾಡಿದ್ದ ತಮಿಳು ರಾಕರ್ಸ್, ಈಗ ಕನ್ನಡ ಸಿನಿಮಾಗಳನ್ನ ಕೂಡ ಗುರಿಯಾಗಿಸಿದೆ. ದರ್ಶನ್ ಯಜಮಾನ ಸಿನಿಮಾ ರಿಲೀಸ್ ಆಗಿ ಕೇವಲ ಏಳು ದಿನಗಳು ಕಳೆದಿದೆ. ಅಷ್ಟರಲ್ಲೇ ಯಜಮಾನ ಪೂರ್ತಿ ಸಿನಿಮಾ ಪೈರಸಿಯಾಗಿದೆ.

ಅಂದು 'ಬಂಗಾರದ ಮನುಷ್ಯ', ಈಗ 'ಯಜಮಾನ': ಇದೇ ನಿಜವಾದ ಗೆಲುವು

ಎಚ್ಚೆತ್ತುಕೊಳ್ಳಬೇಕಿದೆ

ಕೇವಲ ದೃಶ್ಯಗಳು ಮಾತ್ರ ಲೀಕ್ ಮಾಡಿದವರ ವಿರುದ್ಧ ಕ್ರ ಜರುಗಿಸುವ ಚಿತ್ರತಂಡಗಳು ಈಗ ಇಡೀ ಸಿನಿಮಾವನ್ನೇ ಲೀಕ್ ಮಾಡಿದವರಿಗೆ ಏನು ಮಾಡಬೇಕು ಹೇಳಿ. ಅಂತವರ ವಿರುದ್ಧ ಕಠಿಣ ಕ್ರಮ ತೆಗೆದುಕೊಂಡಿಲ್ಲ ಅಂದ್ರೆ ಕನ್ನಡ ಸಿನಿಮಾಗಳಿಗೆ ಭವಿಷ್ಯದಲ್ಲಿ ತೊಂದರೆಯಾಗಲಿದೆ. ಇದು ಕಲೆಕ್ಷನ್ ಮೇಲೂ ಪ್ರಭಾವ ಬೀರಲಿದೆ.

'ಯಾರದ್ದೂ ಕರೆಕ್ಟ್ ಪಿಕ್ಚರ್ ಸಿಗಲ್ಲ': ಕಲೆಕ್ಷನ್ ಬಗ್ಗೆ 'ಯಜಮಾನ' ನೇರ ಮಾತು

ನಟಸಾರ್ವಭೌಮನೂ ಲೀಕ್

ಕೇವಲ ದರ್ಶನ್ ಸಿನಿಮಾ ಮಾತ್ರವಲ್ಲ, ಪುನೀತ್ ರಾಜ್ ಕುಮಾರ್ ಅವರ ನಟಸಾರ್ವಭೌಮ ಸಿನಿಮಾನೂ ಲೀಕ್ ಆಗಿತ್ತು. ಸಿನಿಮಾ ರಿಲೀಸ್ ಆಗಿ ಕೇವಲ 25 ದಿನ ಆಗಿದೆಯಷ್ಟೆ. ಈ ಚಿತ್ರವನ್ನ ಕೂಡ ತಮಿಳು ರಾಕರ್ಸ್ ಅವರೇ ಪೈರಸಿ ಮಾಡಿದ್ದಾರೆ.

ವಿಮರ್ಶಕರ ಲೆಕ್ಕಾಚಾರದಲ್ಲಿ 'ಯಜಮಾನ' ಹೇಗಿದೆ: ಯಾವ ಪತ್ರಿಕೆ ಏನು ಹೇಳಿದೆ?

ಕನ್ನಡಕ್ಕೆ ಮಾರಕವಾಗ್ತಿದೆ ತಮಿಳು ರಾಕರ್ಸ್

ರಜನಿಕಾಂತ್, ವಿಜಯ್, ಎನ್.ಟಿ.ಆರ್, ರಾಮ್ ಚರಣ್ ಅಂತವರ ಚಿತ್ರಗಳಿಗೆ ಬಹಿರಂಗವಾಗಿ ಸವಾಲ್ ಹಾಕಿ ಸಿನಿಮಾ ಪೈರಸಿ ಮಾಡ್ತಿರುವ ತಮಿಳು ರಾಕರ್ಸ್ ವಿರುದ್ಧ ಯಾವುದೇ ಕಠಿಣ ಕ್ರಮ ಜರುಗಿಸುವಲ್ಲಿ ಯಶಸ್ಸು ಕಾಣ್ತಿಲ್ಲ. ಯಾಕಂದ್ರೆ, ತಮಿಳು ರಾಕರ್ಸ್ ನಿಯಂತ್ರಕರು ಎಲ್ಲಿದ್ದಾರೆ, ಹೇಗೆ ಲೀಕ್ ಮಾಡ್ತಾರೆ, ಅವರ ಐಪಿ ವಿಳಾಸ ಯಾವುದೂ ಗೊತ್ತಿಲ್ಲ. ಹೀಗಾಗಿ, ಇದು ಭಾರತೀಯ ಸಿನಿಮಾ ಇಂಡಸ್ಟ್ರಿಗೆ ದೊಡ್ಡ ತಲೆನೋವಾಗಿದೆ.

'ನಟಸಾರ್ವಭೌಮ'ನ ಪಾಲಿಗೆ ನಿಜವಾದ ವಿಲನ್ ಆದ ತಮಿಳು ರಾಕರ್ಸ್