'ಅರ್ಜುನ್ ರೆಡ್ಡಿ' ರೀಮೇಕ್ ನಲ್ಲಿ ನಟಿಸೋರು ಈ ಇಬ್ಬರಲ್ಲಿ ಯಾರು.?

'ಅರ್ಜುನ್ ರೆಡ್ಡಿ' ರೀಮೇಕ್ ನಲ್ಲಿ ಯಾರು ನಟಿಸಬೇಕು.?

ಫಿಲ್ಮಿಬೀಟ್ ಕನ್ನಡ ವೆಬ್ ಸೈಟ್ ನಲ್ಲಿ 'ಅರ್ಜುನ್ ರೆಡ್ಡಿ' ರೀಮೇಕ್ ನಲ್ಲಿ ಯಾರು ನಟಿಸಬೇಕು.? ಎಂಬ ಪ್ರಶ್ನೆಯನ್ನ ಕೇಳಲಾಗಿತ್ತು. ಇದಕ್ಕೆ ಉತ್ತರವಾಗಿ ಯಶ್, ಧನಂಜಯ್ ಇಬ್ಬರು ಆಯ್ಕೆ ನೀಡಲಾಗಿತ್ತು. ರೀಮೇಕ್ ಮಾಡುವುದು ಬೇಡ ಎಂದು ಮೂರನೇ ಆಯ್ಕೆಯನ್ನ ಕೂಡ ಕೇಳಲಾಗಿತ್ತು.

ಓದುಗರ ಆಯ್ಕೆ ಯಾರು ಗೊತ್ತಾ.?

'ಅರ್ಜುನ್ ರೆಡ್ಡಿ' ರೀಮೇಕ್ ನಲ್ಲಿ ಯಾರು ನಟಿಸಬೇಕು.? ಎಂಬ ಪ್ರಶ್ನೆಗೆ ಉತ್ತರಿಸಿರುವ ನಮ್ಮ ಓದುಗರು ಧನಂಜಯ್ ನಾಯಕನಾದ್ರೆ ಚೆನ್ನಾಗಿರುತ್ತೆ ಎಂದು ಶೇಕಡಾ 53 ರಷ್ಟು ಜನ ಹೇಳಿದ್ರೆ, ರಾಕಿಂಗ್ ಸ್ಟಾರ್ ಯಶ್ ಅಭಿನಯಿಸಲಿ ಎಂದು ಶೇಕಡಾ 14 ರಷ್ಟು ಜನ ತಮ್ಮ ಅಭಿಮತ ವ್ಯಕ್ತಪಡಿಸಿದ್ದಾರೆ.

ರೀಮೇಕ್ ಮಾಡೋದು ಬೇಡ

ಇನ್ನು ಅರ್ಜುನ್ ರೆಡ್ಡಿ ಸಿನಿಮಾವನ್ನ ರೀಮೇಕ್ ಮಾಡಲಿ ಎಂಬುವವರ ಮಧ್ಯೆ ಈ ಚಿತ್ರವನ್ನ ಕನ್ನಡಕ್ಕೆ ರೀಮೇಕ್ ಮಾಡಬೇಡಿ ಎನ್ನುವವವರು ಕೂಡ ಇದ್ದಾರೆ. ನಮ್ಮ ವೆಬ್ ಸೈಟ್ ನಲ್ಲಿ ಶೇಕಡಾ 34 ರಷ್ಟು ಮಂದಿ ರೀಮೇಕ್ ಬೇಡ ಎನ್ನುತ್ತಿದ್ದಾರೆ.

ರಿಮೇಕ್ ಹಕ್ಕು ಖರೀದಿಸಿರುವ ರಾಕ್ ಲೈನ್

ಸದ್ಯದ ಮಾಹಿತಿಯ ಪ್ರಕಾರ ಅರ್ಜುನ್ ರೆಡ್ಡಿ ಚಿತ್ರದ ರೀಮೇಕ್ ಹಕ್ಕು ಕನ್ನಡದ ಖ್ಯಾತ ನಿರ್ಮಾಪಕ ರಾಕ್ ಲೈನ್ ವೆಂಕಟೇಶ್ ಅವರ ಬಳಿ ಇದೆ ಎನ್ನಲಾಗಿದೆ. ಹೀಗಾಗಿ, ಕನ್ನಡದ ಸ್ಟಾರ್ ನಟರೊಬ್ಬರು ಈ ಸಿನಿಮಾ ಮಾಡಬಹುದು ಎಂಬ ನಿರೀಕ್ಷೆಯೂ ಇದೆ. ಆದ್ರೆ, ಯಾರು ಮಾಡಬಹುದು ಎಂಬ ಕುತೂಹಲ ಮಾತ್ರ ಸದ್ಯಕ್ಕೆ ಹಾಗಯೇ ಇರಲಿ.