ಈಗ ಹೇಳುವ ಮೂಡ್ ಇಲ್ಲ. ನೆಕ್ಸ್ಟ್ ಟೈಂ ಸಿಕ್ಕಾಗ ಹೇಳ್ತೀನಿ: ನಿರ್ದೇಶಕ ಪವನ್ ಗೆ ಯಶ್ ಹೀಗೆ ಹೇಳಿದ್ದೇಕೆ?

ಗೂಗ್ಲಿ ತಂಡಕ್ಕೆ ಯಶ್ ಅಭಿನಂದನೆ

ಯಶ್ ಸಿನಿಮಾರಂಗಕ್ಕೆ ಕಾಲಿಟ್ಟು 12 ವರ್ಷಗಳು ಕಳೆದಿವೆ. ಇದೆ ಸಂತಸದಲ್ಲಿ ಗೂಗ್ಲಿ ಬಗ್ಗೆಯೂ ಹೇಳಿಕೊಂಡಿದ್ದಾರೆ. "12 ವರ್ಷದ ಆಚರಣೆಯನ್ನು ತುಂಬಾ ವಿಶೇಷವಾಗಿಸಿದ್ದಕ್ಕೆ ಧನ್ಯವಾದಗಳು. ಗೂಗ್ಲಿ ಸಿನಿಮಾಗೆ 2 ವರ್ಷವಾಗಿದೆ. ಗೂಗ್ಲಿ ತಂಡಕ್ಕೆ ಅಭಿನಂದನೆಗಳು ಮತ್ತು ತುಂಬಾ ಧನ್ಯವಾದಗಳು. ಪವನ್ ಒಡೆಯರ್, ಕೃತಿ ಕರಬಂಧ, ಜಯಣ್ಣ ಕಂಬೈನ್ಸ್ ಮತ್ತು ಚಿತ್ರದ ಭಾಗವಾದ ಪ್ರತಿಯೊಬ್ಬರಿಗೂ ಧನ್ಯವಾದಗಳು" ಎಂದು ಹೇಳಿದ್ದಾರೆ.

ಮತ್ತೊಂದು ಗೂಗ್ಲಿ ಯಾವಾಗ?

ನಿರ್ದೇಶಕ ಪವನ್ ವಡೆಯರ್ ಮತ್ತೊಂದು ಗೂಗ್ಲಿ ಸಿನಿಮಾ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಯಶ್ ಅವರನ್ನು ಹೇಳಿಕೊಂಡಿದ್ದಾರೆ. "ಮತ್ತೊಂದು ಗೂಗ್ಲಿ ಡಾರ್ಲಿಂಗ್ ಯಶ್" ಎಂದು ಪವನ್ ಟ್ವೀಟ್ ಮಾಡಿದ್ದಾರೆ. ಇದಕ್ಕೆ ಪ್ರತಿಕ್ರಿಯೆ ನೀಡುವ ಮೂಲಕ ಪವನ್ ಕಾಲೆಳೆದಿದ್ದಾರೆ.

'ಈಗ ಹೇಳೊ ಮೂಡ್ ಇಲ್ಲ' ಎಂದ ಯಶ್

"ನೀವು ಇನ್ನೂ ಒಂದು ಗೂಗ್ಲಿ ಎಂದು ಹೇಳುತ್ತಿದ್ದೀರಿ? ಈಗ ಅದರ ಬಗ್ಗೆ ಹೇಳೊ ಮೂಡ್ ಇಲ್ಲ. ನೆಕ್ಸ್ಟ ಟೈಂ ಸಿಕ್ಕಾಗ ಹೇಳ್ತೀನಿ" ಎಂದು ಯಶ್, ಸಾಮಾಜಿಕ ಜಾಲತಾಣದಲ್ಲಿ ಪವನ್ ಕಾಲೆಳೆದಿದ್ದಾರೆ. ಯಶ್ ಪ್ರತಿಕ್ರಿಯೆಗೆ ಪವನ್ "ಇದು ಗೂಗ್ಲಿ ಅಂದ್ರೆ" ಎಂದಿದ್ದಾರೆ. ಪವನ್ ಮತ್ತು ಯಶ್ ಇಬ್ಬರ ಮಾತುಕತೆ ನೋಡಿ ಅಭಿಮಾನಿಗಳು ಗೂಗ್ಲಿ-2 ಬರ್ತಿದೆಯಾ ಎಂದು ಪ್ರಶ್ನಿಸುತ್ತಿದ್ದಾರೆ. ಅಲ್ಲದೆ ಗೂಗ್ಲಿ-2 ಗಾಗಿ ಕಾಯುತ್ತಿದ್ದೀವಿ ಎಂದು ಹೇಳುತ್ತಿದ್ದಾರೆ.

ಗೂಗ್ಲಿ-2 ಮಾಡಲು ಉತ್ಸುಕರಾಗಿದ್ದಾರೆ ಕೃತಿ

ಈ ಹಿಂದೆ ನಟಿ ಕೃತಿ ಬರಬಂಧ ಸಹ ಗೂಗ್ಲಿ-2 ಮಾಡುವ ಬಗ್ಗೆ ಕೇಳಿಕೊಂಡಿದ್ದರು. ನಿರ್ದೇಶಕ ಪವನ್ ಬಳಿ ಕೃತಿ 'ಮತ್ತೊಂದು ಸಿನಿಮಾ ಮಾಡಿ ನನ್ನನ್ನು ಕರೆದುಕೊಳ್ಳಿ' ಎಂದಿದ್ದರು ಇಡೀ ತಂಡ ಗೂಗ್ಲಿ ಹಾಗೆ ಮತ್ತೊಂದು ಸಿನಿಮಾ ಮಾಡಲು ಉತ್ಸುಕರಾಗಿದ್ದಾರೆ. ಒಂದು ವೇಳೆ ಯಶ್ ಡೇಟ್ ಸಿಕ್ಕರೆ ಮತ್ತೊಂದು ಗೂಗ್ಲಿ ಬರುವುದರಲ್ಲಿ ಯಾವುದೆ ಅನುಮಾನವಿಲ್ಲ.