'ಬಾಸ್'ಗಾಗಿ ಯಶ್ ಏನ್ ಬೇಕಾದರೂ ಮಾಡ್ತಾರೆ ಅನ್ನೋದಕ್ಕೆ ಇದು ಸಾಕ್ಷಿ

ಬಾಸ್ ಮೇಲಿನ ಪ್ರೀತಿ

ರಾಕಿಂಗ್ ಸ್ಟಾರ್ ಯಶ್ ಅವರ ಬೆಂಜ್ ಕಾರಿಗೆ KA 05 MY 8055 ಎನ್ನುವ ನಂಬರ್ ಸಿಕ್ಕಿದೆ. ಈಗಾಗಲೇ ಯಶ್ ಬಳಿ ಇರುವ ಕಾರ್ ಗಳ ನಂಬರ್ ಕೂಡ 8055 . 8055 ಬಾಸ್ ಎನ್ನುವ ಅರ್ಥ ಕೊಡುತ್ತದೆ ಆದ್ದರಿಂದ ಇಷ್ಟು ದಿನಗಳು ಕಾದಿದ್ದು ಇದೇ ನಂಬರ್ ಖರೀದಿ ಮಾಡಿದ್ದಾರೆ.

ಫ್ಯಾನ್ಸಿ ನಂಬರ್ ಗಾಗಿ 75,000

ಸುಮಾರು ಆರು ತಿಂಗಳಿಂದ ಫ್ಯಾನ್ಸಿ ನಂಬರ್ ಗಾಗಿ ಕಾದಿದ್ದ ಯಶ್ ಇತ್ತೀಚಿಗಷ್ಟೆ ಶಾಂತಿನಗರದ ಆರ್.ಟಿ.ಒ ಕೇಂದ್ರ ಕಚೇರಿಯಲ್ಲಿ ನಡೆದ ನಾಲ್ಕು ಚಕ್ರ ವಾಹನಗಳ ಫ್ಯಾನ್ಸಿ ಸಂಖ್ಯೆಯ ಹರಾಜು ಪ್ರಕ್ರಿಯೆಯಲ್ಲಿ 75,000 ಸಾವಿರ ಕೊಟ್ಟು 'KA 05 MY 8055' ಖರೀದಿ ಮಾಡಿದ್ದಾರೆ.

ಬೇಡಿಕೆಯ ನಂಬರ್ '8055'

ಫ್ಯಾನ್ಸಿ ನಂಬರ್ ತಮ್ಮ ಕಾರು ಮತ್ತು ಬೈಕ್ ಗಳಿಗೆ ಹಾಕಿಸಿಕೊಳ್ಳಬೇಕು ಎನ್ನುವ ಆಸೆ ಸಾಕಷ್ಟು ಜನರಲ್ಲಿ ಇರುತ್ತೆ. ಯಶ್ ಮಾತ್ರವಲ್ಲದೆ ಹರಾಜು ಪ್ರಕ್ರಿಯೆಯನ್ನ ಸಾಕಷ್ಟು ಜನರು ಭಾಗಿ ಆಗಿದ್ದರು. ಆದರೆ 'KA 05 MY 8055' ನಂಬರ್ ಯಶ್ ಪಾಲಾಗಿದೆ.

ಮೈ ಬಾಸ್ ಎಂದು ಬಿಂಬಿತವಾಗುವ ನಂಬರ್

ಕಳೆದ ವರ್ಷಾಂತ್ಯದಲ್ಲಿ ರಾಕಿಂಗ್ ಸ್ಟಾರ್ ಯಶ್ ತಂದೆ-ತಾಯಿಗೆ, ಹೆಂಡತಿಗಾಗಿ ಹಾಗೂ ತಮಗಾಗಿ ಮೂರು ಕಾರ್ ಗಳನ್ನು ಖರೀದಿ ಮಾಡಿದ್ದರು. ಅದೇ ಕಾರ್ ಗೆ "KA05 - MY8055" ನಂಬರ್ ಹಾಕಿಸಲಿದ್ದಾರೆ.