ಆಲಿಯಾ-ಅನುಷ್ಕಾ ಇಬ್ಬರಲ್ಲಿ ಯಶ್ ಆಯ್ಕೆ ಮಾಡಿಕೊಂಡಿದ್ದು ಯಾರನ್ನ.?

ರಜನಿ, ಕಮಲ್, ಶಾರೂಖ್ ಏನು.?

ರಜನಿಕಾಂತ್, ಕಮಲ್ ಹಾಸನ್, ಶಾರೂಖ್ ಖಾನ್ ಬಗ್ಗೆ ಒಂದೇ ಪದಗಳಲ್ಲಿ ಹೇಳುವುದಾದರೇ ಏನು ಹೇಳುತ್ತೀರಾ ಎಂದು ನಿರೂಪಕರು ಕೇಳಿದ್ದ ಪ್ರಶ್ನೆ ಯಶ್ ಉತ್ತರಿಸಿದ್ದಾರೆ. ರಜನಿ-ತಲೈವಾ (ಗಾಡ್), ಕಮಲ್ ಹಾಸನ್-ಪ್ರತಿಭೆಯ ಗಣಿ, ಶಾರೂಖ್-ನನಗೆ ಸ್ಫೂರ್ತಿ, ಅಮಿತಾಭ್ ಬಚ್ಚನ್-ಜಂಟಲ್ ಮ್ಯಾನ್, ಲೆಜೆಂಡ್ ಎಂದಿದ್ದಾರೆ.

ರಾಧಿಕಾ ಅಥವಾ ಶ್ರೀನಿಧಿ ಶೆಟ್ಟಿ.?

ನಿಮ್ಮೆ ನೆಚ್ಚಿನ ಸಹನಟಿ ಯಾರು ಎಂದು ಕೇಳಿ ರಾಧಿಕಾ ಪಂಡಿತ್ ಮತ್ತು ಶ್ರೀನಿಧಿ ಶೆಟ್ಟಿ ಎಂದು ಆಯ್ಕೆ ನೀಡಲಾಗಿತ್ತು. ಇದಕ್ಕೆ ಉತ್ತರ ಕೊಟ್ಟ ಯಶ್, ''ನನ್ನ ಆಯ್ಕೆ ರಾಧಿಕಾ ಪಂಡಿತ್, ನನ್ನ ಪತ್ನಿ'' ಎಂದು ಹೇಳಿದ್ರು.

ಆಲಿಯಾ ಭಟ್-ಅನುಷ್ಕಾ ಶರ್ಮಾ

ಇನ್ನು ಬಾಲಿವುಡ್ ನಲ್ಲಿ ಯಾರು ನೆಚ್ಚಿನ ನಟಿ ಎಂದು ಕೇಳಿ ಅನುಷ್ಕಾ ಶರ್ಮಾ ಮತ್ತು ಆಲಿಯಾ ಭಟ್ ಆಯ್ಕೆ ನೀಡಲಾಗಿತ್ತು. ಇವರಿಬ್ಬರಲ್ಲಿ ಯಶ್ ಆಯ್ಕೆ ಮಾಡಿಕೊಂಡ ನಟಿ ಆಲಿಯಾ ಭಟ್.

ಯಾವ ಬಾಹುಬಲಿ ಇಷ್ಟ.?

ಎಸ್ ಎಸ್ ರಾಜಮೌಳಿ ನಿರ್ದೇಶನ 'ಬಾಹುಬಲಿ ದಿ ಬಿಗಿನಿಂಗ್' ಅಥವಾ 'ಬಾಹುಬಲಿ ದಿ ಕನ್ ಕ್ಲೂಷನ್' ಈ ಎರಡು ಚಿತ್ರಗಳಲ್ಲಿ ಯಾವುದು ಇಷ್ಟ ಎಂದು ಕೇಳಿದ್ದ ಪ್ರಶ್ನೆಗೆ ''ಬಾಹುಬಲಿ ದಿ ಕನ್ ಕ್ಲೂಷನ್'' ಎಂದು ಉತ್ತರ ನೀಡಿದರು.

ಕೆಜಿಎಫ್ ದಾಖಲೆಯ ಚಿತ್ರ

ರಾಕಿಂಗ್ ಸ್ಟಾರ್ ಯಶ್ ಅಭಿನಯದ ಚಿತ್ರಗಳ ಪೈಕಿ, ಕೆಜಿಎಫ್ ಅತಿ ಹೆಚ್ಚು ಗಳಿಕೆ ಕಂಡಿರುವ ಸಿನಿಮಾ ಎಂದು ಸ್ವತಃ ಯಶ್ ಅವರೇ ಒಪ್ಪಿಕೊಂಡಿದ್ದಾರೆ. ಸದ್ಯ, ಪ್ರೀ ರಿಲೀಸ್ ನಿಂದಲೇ ಹೆಚ್ಚು ಹೈಪ್ ಕ್ರಿಯೇಟ್ ಮಾಡಿರುವ ಸಿನಿಮಾ ಡಿಸೆಂಬರ್ 21 ರಂದು ಬಿಡುಗಡೆಯಾಗುತ್ತಿದೆ.