ಕನ್ನಡ ನಟರ ಟ್ರೋಲ್: ಯಶ್ ಅಭಿಮಾನಿಗಳು ಮಾಡ್ತಿರೋದು ಸರಿಯೇ?

ಯಶ್ ಫ್ಯಾನ್ಸ್‌ಯಿಂದ ಕನ್ನಡ ಸ್ಟಾರ್ ನಟರ ಟ್ರೋಲ್!

ಸ್ಟಾರ್ ನಟರ ಸಾಕಷ್ಟು ಜನ ಅಭಿಮಾನಿಗಳು ಸಾಮಾಜಿಕ ಜಾಲತಾಣದಲ್ಲಿ ಸದಾ ಸಕ್ರಿಯವಾಗಿ ಇರುತ್ತಾರೆ. ಈಗ ಸೋಷಿಯಲ್ ಮೀಡಿಯಾದಲ್ಲಿ ಯಶ್ ಅಭಿಮಾನಿಗಳ ಅಬ್ಬರ ಜೋರಾಗಿದೆ. ಕೆಜಿಎಫ್ 2 ಚಿತ್ರದ ಯಶಸ್ಸನ್ನು ಯಶ್ ಫ್ಯಾನ್ಸ್ ಸಂಭ್ರಮಿಸುತ್ತಿದ್ದಾರೆ. ಆದರೆ ಅದು ಕೊಂಚ ಅತಿರೇಕ ಎನಿಸಿಕೊಂಡಿದೆ. ಯಾಕೆಂದರೆ ಯಶ್ ಯಶಸ್ಸನ್ನು ಸಂಭ್ರಮಿಸುವ ಭರದಲ್ಲಿ ಬೇರೆ ನಟರ ಕಾಲೆಳೆಯುವ ಕೆಲಸ ಆಗುತ್ತಿದೆ. ಹಾಗಾಗಿ ಸುದೀಪ್, ದರ್ಶನ್, ಯಶ್ ಅಭಿಮಾನಿಗಳ ನಡುವೆ ಸೋಷಿಯಲ್ ಮೀಡಿಯಾದಲ್ಲಿ ವಾರ್ ಹುಟ್ಟಿಕೊಂಡಿದೆ.

KGF ಹೆಸರಿಲ್ಲದೆ ಬೇರೆ ಸಿನಿಮಾಗಳು ಇಲ್ಲ ಎನ್ನುವ ಕಮೆಂಟ್!

ಸಾಮಾಜಿಕ ತಾಣದಲ್ಲಿ ಕಮೆಂಟ್ ಮಾಡುತ್ತಿರುವ ಯಶ್ ಅಭಿಮಾನಿಗಳು ಕನ್ನಡದ ಇತರೆ ಚಿಲನಚಿತ್ರಗಳು ಮತ್ತು ಸ್ಟಾರ್ ನಟರ ಅವಹೇಳನ ಮಾಡುತ್ತಿರುವುದು ಕಂಡು ಬಂದಿದೆ. ಇತರೆ ಸ್ಟಾರ್ ನಟರು ತಮ್ಮ ಚಿತ್ರದ ಪ್ರಚಾರಕ್ಕಾಗಿ 'ಕೆಜಿಎಫ್' ಚಿತ್ರದ ಹೆಸರನ್ನು ಬಳಸಿಕೊಳ್ಳುತ್ತಿದ್ದಾರೆ, ಇಲ್ಲವೇ 'ಕೆಜಿಎಫ್' ಚಿತ್ರದ ಯಶಸ್ಸನ್ನು ಹಿಯ್ಯಾಳಿಸುತ್ತಿದ್ದಾರೆ ಎನ್ನುವ ಪೋಸ್ಟ್ ಹಾಕಿಕೊಂಡಿದ್ದಾರೆ. ಇದಕ್ಕೆ ಸಾಕಷ್ಟು ವಿರೋಧ ವ್ಯಕ್ತವಾಗಿದೆ.

ನಮ್ಮವರನ್ನು ನಾವೇ ಟ್ರೋಲ್ ಮಾಡೋದ್ಯಾಕೆ?

ಇನ್ನು ರೀತಿಯಾಗಿ ಫ್ಯಾನ್ ವಾರ್ ಶುರುವಾಗುತ್ತಾ ಇದ್ದಂತೆ, ಇದಕ್ಕೆ ವಿರೋಧವು ವ್ಯಕ್ತವಾಗಿದೆ. ನಮ್ಮ ನಟರನ್ನು ನಾವೇ ವಿರೋಧ ಮಾಡೋದು ತಪ್ಪು, ಒಂದೇ ಇಂಡಸ್ಟ್ರಿಯವರು ಒಂದಾಗಿ ಇದ್ದರೆ ಇನ್ನು ಹೆಚ್ಚಿನದೇನ್ನು ಸಾಧಿಸಬಹುದು ಎಂದು ಸಾಮಾನ್ಯರು ಕಮೆಂಟ್ ಮಾಡಿದ್ದಾರೆ. ಆದರೆ ನಟರನ್ನು ಟ್ರೋಲ್ ಮಾಡುವುದು ಮಾತ್ರ ನಿಂತಿಲ್ಲ.

ದರ್ಶನ್ ರಾಕಿಂಗ್ ಸ್ಟಾರ್ ಆಗಿ ಬಿಟ್ಟರು!

ಇನ್ನು ಯಶ್ ಬಾಕ್ಸಾಫೀಸ್ ಸುಲ್ತಾನ್ ಎನ್ನುವ ಟೈಟಲ್‌ನಿಂದಾಗಿ, ಈ ಫ್ಯಾನ್ ವಾರ್ ಶುರುವಾಗಿದೆ. ಯಶ್ ಅಭಿಮಾನಿಗಳು ಕನ್ನಡದ ಚಿತ್ರರಂಗದ ಬಾಸ್ ಕೂಡ ಯಶ್, ಬಾಕ್ಸಾಫೀಸ್ ಸುಲ್ತಾನ್ ಕೂಡ ಯಶ್ ಒಬ್ಬರೇ ಎಂದು ಕಮೆಂಟ್ ಮಾಡುತ್ತಿದ್ದಾರೆ. ಇದೇ ಬೆನ್ನಲ್ಲೇ ದರ್ಶನ್ ಅಭಿಮಾನಿಗಳು ಬಾಕ್ಸಾಫಿಸ್ ಸುಲ್ತಾನ ಎನ್ನುವುದು ದರ್ಶನ್ ಅವರಿಗೆ ಇರುವ ಬಿರುದು ಎಂದು ವಾರ್‌ಗೆ ಇಳಿದು ಬಿಟ್ಟಿದ್ದಾರೆ.

ಫ್ಯಾನ್ಸ್ ಬಗ್ಗೆ ನಟರು ಮಾತಾಡುವ ಅವತ್ಯಕತೆ ಇದೆಯೇ!

ಅಭಿಮಾನಿಗಳು ಹೀಗೆ ಎಷ್ಟೇ ಕಿತ್ತಾಡಿಕೊಂಡರೂ, ಇಂತಹ ವಿಚಾರಗಳಲ್ಲಿ ಸ್ಟಾರ್ ನಟರು ಮಾತನಾಡುವುದಿಲ್ಲ. ಆದರೆ ಯಾರು ಇಲ್ಲಿ ಪ್ರಶ್ನಾತೀತರಲ್ಲ. ಹಾಗಾಗಿ ಅಭಿಮಾನಿಗಳು ಅತಿರೇಕಕ್ಕೆ ಹೋದರೆ ನಟರು ಒಂದು ಕರೆ ನೀಡುವುದರಿಂದ ಇದೆಲ್ಲಾ ಸರಿಹೋಗ ಬಹುದು ಎಂದು ಕಾಣುತ್ತೆ. ಆದರೆ ಸ್ಟಾರ್ ನಟರು ಮಾತನಾಡದೇ ಇರುವುದು ಕೂಡ ವಿಪರ್ಯಾಸವೇ.