ರಾಕಿ ಭಾಯ್ ಮೇಲೆ ಬಿತ್ತು ಪರಭಾಷಿಗರ ಕಣ್ಣು, ಇನ್ಮುಂದೆ ಕಾಲ್ ಶೀಟ್ ಕಷ್ಟ.!

ಬೇರೆ ಭಾಷೆಯಿಂದ ಆಫರ್ ಬಂದಿದೆ

ಕೆಜಿಎಫ್ ಸಿನಿಮಾ ತೆರೆಕಂಡ ಆರಂಭದಲ್ಲಿ ಯಶ್ ಅವರ ಬಳಿ ಬೇರೆ ಇಂಡಸ್ಟ್ರಿಯಿಂದ ಆಫರ್ ಬಂದಿದ್ಯಾ ಎಂದು ಕೇಳಿದ್ದಕ್ಕೆ ''ಇಲ್ಲ ಅದೆಲ್ಲ ಸುಳ್ಳು'' ಎಂದಿದ್ದರು. ಇದೀಗ, ಕೆಜಿಎಫ್ ಸಿನಿಮಾ 25 ದಿನ ಪೂರೈಸಿದೆ. ಈ ಸಂತಸದಲ್ಲಿ ಕೆಜಿಎಫ್ ತಂಡ ಸಂತೋಷ ಕೂಟವನ್ನ ಏರ್ಪಡಿಸಿತ್ತು. ಈ ವೇಳೆ ಮಾತನಾಡಿದ ಯಶ್ ''ಬೇರೆ ಭಾಷೆಯಿಂದ ಆಫರ್ ಬಂದಿರೋದು ನಿಜ'' ಎಂದು ಬಹಿರಂಗಪಡಿಸಿದ್ದಾರೆ.

ಸದ್ಯಕ್ಕೆ ಚಾಪ್ಟರ್ 2 ಮಾತ್ರ

''ಸದ್ಯಕ್ಕೆ ನಾವು ಚಾಪ್ಟರ್ 2 ಮಾತ್ರ ಹೆಚ್ಚು ಗಮನ ಕೊಡ್ತಿದ್ದೀವಿ. ಈ ಚಿತ್ರವನ್ನ ಇನ್ನು ದೊಡ್ಡ ಮಟ್ಟಕ್ಕೆ ಯಶಸ್ಸು ಗೊಳಿಸಬೇಕು ಎಂಬ ಒತ್ತಡ ನಮ್ಮ ಮೇಲಿದೆ. ಹಾಗಾಗಿ, ಚಾಪ್ಟರ್ 2 ತಯಾರಿಯಲ್ಲಿ ನಮ್ಮ ತಂಡ ಇದೆ. ಇದಾದ ಬಳಿಕ ನೋಡೋಣ ಅಂತ ನಾನು ಹೇಳ್ತಿದ್ದೀನಿ'' ಎಂದು ಯಶ್ ಹೇಳಿಕೊಂಡರು.

ಓಕೆ ಮಾಡೋಣ ಅಂತಿದ್ದಾರೆ

''ಚಾಪ್ಟರ್ 2 ಮುಗಿಸಿ, ಅದಾದ ಬಳಿಕ ಮಾಡೋಣ ಅಂತಾನೂ ಕೆಲವರು ಹೇಳ್ತಿದ್ದಾರೆ. ಬಟ್, ಈಗಲೇ ಕಮಿಟ್ ಆಗೋದು ಬೇಡ ಅಂತ ಸುಮ್ಮನಾಗಿದ್ದೀನಿ. ಈಗ ಬರಿ ಕೆಜಿಎಫ್ ಚಾಪ್ಟರ್ 2 ಮಾತ್ರ ನಮ್ಮ ಗುರಿ'' ಎಂದು ರಾಜಾಹುಲಿ ಅಂತೆ ಕಂತೆಗಳಿಗೆ ಬ್ರೇಕ್ ಹಾಕಿದ್ದಾರೆ.

ಚಾಪ್ಟರ್ 2 ಹೆಚ್ಚಿದ ಒತ್ತಡ

ಕೆಜಿಎಫ್ ಚಾಪ್ಟರ್ 2 ಬೇಗ ಮಾಡಿ ಅಂತ ನಮ್ಮ ಚಿತ್ರತಂಡಕ್ಕಿಂತ ಇತರೆ ಸಂಸ್ಥೆಗಳು, ನಿರ್ಮಾಪಕರು ಒತ್ತಡ ಹೇರುತ್ತಿದ್ದಾರೆ. ಅದರಲ್ಲೂ ಹಿಂದಿಯವರಂತೂ ಈ ಬಗ್ಗೆ ಮೀಟಿಂಗ್ ಕೂಡ ಇಟ್ಟಿದ್ದಾರೆ. ಆದಷ್ಟೂ ಬೇಗ ಚಾಪ್ಟರ್ 2 ಆಗಲಿ ಎಂಬ ಕಾತುರದಲ್ಲಿದ್ದಾರೆ ಎಂದು ಕೆಜಿಎಫ್ ಸ್ಟಾರ್ ಬಹಿರಂಗಪಡಿಸಿದ್ದಾರೆ.