'KGF-2' ನಿರ್ದೇಶಕ ಪ್ರಶಾಂತ್ ನೀಲ್ ಗೆ ದುಬಾರಿ ಉಡುಗೊರೆ ನೀಡಿದ ಯಶ್

ಪ್ರಶಾಂತ್ ನೀಲ್ ಗೆ ಯಶ್ ದುಬಾರಿ ಉಡುಗೊರೆ

ಕನ್ನಡಿಗರು ಮಾತ್ರವಲ್ಲದೆ ಇಡೀ ಭಾರತೀಯ ಚಿತ್ರತಂಡ ಮರೆಯಲಾಗದಂತಹ ಸಿನಿಮಾ ನೀಡಿರುವ ಪ್ರಾಶಾಂತ್ ನೀಲ್ ಗೆ ಯಶ್ ಅದ್ಭುತ ಗಿಫ್ಟ್ ಅನ್ನು ನೀಡಿದ್ದಾರೆ. ಯಶ್ ಗೆ ಬೆಲೆ ಕಟ್ಟಲಾಗದ ಕೆಜಿಎಫ್ ಸಿನಿಮಾವನ್ನು ಉಡುಗೊರೆ ನೀಡಿರುವ ಪ್ರಶಾಂತ್ ನೀಲ್ ಗೆ ಯಶ್ ಕೂಡ ಸುಂದರವಾದ ಗಿಫ್ಟ್ ಮಾಡಿದ್ದಾರೆ.

ಮೊಬೈಲ್ ಗಿಫ್ಟ್ ಮಾಡಿದ ಯಶ್

ನಿರ್ದೇಶಕ ಪ್ರಶಾಂತ್ ನೀಲ್ ಗೆ ಯಶ್ ದುಬಾರಿ ಬೆಲೆಯ ಮೊಬೈಲ್ ಅನ್ನು ಗಿಫ್ಟಾಗಿ ನೀಡಿದ್ದಾರೆ. ಸ್ಯಾಮ್ಸಂಗ್ ಗ್ಯಾಲಕ್ಸಿ ಎ ಎಕ್ಸ್ ವೈ ಫೋಲ್ಡಿಂಗ್ ಮೊಬೈಲ್ ಅನ್ನು ಉಡುಗೊರೆಯಾಗಿ ನೀಡಿದ್ದಾರೆ. ಈ ಗಿಫ್ಟ್ ಫೋಟೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ ಪ್ರಶಾಂತ್ ನೀಲ್.

ಪ್ರಶಾಂತ್ ನೀಲ್ ಹೇಳಿದ್ದೇನು?

"ರಾಕಿ ಭಾಯ್ ಯಶ್ ನಿಮಗೆ ಸರ್ಪ್ರೈಸ್ ನೀಡಿದಾಗ..ಸ್ವೀಟೆಸ್ಟ್ ಗೆಶ್ಚರ್"..ಧನ್ಯವಾದಗಳು ಯಶ್ ಎಂದು ಬರೆದು ಕೊಂಡಿದ್ದಾರೆ. ಇದರ ಜೊತೆಗೆ ಯಶ್ ಗಿಫ್ಟ್ ಮಾಡಿರುವ ಮೊಬೈಲ್ ಅನ್ನು ಅಭಿಮಾನಿಗಳ ಜೊತೆ ಹಂಚಿಕೊಂಡಿದ್ದಾರೆ. ರಾಕಿ ಭಾಯ್ ಗಿಫ್ಟ್ ನೋಡಿ ಅಭಿಮಾನಿಗಳು ಸಂತಸ ಪಟ್ಟಿದ್ದಾರೆ.

ರೀನಾ ಮೊದಲ ಫೋಟೋ ಹಂಚಿಕೊಂಡ ನಿರ್ದೇಶಕ

ನಿರ್ದೇಶಕ ಪ್ರಶಾಂತ್ ನೀಲ್ ಯಶ್ ನೀಡಿರುವ ಉಡುಗೊರೆ ಫೋಟೋವನ್ನು ಹಂಚಿಕೊಳ್ಳುವ ಜೊತೆಗೆ ರೀನಾ ಫೋಟೋವನ್ನು ಹಂಚಿಕೊಂಡಿದ್ದಾರೆ. ಅದ್ದೂರಿಯಾಗಿ ಹಾಕಿರುವ ಸೆಟ್ ನಲ್ಲಿ ನಟಿ ಶ್ರೀನಿಧಿ ಶೆಟ್ಟಿ ಮತ್ತು ಪ್ರಶಾಂತ್ ನೀಲ್ ಪತ್ನಿ ಇರುವ ಫೋಟೋವನ್ನು ಶೇರ್ ಮಾಡಿದ್ದಾರೆ. ಈ ಫೋಟೋದಲ್ಲಿ ರೀನಾ ಕೆಂಪು ಬಣ್ಣದ ಬಾರ್ಡರ್ ಇರುವ ಬಿಳಿ ಬಣ್ಣದ ಸೀರೆಯನ್ನು ಧರಿಸಿದ್ದಾರೆ. ಯಾವುದೊ ಕಾರ್ಯಕ್ರಮದಲ್ಲಿ ಭಾಗಿಯಾದ ಫೋಟೋ ಇದಾಗಿದೆ.